US Iran War : इराणचा मोठा दावा! अमेरिकेचे सर्वात शक्तिशाली विमान F-35 पाडले? जाणून घ्या काय आहे सत्य

Iran shot down of US F-35 Jet : मध्यपूर्वेतील संघर्षाने सध्या गंभीर रुप धारण केले आहे. इराण-अमेरिकेकडून सातत्याने हवाई हल्ले सुरु आहेत. याच वेळी इराणने अमेरिकेचे सर्वात शक्तिशाली विमान पाडल्याचा दावा केला आहे, पण...

• इराणचा F-35 फायटर जेट पाडल्चा दावा
• अमेरिकेने केले सत्य उघडं
• जाणून घ्या अमेरिकी विमानाचं काय झालं?

US Iran War News in Marathi : तेहरान/वॉशिंग्टन : पश्चिम आशियातील अमेरिका इराण युद्धा(US Iran War)ने आता सध्या अत्यंत धोकादायक वळणावर येऊन पोहोचला आहे. अमेरिका किंवा इराण कोणीही युद्धातून माघारा घेण्यास तयार नाही. दोन्ही देशांकडून सातत्याने हवाई हल्ले सुरु आहे. या हल्ल्यात दोन्ही देशांचे प्रचंड लष्करी नुकसान झाले आहे. या हल्ल्यांदरम्यानच इराणने एक खळबळजनक दावा केला आहे. इराणने अमेरिकेचे सर्वात शक्तिशाली फायटर जेट F-35 पाडल्याचा दावा केला होता. मात्र अमेरिकेने हा दावा फेटाळून लावला आहे.

US Iran War : इराण झुकला की नडला? युद्धबंदीसाठी आता ६ अटींची गुगली, आता काय करणार ट्रम्प?

इराणने काय होता दावा ?

इराण(Iran) च्या तेहरान टाइम्स या सरकारी वृत्तसंस्थेने, गेल्या आठवड्यात, इराणी हवाई संरक्षण दलाने अमेरिकेचे अत्यंत शक्तिशाली मानले जाणारे लढाऊ विमान f-35 फायटर जेट पाडल्याचा दावा केला होता. याचा एक व्हिडिओ देखील प्रसिद्ध
करण्यात आला होता.

या व्हिडिओमध्ये इराणचे बॅलेस्टिक क्षेपणास्त्र अमेरिकेच्या विमानाला रोखताना दिसत आहे. इराणने या घटनेला त्यांचे मोठे यश मानले होते. मात्र अमेरिकेच्या लष्कराच्या सेंट्रल कमांडने हा दावा खोटा असल्याचे आणि इराणचे वृत्त फेक न्यूज पसरवत असल्याचे म्हटले आहे.

अमेरिकेचे स्पष्टीकरण

दरम्यान अमेरिकेच्या सेंट्रल कमांडने इराणच्या F-35 पाडल्याच्या वृत्ताचे खंडन केले आहे. अमेरिकेने स्पष्ट केले आहे की, मध्यपूर्वेत तैनात असलेली त्यांची सर्व लढाऊ विमाने सुरक्षित आणि कार्यरत आहेत. ऑपरेशन एपिक फ्युरी अंतर्गत त्यांच्या सैनिकांनी आतापर्यंत ८,००० पेक्षा जास्त लढाऊ विमानांनी उड्डाण केले आहे. परंतु यातील एक विमान शत्रूला पाडता आलेले नाही असे सेंट्रल कमांडने म्हटले आहे. इराण केवळ अफवा पसरवत असल्याचे सेंट्रल कमांडने
म्हटले आहे.

विमानाचे इमर्जन्सी लँडिंग

F-35 पाडल्याचा दावा खोटा असला तरी, शुक्रवारी (२० मार्च) या विमानात तांत्रिक बिघाड झाल्यामुळे किंवा हल्ल्याच्या शक्यतेमुळे आपत्कालीन लँडिंग करावे लागले होते. इराण इराणच्या ‘इस्लामिक रिव्होल्यूशनरी गार्ड कोर’ने (IRGC) या विमानाला लक्ष्य केल्याचा दावा केला होता. याच्या व्हिडिओमध्ये विमान क्षतिग्रस्त झाल्याचेही दिसून आले होते. परंतु CNN ने दिलेल्या वृत्तानुसार, विमान सुरक्षित आहे, पायलटही सुरक्षित आहे. सध्या विमानातील तांत्रिक बिघाडाचा शोध घेतला जात आहे.

US Iran War : अमेरिकेला कोटींचा फटका! इराणने पाडले सर्वात शक्तिशाली F-15 फायटर जेट; पहा थरारक VIDEO