India-Russia Oil : ऑगस्टमध्ये भारताची रशियन तेल आयात 26% घटली; चीनच्या वाढत्या खरेदीचा मोठा परिणाम

India-Russia Oil :ऑगस्टमध्ये भारताची रशियाकडून होणारी कच्च्या तेलाची आयात जुलैच्या तुलनेत 26 टक्क्यांनी घटली. रशियन तेलाचा पुरवठा, चीनची वाढलेली खरेदी आणि भारतीय रिफायनऱ्यांमधील देखभाल ही घटीमागची प्रमुख कारणे मानली जात आहेत. मात्र, घटीनंतरही रशिया भारताचा सर्वात मोठा कच्च्या तेलाचा पुरवठादार राहिला आहे.

• रशियन तेलाच्या आयातीत मोठी घसरण
• चीनच्या वाढत्या खरेदीचा भारतावर परिणाम
• रशिया अजूनही भारताचा मुख्य तेल पुरवठादार

India-Russia Oil : भारताच्या रशियन कच्च्या तेलाच्या आयातीत ऑगस्टमध्ये मोठी घट नोंदवण्यात आली आहे . जुलैच्या तुलनेत ऑगस्टमध्ये रशियाकडून होणारी तेल आयात सुमारे २६.३ % कमी झाली . kpler च्या प्राथमिक आकडेवारी नुसार , भारताने ऑगस्टमध्ये दररोज सुमारे २.०८ दशलक्ष बॅरल रशियन कच्चे तेल आयात केले , तर जुलैमध्ये हा आकडा सुमारे २.८२ दशलक्ष बॅरल होता .

रशियन तेलाच्या आयातीत मोठी घसरण

आकडेवारीनुसार , जुलैमध्ये भारताने रशियाकडून दररोज सुमारे २.८२ दशलक्ष बॅरल कच्चे तेल आयात केले होते . ऑगस्टमध्ये हे प्रमाण घटून सुमारे २.०८ दशलक्ष बॅरल प्रतिदिन झाले . म्हणजेच एका महिन्यात आयातीत सुमारे २६.३ टक्क्यांची घट झाली . रशियन तेलाच्या स्वस्त दराचा भारताला गेल्या काही वर्षात मोठा फायदा झाला आहे . त्यामुळे रशिया हा भारताचा तेल आयातीत महत्वाचा भागीदार बनला आहे .

Melting glaciers : पृथ्वीवरील सर्व बर्फ वितळल्यास कायमचा बदलेल जगाचा नकाशा; भारत, बांगलादेशसह ‘हे’ खंड बुडण्याची भीती

चीनच्या वाढत्या खरेदीचा भारतावर परिणाम

रशियाकडून मिळणाऱ्या सवलतीच्या कच्च्या तेलासाठी भारत आणि चीनमध्ये स्पर्धा वाढत आहे . चीनमधील रिफायनऱ्यांकडून रशियन तेलाची खरेदी वाढल्याने भारतासाठी उपलब्ध असलेल्या काही तेलाच्या बॅरल्सवर परिणाम झाला आहे . रशियाच्या तेल पुरवठ्यातील मर्यादा आणि आशियातील वाढती मागणी यामुळे भारतीय कंपन्यांना तेल खरेदीच्या धोरणात काही बदल करावे लागत आहेत .

याशिवाय भारतातील काही रिफायनऱ्यांमध्ये नियोजित देखभाल आणि दुरुस्तीची कामे सुरु असल्याने कच्च्या तेलाची मागणी काही प्रमाणात कमी झाली . त्यामुळे ऑगस्टमध्ये रशियन तेलाच्या आयातीत झालेली घसरण ही केवळ एका कारणामुळे झालेली नसून अनेक घटकांचा एकत्रित परिणाम असल्याचे मानले जाते .

America : 20,000 जुन्या टायरांपासून अमेरिकेत बनवला उत्तम रस्ता; कचऱ्याची विल्हेवाट अन् रस्ते दुरुस्तीवर शोधला जबरदस्त उपाय

रशिया अजूनही भारताचा मुख्य तेल पुरवठादार

आयातीत मोठी घट झाली असली तरी भारताच्या ऊर्जा क्षेत्रातील रशियाचे महत्व कायम आहे . ऑगस्टमध्ये भारताने आयात केलेल्या एकूण कच्च्या तेलापैकी सुमारे ४५ % हिस्सा रशियाचा होता . त्यामुळे चीनची वाढती मागणी आणि जागतिक तेल बाजारातील बदलांमुळे भारतासमोर स्वस्त कच्च्या तेलाचा पुरवठा कायम ठेवण्याचे आव्हान निर्माण झाले आहे . भारत जगातील प्रमुख कच्चा तेल आयातदार देशांपैकी एक आहे .

त्यामुळे रशियन तेलाच्या पुरवठ्यातील बदलांचा परिणाम देशाच्या रिफायनींग क्षेत्रासोबतच पेट्रोल – डिझेल किमती , व्यापार तूट अंडी ऊर्जा सुरक्षेवरही होऊ शकतो . आगामी काळात रशियाकडून किती तेल खरेदी करतो अंडी चीनची मागणी वाढते , याकडे जागतिक बाजाराचे लक्ष राहणार आहे .