india beats china in smartphone exports to us fareed zakaria praise 2026
India surpasses China in smartphone exports to US : काही वर्षांपूर्वीपर्यंत जगाला असे वाटत होते की, स्मार्टफोन (Smartphone) आणि उच्च-तंत्रज्ञान उत्पादनामध्ये चीनची बरोबरी करणे कोणालाही शक्य नाही. पण २०२६ च्या सुरुवातीलाच भारताने असा चमत्कार करून दाखवला आहे, ज्याने संपूर्ण जगाचे डोळे विस्फारले आहेत. भारताने केवळ स्मार्टफोन तयारच केले नाहीत, तर बलाढ्य चीनला मागे टाकून अमेरिकेला सर्वाधिक फोन पुरवणारा देश होण्याचा बहुमान मिळवला आहे. अमेरिकन राजकीय भाष्यकार फरीद झकारिया यांनी यावर भाष्य करताना म्हटले आहे की, “भारताने जगाचा आवाज दाबला आहे आणि आपली क्षमता सिद्ध केली आहे.”
कॅलनेसिस (Canalys) या जागतिक संशोधन संस्थेच्या ताज्या आकडेवारीनुसार, अमेरिकेच्या बाजारपेठेत मोठा भूकंप झाला आहे. २०२४ मध्ये अमेरिकेला होणाऱ्या एकूण स्मार्टफोन पुरवठ्यात भारताचा वाटा केवळ १३% होता, जो २०२५-२६ मध्ये झपाट्याने वाढून ४४% वर पोहोचला आहे. दुसरीकडे, एकेकाळी ६१% वर्चस्व गाजवणारा चीन आता २५% पर्यंत खाली घसरला आहे. ही आकडेवारी केवळ व्यापार नाही, तर जागतिक भू-राजकारणातील बदलत्या वाऱ्याची दिशा दर्शवते.
जागतिक घडामोडी संबंधित बातम्या वाचण्यासाठी येथे क्लिक करा : White House: अमेरिकेत शटडाउनने उडाली धांदल; ट्रम्प म्हटले, ‘इराणची डोकेदुखी संपल्यावर, देशातील ‘या’ शत्रूला ठेचणार’
प्रसिद्ध पत्रकार फरीद झकारिया यांनी एका विशेष कार्यक्रमात भारताच्या या प्रगतीचे तोंडभरून कौतुक केले. ते म्हणाले, “भारताने अवघ्या चार वर्षांत जे साध्य केले ते अशक्य मानले जात होते. आज अमेरिकन नागरिकांच्या खिशात जो नवीन आयफोन आहे, त्यावर ‘मेड इन इंडिया’ असे अभिमानाने लिहिलेले आहे. हाय-प्रिसिजन मॅन्युफॅक्चरिंगमध्ये भारतीयांनी आपली महानता सिद्ध केली आहे.” झकारिया यांच्या मते, विकसनशील देशांसाठी आता चीनपेक्षा भारत हा प्रगतीचा अधिक चांगला ‘रोल मॉडेल’ ठरत आहे.
“India has replaced China as the largest manufacturer of smartphones for the US in just four years. The latest iPhone in your pocket was made in India. They are doing the kind of high-precision manufacturing that people said only China could do,” says Fareed Zakaria pic.twitter.com/HHQVrTAqtH — Shashank Mattoo (@MattooShashank) March 23, 2026
credit – social media and Twitter
भारताच्या या यशामागे अमेरिकेचे राष्ट्राध्यक्ष डोनाल्ड ट्रम्प यांच्या धोरणांचाही मोठा वाटा आहे. ट्रम्प यांनी चीनमधून येणाऱ्या मालावर १० ते २५ टक्क्यांपर्यंत अतिरिक्त शुल्क लादल्यामुळे ॲपल (Apple), सॅमसंग (Samsung) आणि गुगल (Google) सारख्या दिग्गज कंपन्यांनी आपले उत्पादन केंद्र चीनमधून हलवून भारतात आणले. भारत सरकारनेही ‘पीएलआय’ (PLI) योजनेच्या माध्यमातून या कंपन्यांना लाल गालिचा अंथरल्याने आज भारत जगाची ‘स्मार्टफोन फॅक्टरी’ बनला आहे.
गेल्या २५ वर्षांपासून भारत जगातील दुसरी सर्वात वेगाने वाढणारी मोठी अर्थव्यवस्था आहे. चीनची प्रगती ही हुकूमशाहीच्या जोरावर झाली असली, तरी भारताने लोकशाही मूल्यांचे जतन करून ही आर्थिक झेप घेतली आहे. त्यामुळेच, जगातील इतर विकसनशील देशांना आता भारताची धोरणे अधिक आश्वासक वाटत आहेत. उच्च दर्जाचे उत्पादन (High-precision manufacturing) आणि स्वस्त मजुरी या पलीकडे जाऊन भारताने आता ‘ब्रँड इंडिया’ची विश्वासार्हता निर्माण केली आहे.
जागतिक घडामोडी संबंधित बातम्या वाचण्यासाठी येथे क्लिक करा : World War III : ‘सापाला डोकं वर काढू देऊ नका’; इराणला चारीमुंड्या चीत करण्यासाठी ट्रम्पसोबत आखाती देशांचीही ‘फिल्डिंग’
स्मार्टफोन निर्मितीतील हे यश केवळ सुरुवात आहे. भारत आता सेमीकंडक्टर, लॅपटॉप आणि इलेक्ट्रिक वाहनांच्या क्षेत्रातही चीनला आव्हान देण्याच्या तयारीत आहे. अमेरिकन तज्ज्ञांनी भारताचे केलेले हे कौतुक म्हणजे आगामी काळात भारत ‘जागतिक उत्पादन केंद्र’ (Global Manufacturing Hub) म्हणून चीनची जागा घेणार असल्याचे स्पष्ट संकेत आहेत.
Ans: २०२५-२६ च्या आकडेवारीनुसार, अमेरिकेतील एकूण स्मार्टफोन मार्केटमध्ये भारताचा वाटा ४४% वर पोहोचला आहे.
Ans: चीनचा वाटा ६१% वरून घसरून आता केवळ २५% इतकाच राहिला आहे.
Ans: झकारिया यांनी भारताला हाय-प्रिसिजन मॅन्युफॅक्चरिंगचा नवीन किंग म्हटले असून जगाला चीनपेक्षा भारताकडून अधिक शिकण्यासारखे आहे, असे विधान केले आहे.
.png "Videos"){kind=small}
