धक्कादायक – इंडिगोच्या विमानात प्रवाशाचा मृत्यू,कराचीत करावं लागलं इमर्जन्सी लँडिंग

इंडिगोने एक निवेदन जारी करून सांगितले आहे की, फ्लाइट 6E-1736 मधील एका प्रवाशाला अस्वस्थ वाटले. त्यामुळे इमर्जन्सी लँडिंग करण्यात आले, मात्र फ्लाइट लँडिंग होण्यापूर्वीच वृद्धाचा मृत्यू झाला होता.

नवी दिल्ली: दिल्लीहून कतारची राजधानी दोहाला जाणारे इंडिगोचे (Indigo) विमान पाकिस्तानातील कराचीला वळवण्यात आलं आहे. वैद्यकीय आपत्कालीन परिस्थितीमुळे हे इंडिगोचं विमान कराचीला वळवण्यात आल्याची माहिती मिळाली आहे. वास्तविक, फ्लाइटमध्ये बसलेल्या प्रवाशाची तब्येत बिघडल्याने विमानाचे लँडिंग (Indigo Emergency Landing) कराचीच्या (Karachi) जिन्नाह आंतरराष्ट्रीय विमानतळावर करण्याचे ठरले. मात्र लँडिंगनंतर वैद्यकीय पथकाने तपासणी केली असता त्या व्यक्तीचा मृत्यू झाल्याचे जाहीर करण्यात आले. अब्दुल्ला असे मृताचे नाव असून तो नायजेरियाचा रहिवासी आहे. तो 60 वर्षांचा आहे.

[read_also content=”किम जोंग उनची मोठ्या युद्धाची तयारी? नॉर्थ कोरियामध्ये पाणबुडीतून दोन मिसाईल लाँच https://www.navarashtra.com/world/north-korea-cruise-missile-test-kim-jong-un-getting-ready-for-war-nrsr-375740.html”]

इंडिगोने एक निवेदन जारी करून सांगितले आहे की, फ्लाइट 6E-1736 मधील एका प्रवाशाला अस्वस्थ वाटले. त्यामुळे इमर्जन्सी लँडिंग करण्यात आले, मात्र फ्लाइट लँडिंग होण्यापूर्वीच वृद्धाचा मृत्यू झाला होता. या घटनेचे आम्हाला खूप दुःख झाले आहे. आमच्या प्रार्थना त्यांच्या कुटुंबासोबत आहेत.

पाकिस्तानी मीडियानुसार, पाकिस्तान नागरी विमान वाहतूक प्राधिकरण (CAA) आणि नॅशनल इन्स्टिट्यूट ऑफ हेल्थ (NIH) च्या डॉक्टरांनी प्रवाशांना प्रमाणपत्र जारी केले आहे.अमेरिकेहून दिल्लीला येणाऱ्या एअर इंडियाच्या विमानाला तांत्रिक बिघाडामुळे बुधवारी स्वीडनमधील स्टॉकहोममध्ये इमर्जन्सी लँडिंग करावे लागले. विमानात 300 प्रवासी होते. सर्वजण सुरक्षित आहेत.

डीजीसीएच्या म्हणण्यानुसार, एअर इंडियाचे बोइंग 777-300ER फ्लाइटने अमेरिकेतील नेवार्क येथून दिल्लीला उड्डाण केले होते.