Gaza floods 2026 Gaza displaced tents destroyed
गाझा पट्ट्यात (Gaza Floods) युद्धानंतर आता निसर्गानेही आपला तीव्र कोप दाखवण्यास सुरुवात केली आहे. हिवाळ्यातील पहिल्याच मुसळधार पावसाने आणि त्याला जोड दिलेल्या सोसाट्याच्या वाऱ्याने गाझामधील विस्थापित छावण्यांचे प्रचंड नुकसान केले आहे. पुराच्या पाण्यात ७०,००० हून अधिक विस्थापित पॅलेस्टिनी कुटुंबांचे तंबू पूर्णपणे वाहून गेले किंवा उद्ध्वस्त झाले आहेत. कडाक्याच्या थंडीत आणि पावसात अचानक निवारा हिरावल्या गेल्यामुळे हजारो निष्पाप नागरिक आणि लहान मुले उघड्यावर आली आहेत. पावसाच्या पाण्यासोबत सांडपाणी साचल्याने संपूर्ण परिसरात आता गंभीर आजार व आजारांची साथ पसरण्याची भीती व्यक्त केली जात आहे.
गाझा नागरी संरक्षण दलाचे प्रवक्ते महमूद बस्सल यांनी दिलेल्या माहितीनुसार, शुक्रवारी रात्री सुरू झालेल्या या वादळी पावसामुळे परिस्थिती अत्यंत बिकट झाली आहे. बचाव पथकांना अवघ्या एका रात्रीत मदतीसाठी १५०० हून अधिक आपत्कालीन फोन कॉल्स आले. परंतु, सततचे युद्ध आणि साधनसामग्रीचा तीव्र तुटवडा यामुळे स्थानिक बचाव पथके बाधितांपर्यंत पोहोचण्यास हतबल ठरत आहेत.
तंबूंमध्ये अचानक पाणी शिरल्यामुळे लोकांचे अंथरूण-पांघरूण, अंगातील उबदार कपडे आणि साठवलेले अन्नधान्य पूर्णपणे ओले आणि खराब झाले आहे. या कडाक्याच्या थंडीत चिमुकली मुले “आज रात्री आपण कुठे झोपणार?” असा प्रश्न विचारत आहेत आणि त्रस्त पालकांकडे या प्रश्नाचे कोणतेही उत्तर उरलेले नाही.
जागतिक घडामोडी संबंधित बातम्या वाचण्यासाठी येथे क्लिक करा : Donald Trump: ‘मला नरकात जायचे नाही, मी धार्मिक व्यक्ती आहे…’; डोनाल्ड ट्रम्प यांच्या एका मुलाखतीमुळे जगभरात चर्चांना उधाण
१२ तासांत ६० मिमी पाऊस आणि पायाभूत सुविधांचा संपात
गाझा शहराच्या केवळ ३० टक्के भूभागावर तब्बल १० लाखांहून अधिक नागरिक अतिशय दाटीवाटीने राहत आहेत. गाझा नगरपालिकेचे प्रवक्ते होस्नी मुहन्ना यांनी सांगितले की, शहरात अवघ्या १२ तासांत तब्बल ६० मिलीमीटर पाऊस झाला. हा पाऊस शहराच्या संपूर्ण वर्षातील सरासरी पर्जन्यमानाच्या १५ टक्के इतका आहे.
दीर्घकाळ चाललेल्या युद्धामुळे गाझामधील भूमिगत गटारे आणि सांडपाणी व्यवस्था पूर्णपणे उद्ध्वस्त झाली आहे. सध्या या जलनिःसारण प्रणालीची क्षमता अवघी २० टक्केच शिल्लक राहिली आहे. त्यामुळे पावसाचे पाणी शहरात साचून राहिले आहे. गाझा शहरातील सुमारे २७० निवारा छावण्यांना या पुराचा थेट फटका बसला असून सखल भागात राहणाऱ्या नागरिकांचा जीव टांगणीला लागला आहे.
गाझा नगरपालिकेचे अधिकारी मुस्तफा कझ्झत यांनी स्पष्ट केले की, विस्थापितांना तात्पुरता आधार देण्यासाठी किमान २ लाख पूर्वनिर्मित घरांची (Caravans) आणि ढिगारे हटवण्यासाठी अवजड यंत्रसामग्रीची अत्यंत तातडीने गरज आहे. युद्धविराम करार झालेला असला तरी इस्रायलकडून गाझामध्ये आवश्यक बांधकाम साहित्य आणि यंत्रसामग्री आणण्यास निर्बंध लादले जात असल्याचा आरोप त्यांनी केला.
जागतिक घडामोडी संबंधित बातम्या वाचण्यासाठी येथे क्लिक करा : Jensen Huang: टेक विश्वात खळबळ! Nvidia CEO अडकले चिनी गुप्तहेरगिरीच्या जाळ्यात; अब्जावधी डॉलर्सची चिप खरेदी करून अमेरिकेची…
पावसामुळे आणि सोसाट्याच्या वाऱ्यामुळे पूर्वीच्या बॉम्बस्फोटात कमजोर झालेल्या अनेक इमारतींच्या जीर्ण भिंती कोसळल्या आहेत. एका घटनेत भिंत आणि पत्र्याचे छत अंगावर पडल्याने पाच जण गंभीर जखमी झाले. प्राथमिक अंदाजानुसार या पुरामुळे सुमारे ३० लाख डॉलर्सचे आर्थिक नुकसान झाले आहे.
संयुक्त राष्ट्रसंघाची संस्था UNRWA च्या सर्वेक्षणानुसार, गाझाच्या एकूण लोकसंख्येच्या ९४ टक्के म्हणजेच सुमारे १९.८ लाख लोकांना तातडीने निवारा आणि मूलभूत जीवनावश्यक वस्तूंची गरज आहे. तसेच संयुक्त राष्ट्रांच्या ‘UNOCHA’ या मानवतावादी संस्थेने आधीच इशारा दिला होता की, सुमारे ९.५ लाख पॅलेस्टिनी नागरिक पूरप्रवण क्षेत्रात छावण्या उभारून राहत आहेत. सध्याची परिस्थिती पाहता, जर आंतरराष्ट्रीय सीमारेषा तात्काळ उघडून मदत साहित्य पोहोचवले नाही, तर हिवाळ्याच्या काळात गाझामध्ये मोठा मानवी आपत्तीचा उद्रेक होऊ शकतो.
Ans: गाझामधील मुसळधार पावसामुळे आणि पुरामुळे ७०,००० हून अधिक विस्थापित कुटुंबांचे तंबू पूर्णपणे नष्ट झाले आहेत आणि लाखो नागरिक बेघर झाले आहेत.
Ans: गाझा नगरपालिकेनुसार विस्थापित नागरिकांना कडाक्याच्या थंडीपासून वाचवण्यासाठी किमान २ लाख पूर्वनिर्मित घरांची (कॅराव्हॅन) तातडीने गरज आहे.
Ans: पुराचे पाणी तंबूंमध्ये शिरल्याने सांडपाणी साचले असून, उबदार कपडे नष्ट झाल्याने कडाक्याच्या थंडीत भीषण साथीचे रोग पसरण्याचा गंभीर धोका निर्माण झाला आहे.
.png "Videos"){kind=small}
