US-Israel Iran War: युद्धाच्या काळात भारताचा मोठा डाव! थेट अमेरिकेच्या शत्रूसोबत करार, Donald Trump काही करु शकणार नाही…

रशिया-युक्रेन युद्धानंतर पहिल्यांदाच रशिया भारताला थेट एलएनजी (LNG) विक्री करण्यास सज्ज. अमेरिकेच्या टॅरिफ धमकीकडे दुर्लक्ष करत भारताने रशियाकडून ४०% तेल आयातीचा मोठा डाव टाकला आहे.

• युद्धाच्या काळात भारताचा मोठा डाव!
• थेट अमेरिकेच्या शत्रूसोबत करार
• डोनाल्ड ट्रम्प काही करु शकणार नाही…

US-Israel Iran War News: मध्य पूर्व आशियातील युद्धाच्या पार्श्वभूमीवर भारताने आपल्या जुन्या आणि विश्वासू मित्रांसोबतचे आर्थिक संबंध अधिक दृढ करण्यास सुरुवात केली आहे. एका मोठ्या राजनैतिक विजयामध्ये, रशिया-युक्रेन युद्ध सुरू झाल्यापासून पहिल्यांदाच रशिया भारताला थेट ‘लिक्विफाइड नॅचरल गॅस’ (LNG) विक्री पुन्हा सुरू करण्याच्या तयारीत आहे. यामुळे भारताची ऊर्जा सुरक्षा अधिक भक्कम होणार आहे.

काही आठवड्यांतच होणार ऐतिहासिक करार

‘रॉयटर्स’ने दिलेल्या सूत्रांच्या माहितीनुसार, भारत या करारावर शिक्कामोर्तब करण्याच्या तयारीत आहे. जरी या व्यवहारामुळे पाश्चात्य देशांनी रशियावर लादलेल्या निर्बंधांचे उल्लंघन होण्याचा धोका असला, तरी राष्ट्रीय हित लक्षात घेऊन भारत ही चर्चा काही आठवड्यांतच पूर्ण करू शकतो. रशियाकडून थेट गॅस पुरवठा सुरू होणे हा भारतासाठी मोठा दिलासा ठरणार आहे.

See more

🚨 INDIA–RUSSIA LNG DEAL BACK ON 🚨🇮🇳🤝🇷🇺 India & Russia set to resume direct LNG trade ⚡Why now? 🔥 Iran conflict ⚓ Strait of Hormuz disruption 🛢️ Rising energy pressure📌 First such move since the Ukraine war💡 Big signal:
When supply is at risk → geopolitics takes a… pic.twitter.com/EIrQwNbuQV — Crypto Zone (@cryptoz_one) March 27, 2026

रशियाकडून कच्च्या तेलाची आयात 40 टक्क्यांपर्यंत पोहोचणार

केवळ गॅसच नव्हे, तर रशियाने भारताला कच्च्या तेलाचा (Crude Oil) पुरवठा वाढवण्यासही संमती दिली आहे. सूत्रांच्या माहितीनुसार, येत्या महिनाभरात रशियाकडून होणारी तेल आयात जानेवारीच्या तुलनेत दुप्पट होऊ शकते. यामुळे भारताच्या एकूण तेल आयातीमध्ये रशियाचा वाटा ४० टक्क्यांपर्यंत पोहोचण्याची शक्यता आहे. गेल्या वर्षी भारताने रशियाकडून सुमारे ४४ अब्ज डॉलर्सचे कच्चे तेल खरेदी केले होते, ज्यामुळे भारत रशियाचा सर्वात मोठा ग्राहक बनला आहे.

Mojtaba Khamenei : तो समलैंगिक आहे! ट्रम्प यांनी इराणच्या सर्वोच्च नेत्याचं गुपित केली उघड; CIAच्या हवाल्याने खळबळ

ट्रम्प प्रशासनाचा दबाव आणि भारताची भूमिका

युक्रेन युद्धानंतर रशियाने कच्च्या तेलावर भरघोस सवलत दिली होती, ज्याचा भारताने मोठा फायदा करून घेतला. मात्र, हा विषय अमेरिका आणि ट्रम्प प्रशासनासाठी वादाचा मुद्दा ठरला आहे. डोनाल्ड ट्रम्प यांनी वेळोवेळी ‘टॅरिफ’ (Tariff) आणि निर्बंधांच्या धमक्या दिल्या आहेत. सूत्रांनी दिलेल्या माहितीनुसार, संभाव्य निर्बंधांपासून सूट मिळवण्यासाठी भारताने आधीच वॉशिंग्टनशी संपर्क साधला आहे. अमेरिका या व्यवहारावर काय भूमिका घेते, याकडे जगाचे लक्ष लागले आहे.

ऊर्जा सुरक्षा हेच भारताचे पहिले प्राधान्य

या संभाव्य ‘एलएनजी’ कराराबाबत विचारले असता, परराष्ट्र आणि पेट्रोलियम मंत्रालयाने अधिकृतपणे भाष्य करण्यास नकार दिला आहे. मात्र, परराष्ट्र मंत्रालयाचे प्रवक्ते रणधीर जयस्वाल यांनी सूचक विधान केले की, “भारताची ऊर्जा गरज पूर्ण करण्यासाठी आणि पुरवठा साखळी सुरक्षित ठेवण्यासाठी आम्ही रशियासह अनेक देशांशी चर्चा करत आहोत.” भारताची ही पावले जागतिक राजकारणात आपला प्रभाव वाढवणारी आहेत. रशियाकडून स्वस्त इंधन मिळवून महागाईवर नियंत्रण मिळवण्याचा सरकारचा हा मोठा प्रयत्न मानला जात आहे.

World War 3: इराणच्या भीतीने अमेरिकन सैनिकांनी सोडले तळ; हॉटेल्समध्ये लपले, ‘प्रिसिजन स्ट्राईक’ ने USचा 10 अब्ज डॉलर्सचा चुराडा