Fear in Pakistan Sirens in 29 districts after Pahalgam attack
Pakistan sirens 29 districts : भारताच्या संभाव्य कारवाईच्या भीतीने पाकिस्तानमध्ये भीतीचे वातावरण पसरले आहे. विशेषतः जम्मू-काश्मीरमधील पहलगाम येथे झालेल्या दहशतवादी हल्ल्यानंतर भारत कठोर पावले उचलू शकतो, या भीतीने पाकिस्तान सरकारने खैबर पख्तूनख्वा प्रांतातील २९ जिल्ह्यांत एअर सायरन यंत्रणा बसवण्याचे आदेश दिले आहेत. हे सायरन आपत्कालीन हवाई हल्ल्यांबाबत नागरिकांना तत्काळ इशारा देण्यासाठी वापरण्यात येणार आहेत. हे आदेश नागरी संरक्षण विभागाच्या वतीने संबंधित जिल्ह्यांच्या उपायुक्तांना दिले गेले असून, तातडीने सायरन बसवून अहवाल सादर करण्याचे निर्देश देण्यात आले आहेत.
India-Pakistan War :- पाकिस्तान सरकारने दिलेल्या माहितीनुसार, पेशावर, अबोटाबाद, मरदान, कोहट, स्वात, डेरा इस्माईल खान आणि बन्नू या महत्त्वाच्या शहरांमध्ये प्रत्येकी चार सायरन बसवले जातील. उर्वरित २२ जिल्ह्यांमध्ये प्रत्येकी एक सायरन बसवला जाणार आहे. यात लोअर दिर, चित्राल, कुर्रम, नौशेरा, हरिपूर, बाजौर, हांगू, वझिरिस्तान, ओरकझाई आणि इतर सीमावर्ती भागांचा समावेश आहे. हे सर्व जिल्हे नियंत्रण रेषेपासून ३०० ते ५०० किलोमीटर अंतरावर आहेत, हे विशेष उल्लेखनीय आहे. त्यामुळे पाकिस्तान फक्त सीमेवरील भागातच नव्हे, तर अंतर्गत प्रांतातही कारवाई होण्याच्या शक्यतेने सतर्क झाला आहे.
#BREAKING : In order to meet emergency situation in Khyber Pakhtukhwaa — 50 Electric Sirens were purchased by Civil Defence Directorate of KPK Province & issued to all Deputy Commissioners This system can be used as an tool for dissemination of War in times of Air Raid… pic.twitter.com/cKrGw2vRQX — Siddhant Mishra (@siddhantvm) May 1, 2025
credit : social media
जम्मू-काश्मीरमधील पहलगाम येथे नुकताच झालेला दहशतवादी हल्ला, ज्यामध्ये भारतीय सुरक्षादलांच्या जवानांना लक्ष्य करण्यात आले, त्यानंतर भारताकडून कठोर लष्करी कारवाई होण्याची शक्यता पाकिस्तानला भेडसावत आहे. या पार्श्वभूमीवर पाकिस्तान सरकारने ही सावधगिरीची भूमिका घेतली आहे. भारताकडून सर्जिकल स्ट्राईक किंवा हवाई हल्ला होण्याची शक्यता वर्तवून, पाकिस्तानचे संरक्षण तज्ज्ञ, राजकीय नेते आणि लष्करी अधिकारी सातत्याने मीडिया माध्यमांतून चिंता व्यक्त करत आहेत.
जागतिक घडामोडी संबंधित बातम्या वाचण्यासाठी येथे क्लिक करा : ‘पाकिस्तान भारताला घाबरतो’ 32 वर्षे जुन्या CIA अहवालाचा धक्कादायक खुलासा; पहलगामसारख्या हल्ल्याची आधीच होती शक्यता
पाकिस्तानमधील बाजौर भागातून सायरन बसवण्याचे फोटो समोर आले आहेत, जे सोशल मीडियावर व्हायरल झाले आहेत. हा भाग केवळ भारत-पाकिस्तान नियंत्रण रेषेला जवळ नसून, अफगाणिस्तानच्या सीमेलाही लागून आहे. या सायरन यंत्रणा फक्त भारताच्या कारवाईपासून संरक्षणासाठी नसून, अफगाणिस्तानातून होणाऱ्या संभाव्य हल्ल्यांपासूनही बचाव करण्यासाठी वापरल्या जाऊ शकतात, अशी शक्यताही वर्तवली जात आहे.
भारतीय कारवाईची भीती इतकी वाढली आहे की, पाकिस्तानी सैन्यही युद्ध सराव करत आहे. सैन्याने सीमावर्ती भागांत हालचाली वाढवून तणावपूर्ण वातावरण निर्माण केले आहे. भारताकडून एखादा अचूक आणि कठोर प्रत्युत्तरात्मक हल्ला होऊ शकतो, यामुळे पाकिस्तान सतत सतर्क राहण्याचा प्रयत्न करत आहे.
दरम्यान, भारताने अधिकृतरित्या कोणतीही थेट कारवाईची घोषणा केली नसली, तरी पहलगाम हल्ल्याला उत्तर देण्यासाठी भारत कटिबद्ध आहे, हे स्पष्ट संकेत सरकारकडून दिले गेले आहेत. भारत शांतता प्रस्थापित करण्याच्या भूमिकेवर ठाम असला, तरी देशाच्या सुरक्षेसाठी कोणतीही कठोर पावले उचलायला तो मागे-पुढे पाहणार नाही, हे पाकिस्तानसह जगालाही ठाऊक आहे.
Pakistan has installed Wartime sirens in Bajaur district of Khyber Pakhtunkhwa. Do they expect Taliban to take over KPK or Pashtuns uprising against Pakistan deep state? pic.twitter.com/3wxSXjMN1o — Aditya Raj Kaul (@AdityaRajKaul) May 1, 2025
credit : social media
जागतिक घडामोडी संबंधित बातम्या वाचण्यासाठी येथे क्लिक करा : भारतासोबत तणावाच्या पार्श्वभूमीवर पाकिस्तानचा ‘पॉवर प्लॅन’; 4.743 ट्रिलियन रुपयांची बचत अपेक्षित
पाकिस्तानमध्ये हवाई हल्ल्याच्या सायरनचा आवाज अजूनही वाजायला सुरुवात झाली नसली, तरी त्या मागे भारताच्या संभाव्य कारवाईची स्पष्ट छाया आहे. भारतीय प्रतिशोधाची भीती, पाकिस्तानमधील राजकीय अस्थिरता, आणि दहशतवाद्यांवरील नियंत्रण हरवत चाललेली स्थिती, या सर्व घटकांमुळे पाकिस्तान आता एका अस्वस्थ अवस्थेत पोहोचलेला दिसतो. या सर्व घडामोडींचा प्रभाव भविष्यातील भारत-पाकिस्तान संबंधांवर कसा पडतो, हे पाहणे महत्त्वाचे ठरणार आहे.
.png "Videos"){kind=small}
