भारताची यशस्वी कूटनीती! US-Iran युद्धात होर्मुझमधून 9वां LPG टँकर सुखरुप बाहेर; देशाचा उर्जा पुरवठा सुरक्षित?

Indian LPG Tanker Cross Hormuz : मध्यपूर्वेतील वाढत्या तणावादरम्यान भारताला मोठा दिलासा मिळाला आहे. होर्मुझमधून नववा एलपीजी टँकर सुखरुपपणे बाहेर पडला आहे. हा भारताचा मोठा विजय मानला जात आहे.

• भारताचे नववे जहाज ग्रीन आशा होर्मुझमधून सुखरुप बाहेर
• लवकरच LPG घेऊन भारतात दाखल होणार
• देशाचा उर्जा पुरवठा सुरक्षित?

Green Asha Indian LPG Tanker Cross Hormuz Safely : मध्यपूर्वेतील अमेरिका-इराण युद्ध (US Iran War) दिवसेंदिवस वाढतच चालला आहे. यामुळे इराणने स्ट्रेट ऑफ होर्मुझ हा आंतरराष्ट्रीय व्यापाराचा मार्गावर कृडक नाकेबंदी केली आहे. ट्रम्प (Donald Trump) यांनी होर्मुझचा मार्ग खुला करण्यासाठी इराणला ४८ तास दिले आहेत. परंतु इराणने कोणत्याही दबावाला बळी पडणार नसल्याचे स्पष्ट केले आहे. या युद्धजन्य परिस्थितीदरम्यान भारतासाठी एक दिलासादायक वृत्त समोर आले आहे. भारतीय ध्वज असलेले आणखी एक जहाज सुरक्षितपणे होर्मुझमधून बाहेर पडले आहे.

युद्धाच्या आगीत भारताचा मोठा विजय! होर्मुझच्या खाडीतून आणखी एक LPG टँकर सुखरुप बाहेर पडला

उर्जा सुरक्षेचा ९वा टप्पा पार

मिळालेल्या माहितीनुसार, भारतीय ध्वज असलेले ग्रीन आशा या LPG  टँकरने इराणच्या आखातातील सर्वात धोकादायक मार्ग यशस्वीपणे पार केला आहे. संघर्षाच्या काळात या मार्गावरुन भारताचे जहाज सुखरुप बाहेर पडले आहे. अमेरिका-इस्रायल विरुद्ध इराण तणावामुळे स्ट्रेट ऑफ होर्मुझ(Strait Of Hormuz) वर इराणने नाकेबंदी केली आहे. परंतु यादरम्यान भारताचे आतापर्यंत ९ जहाज यशस्वीपणे सुरक्षित होर्मुझमधून बाहेर पडले आहे. ही बाबा भारताच्या उर्जा पुरवठ्यासाठी अत्यंत महत्त्वाची मानली जात आहे.

पुरवठ्याची गती कायम

• गेले काही दिवस भारतीय जहाजे खाडीतून सुखरुप बाहरे पडल्याने देशातील LPG ची टंचाई हळूहळू कमी होताना दिसत आहे.
• मार्चच्या अखरेपर्यंत पाइन गॅस आणि जग वसंत सह चार टँकर्स भारतात दाखल झाले होते. या टँकर्सवर सुमारे ९२,६०० टन LPG आणण्यात आला आहे.
• याशिवाय जग लाडकी या जहाजातूनही ८० हजार टन कच्चे तेल मुंद्राला आणले गेले आहेत.
• तसेच जग प्रकाश टँकरवरुन ओमानमार्गे आफ्रिकन बाजारपेठेत गॅसोलीन पोहोचवण्यात आले आहे.
• याशिवाय गुजरातच्या बंदरावर एमटी शिवालिक आणि एमटी नंदा देवी या टँकर्सद्वारे मुंद्रा आणि कांडला बंदरात ९२,७०० टन LPG सुरक्षित आला आहे.

भारताची यशस्वी कूटनीती

मिळालेल्या माहितीनुसार, होर्मुझ मार्गाचा वापर करणाऱ्या ६० टक्के जहाजांचा इराणशी संबंध आहे. सध्या आव्हानात्मक परिस्थिती भारताची जहाजे सुखरुपपणे बाहेर पडत असणे हे भारताच्या इराणशी मजबूत राजनैतिक संबंधाचे आणि एनर्जी सिक्युरीटी धोरणाचे मोठे यश आहे. ग्रीन आशा देखील भारतीय किनाऱ्यावर लवकरच पोहोचेल अशी आशा व्यक्त केली जात आहे. यामुळे भारताच्या घरगुती गॅस आणि इंधन साठ्याला दिलासा मिळणार आहे.

भारताला धक्का! इराणहून येणारा ६ लाख बॅरल तेलाचा टँकर अचानक चीनकडे वळाला; काय आहे प्रकरण?