India At UN : ‘दहशतवाद्यांसाठी मानवाधिकार ही ढाल नाही’; UN मध्ये भारतीय मुत्सद्दी रघु पुरी यांचा पाकिस्तानवर हल्लाबोल

India At UN : भारताने संयुक्त राष्ट्रांमध्ये दहशतवादासंदर्भात पुन्हा एकदा तीव्र शब्दांत टीका केली आहे. भारताने संयुक्त राष्ट्रांच्या दहशतवादावरील विशेष प्रतिनिधीने तयार केलेला अहवाल पक्षपाती असल्याचे म्हटले आहे.

• संयुक्त राष्ट्रांच्या अहवालावर तीव्र आक्षेप
• दाऊद इब्राहिम आणि डी-कंपनीचा इतिहास स्पष्ट
• मानवाधिकारांच्या ढालीला विरोध

संयुक्त राष्ट्रांच्या (India At UN) महासभेत भारताने दहशतवादाच्या मुद्द्यावरून पुन्हा एकदा आपली अत्यंत कठोर आणि स्पष्ट भूमिका मांडली आहे. संयुक्त राष्ट्रांच्या दहशतवादविरोधी विशेष प्रतिनिधीने (Special Rapporteur) सादर केलेल्या अहवालातील गंभीर त्रुटी, पक्षपातीपणा आणि अकार्यक्षमतेवर भारताने तीव्र शब्दांत नाराजी व्यक्त केली. भारतीय मुत्सद्दी (IFS) रघु पुरी यांनी संयुक्त राष्ट्रांच्या व्यासपीठावरून अहवाल तयार करणाऱ्या अधिकाऱ्यांच्या निष्पक्षतेवर थेट प्रश्नचिन्ह उपस्थित केले असून, तथ्यांची तोडमोड करून अहवाल प्रसिद्ध करणे अत्यंत खेदजनक असल्याचे म्हटले आहे.

भारताने उपस्थित केलेल्या या मुद्द्यामुळे आंतरराष्ट्रीय पातळीवर मोठी खळबळ उडाली आहे. संयुक्त राष्ट्रांसारख्या सर्वोच्च जागतिक संस्थेने निष्पक्षतेचे सर्वोच्च मापदंड पाळणे अपेक्षित असताना, अशा प्रकारे एकांगी आणि वास्तविकतेशी विसंगत अहवाल प्रसिद्ध होणे ही या संस्थेच्या नैतिक वैधतेला आव्हान देणारी बाब असल्याचे भारताने ठामपणे सांगितले.

#IndiaAtUN Raghoo Puri, First Secretary, took part in the interactive Dialogue with Special Rapporteur on the promotion and protection of human rights and fundamental freedoms while countering terrorism in the Third Committee of the General Assembly. He highlighted: ➡️ Factual inaccuracies in reports of SRs are unacceptable. ➡️ Report mentions listing of the leader of the “D-Company” for association with Al-Qaida. Read in isolation, it paints a very different picture from what is actual reality. ➡️ Dawood Ibrahim, has been wanted in India for terror attacks since 1993. And this is clearly written in the narrative summary of the reasons of listing under the 1267 sanctions mechanism. He resides in the same country where Osama bin Laden was found and neutralized. ➡️ HR Frameworks cannot be the refuge of the perpetrators of terror and those who propagate radicalization and extremism. Terrorism can never be justified. ➡️ Pakistan’s statement is pure propaganda for narrow political gains of its actual rulers, its military. @PMOIndia @MEAIndia @IndianDiplomacy @PIB_India @airnewsalerts @DDNewslive @UN — India at UN, NY (@IndiaUNNewYork) October 22, 2026

credit – social media and Twitter

दाऊद इब्राहिम आणि डी-कंपनीच्या गुन्ह्यांकडे दुर्लक्ष करणे ही अक्षम्य चूक

भारतीय राजनयिक रघु पुरी यांनी आपल्या भाषणात विशेषतः संयुक्त राष्ट्रांचे अहवालकर्ते बेन सॉल (Ben Saul) यांनी तयार केलेल्या अहवालातील दाऊद इब्राहिम आणि त्याच्या ‘डी-कंपनी’ (D-Company) या टोळीबाबतच्या नोंदींवर तीव्र आक्षेप घेतला. अहवालात दाऊद इब्राहिमला केवळ ‘भारतस्थित गुन्हेगारी टोळीचा म्होरक्या’ असे संबोधले गेले होते, ज्यावर भारताने कडाडून हल्ला चढवला.

जागतिक घडामोडी संबंधित बातम्या वाचण्यासाठी येथे क्लिक करा : Caps Lock Day: तंत्रज्ञानप्रेमींसाठी विनोदाची पर्वणी; जाणून घ्या ‘कॅप्स लॉक’ बटणाची इंटरनेट संस्कृतीतील भन्नाट आणि रंजक गोष्ट

रघु पुरी यांनी संयुक्त राष्ट्रसंघाला त्यांच्याच ऐतिहासिक निर्णयांची आठवण करून दिली. ते म्हणाले की, १९९३ च्या मुंबई साखळी बॉम्बस्फोटांनंतर दाऊद इब्राहिम हा भारतात अत्यंत हवा असलेला मुख्य दहशतवादी गुन्हेगार आहे. २००३ मध्ये संयुक्त राष्ट्र सुरक्षा परिषदेच्या (UNSC) १२६७ निर्बंध समितीने दाऊद इब्राहिम आणि त्याच्या डी-कंपनीला अल-कायदाशी असलेल्या थेट संबंधांमुळे जागतिक दहशतवाद्यांच्या यादीत समाविष्ट केले होते. सुरक्षा परिषदेच्या दस्तऐवजांमध्ये ही वस्तुस्थिती स्पष्टपणे नमूद असतानाही, विशेष प्रतिनिधीने आपल्या अहवालात दाऊदच्या भारतविरोधी दहशतवादी कारवायांचा कोणताही उल्लेख न करणे ही अत्यंत खेदजनक आणि निष्काळजीपणाची गोष्ट आहे.

पाकिस्तानचा आश्रय आणि ओसामा बिन लादेनचा संदर्भ

आपल्या भाषणात भारताने पाकिस्तानच्या दहशतवादविरोधी दुटप्पी भूमिकेचा पुन्हा एकदा बुरखा फाडला. दाऊद इब्राहिम हा पाकिस्तानात सुरक्षितपणे राहत असून, त्याला तिथे सरकारी संरक्षण दिले जात असल्याचे भारताने अधोरेखित केले. ज्या देशात जागतिक दहशतवादी ओसामा बिन लादेन लपून बसला होता आणि जिथे त्याला मारण्यात आले, त्याच पाकिस्तानात आजही दाऊद इब्राहिमसारखे गुन्हेगार मोकाट फिरत आहेत, ही वस्तुस्थिती जगापासून लपलेली नाही.

असे असतानाही, संयुक्त राष्ट्रांच्या अहवालात दाऊदच्या पाकिस्तानातील वास्तव्याचा आणि त्याच्या भारतविरोधी गुन्ह्यांचा उल्लेख न टाळणे म्हणजे दहशतवादाला पाठीशी घालण्यासारखेच आहे, असा थेट इशारा भारताने दिला. विशेष अधिकाऱ्यांच्या अशा अपुऱ्या आणि दिशाभूल करणाऱ्या कामामुळे संयुक्त राष्ट्रसंघाच्या विश्वासार्हतेला मोठा धक्का पोहोचत असल्याचे भारतीय प्रतिनिधीने स्पष्ट केले.

जागतिक घडामोडी संबंधित बातम्या वाचण्यासाठी येथे क्लिक करा : Siberia Crisis : सायबेरियात अस्वलांची दहशत! एकाच महिन्यात 7 जणांना फाडले; रशियन पर्यावरण मंत्रालयावर गुन्हा दाखल

मानवाधिकारांचा ढाल म्हणून वापर आणि जम्मू-काश्मीरवर ठाम भूमिका

दहशतवादाला प्रोत्साहन देणारे देश आता स्वतःच्या दुष्कृत्यांचे समर्थन करण्यासाठी आणि जागतिक दबावापासून वाचण्यासाठी मानवाधिकार आणि दहशतवादविरोधी चौकटींचा गैरवापर करत आहेत, अशी गंभीर चिंता भारताने व्यक्त केली. कट्टरतावाद, अतिरेकी विचारसरणी आणि निष्पाप लोकांची हत्या करणाऱ्या दहशतवाद्यांसाठी मानवाधिकार ही ढाल असू शकत नाही. दहशतवादाचे कोणत्याही कारणास्तव किंवा कोणत्याही परिस्थितीत समर्थन केले जाऊ शकत नाही, हा संदेश भारताने पुन्हा एकदा ठळकपणे मांडला.

त्याच वेळी, पाकिस्तानी शिष्टमंडळाने आपल्या वक्तव्यात जम्मू आणि काश्मीरचा मुद्दा उपस्थित करण्याचा नेहमीप्रमाणे प्रयत्न केला. त्यावर भारताने अत्यंत आक्रमक शब्दांत उत्तर देत, “जम्मू आणि काश्मीर हा भारताचा कालही अविभाज्य भाग होता, आज आहे आणि सदैव राहील,” असा स्पष्ट पुनरुच्चार केला. पाकिस्तानने दुसऱ्यांच्या भूप्रदेशावर दावा सांगण्याऐवजी स्वतःच्या देशातील दहशतवादी पायाभूत सुविधा नष्ट करण्यावर लक्ष केंद्रित करावे, असा सडेतोड सल्लाही भारताने दिला.