Gaza Row : गाझातील मानवतावादी संकटावरून अमेरिकन राजदूतांचा ब्रिटनवर ‘सेमेटिझम’चा आरोप

Gaza Row : गाझातील मानवतावादी परिस्थितीवरून ब्रिटनचे परराष्ट्र सचिव एड मिलिबँड यांनी चिंता व्यक्त केल्यानंतर इस्रायलमधील अमेरिकेचे राजदूत माईक हकाबी यांनी ब्रिटिश सरकारवर सेमेटिझमचा आरोप केला. इस्रायलने गाझामध्ये औषधांचा प्रवेश रोखल्याचा दावा फेटाळला असून, या मुद्द्यावर ब्रिटन-इस्रायल-अमेरिका यांच्यातील राजनैतिक वाद पेटला आहे .

• गाझातील वैद्यकीय परिस्थितीवर मिलिबँड यांचे वक्तव्य
•  इस्रायलचा दावा फेटाळला
•  माईक हकाबींचा ब्रिटनवर थेट हल्ला

Gaza Row : गाझातील मानवतावादी परिस्थितीवरून ब्रिटन आणि इस्रायलमधील वाद आणखी तीव्र झाला आहे. ब्रिटनचे परराष्ट्र सचिव एड मिलिबँड यांनी गाझातील परिस्थिती ‘भयानक’ असल्याचे सांगत वैद्यकीय मदत आणि उपचारांच्या अडचणींचा मुद्दा उपस्थित केला. यानंतर इस्रायलमधील अमेरिकेचे राजदूत माईक हकाबी यांनी ब्रिटिश सरकारवर सेमेटिझमचा आरोप केला आहे. त्यामुळे अमेरिका, ब्रिटन आणि इस्रायलमधील राजनैतिक मतभेद पुन्हा चर्चेत आले आहेत.

गाझातील वैद्यकीय परिस्थितीवर मिलिबँड यांचे वक्तव्य

एड मिलिबँड यांनी गाझातील परिस्थितीबाबत मदतकार्य आणि वैद्यकीय क्षेत्रात काम करणाऱ्या लोकांशी झालेल्या चर्चेनंतर प्रतिक्रिया दिली. गाझामध्ये औषधांचा पुरवठा अडवल्याच्या आणि जीवन वाचवण्यासाठी आवश्यक उपचारांची प्रतीक्षा करताना मुलांचा मृत्यू होत असल्याच्या माहितीचा त्यांनी उल्लेख केला.

गाझातील नागरिकांना वैद्यकीय सुविधा आणि अत्यावश्यक मदत उपलब्ध करून देण्यासाठी ब्रिटनने अधिक ठोस पावले उचलण्याची गरज असल्याचे मिलिबँड यांनी म्हटले.

UK-Israel Row : इस्रायली वस्त्यांशी संबंधित १७ कंपन्यांना ब्रिटनचे २.१ अब्ज पौंडांचे कंत्राट

इस्रायलचा दावा फेटाळला

मिलिबँड यांच्या वक्तव्यावर इस्रायलने तीव्र प्रतिक्रिया दिली. गाझामध्ये औषधांच्या प्रवेशावर कोणतेही निर्बंध नसल्याचा दावा इस्रायलच्या परराष्ट्र मंत्रालयाने केला. युद्धविरामानंतर मोठ्या प्रमाणात वैद्यकीय साहित्य गाझामध्ये दाखल झाल्याचेही इस्रायलने म्हटले.

इस्रायलने मिलिबँड यांच्यावर उपलब्ध माहितीचा चुकीचा वापर केल्याचा आरोप केला. त्यामुळे गाझातील मानवतावादी परिस्थितीवरून दोन्ही बाजूंचे दावे-प्रतिदावे समोर आले आहेत.

Cape Verde Accident : केप वर्देच्या फोगो बेटावर भीषण बस अपघात; २५ जणांचा मृत्यू, अनेक मुले-बालकांचा समावेश

माईक हकाबींचा ब्रिटनवर थेट हल्ला

इस्रायलमधील अमेरिकेचे राजदूत माईक हकाबी यांनी मिलिबँड यांच्या वक्तव्यावर संतप्त प्रतिक्रिया दिली. त्यांनी ब्रिटिश सरकारवर ‘ज्यूविरोधी द्वेष’ असल्याचा आरोप करत ब्रिटनने परिस्थितीबाबत तथ्यांकडे दुर्लक्ष केल्याचे म्हटले.

हकाबी यांच्या या वक्तव्यामुळे ब्रिटन-अमेरिका संबंधांमध्येही या मुद्द्यावर राजकीय तणाव निर्माण झाला आहे. गाझातील मानवतावादी संकट, वैद्यकीय मदत आणि इस्रायलच्या धोरणांवरून पुढील काळात ब्रिटनची भूमिका आणखी कठोर होण्याची शक्यता व्यक्त केली जात आहे.