Iran US Ceasefire: ट्रम्पची खोड जिरवणार इराण! जेडी व्हान्स पाकिस्तानात पोहोचण्यापूर्वीच उभा केला ‘अशा’ अशक्य अटींचा डोंगर

Iran Demands: इराणच्या या मागण्या पूर्ण करणे अमेरिका आणि इस्रायलसाठी केवळ कठीणच नाही, तर अशक्यही आहे. आर्थिक भरपाईचा विचार करा. जरी इराणने अद्याप अधिकृतपणे कोणतीही आकडेवारी जाहीर केली नाही.

• इराणची ‘इम्पॉसिबल’ खेळी
• ट्रम्प यांची कोंडी
• पाकिस्तान ठरणार रणांगण

JD Vance Pakistan visit Iran ceasefire : जग ज्या क्षणाची आतुरतेने वाट पाहत होते, तो क्षण आता जवळ आला आहे. अमेरिकेचे उपराष्ट्रपती जे.डी. व्हान्स (JD Vance) शांतता चर्चेसाठी पाकिस्तानला रवाना होत आहेत. मात्र, त्यांच्या विमानाने पाकिस्तानात लँडिंग करण्यापूर्वीच इराणने (Iran) अशा अटी मांडल्या आहेत, ज्या वाचून व्हाईट हाऊसमध्ये खळबळ उडाली आहे. इराणने स्पष्ट केले आहे की, केवळ युद्ध संपवणे पुरेसे नाही; तर अमेरिकेला आता विनाशाची किंमत मोजावी लागेल. या अटी म्हणजे शांततेचा प्रस्ताव नसून अमेरिकेला झुकवण्याचा प्रयत्न असल्याचे तज्ज्ञांचे मत आहे.

इराणच्या ७ स्फोटक अटी: ज्या मान्य करणे आहे ‘अशक्य’!

इराणने मांडलेल्या मागण्यांची यादी कोणत्याही महासत्तेसाठी अपमानकारक ठरू शकते. इराणने पहिली मागणी केली आहे की अमेरिकेने पर्शियन आखात आणि पश्चिम आशियातील आपले सर्व लष्करी तळ कायमचे बंद करावेत. दुसरी सर्वात मोठी अट म्हणजे ‘आर्थिक भरपाई’. युद्धादरम्यान झालेल्या नुकसानीसाठी इराणने तब्बल ५०० अब्ज डॉलर्सची (अब्जावधी रुपये) मागणी केली आहे. इतकेच नाही, तर होर्मुझच्या सामुद्रधुनीतून जाणाऱ्या प्रत्येक जहाजाकडून ‘टॅक्स’ वसूल करण्याचा अधिकारही इराणला हवा आहे. याव्यतिरिक्त, इराणने आपल्या बॅलिस्टिक क्षेपणास्त्रांच्या विकासावर कोणतेही निर्बंध मान्य करण्यास नकार दिला असून, लेबनॉनमधील हिजबुल्लाहवरील इस्रायली हल्ले त्वरित थांबवण्याची अट घातली आहे. या अटी पाहता, इराणने डोनाल्ड ट्रम्प यांच्या शांतता प्रस्थापित करण्याच्या आशेवर पाणी फेरल्याचे दिसत आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3: ‘आम्ही जिंकलो!’ तेहरानच्या आकाशात अमेरिकन विमानांची गर्जना; ट्रम्प यांना इराणकडून मिळाली ‘खास’ भेट

डोनाल्ड ट्रम्प यांची सर्वात मोठी डोकेदुखी

राष्ट्राध्यक्ष डोनाल्ड ट्रम्प यांनी नेहमीच इराणच्या बॅलिस्टिक क्षेपणास्त्रांना जागतिक धोका मानले आहे. आता इराण म्हणत आहे की ते क्षेपणास्त्र कार्यक्रम सुरूच ठेवणार. मग ट्रम्प यांनी हे युद्ध सुरू करून नक्की काय साध्य केले? असा प्रश्न आता उपस्थित होत आहे. जर ट्रम्प यांनी इराणच्या अटी मान्य केल्या, तर तो अमेरिकेचा जागतिक स्तरावर सर्वात मोठा पराभव मानला जाईल. तसेच, सौदी अरेबियासारखी मित्र राष्ट्रे स्वतःला असुरक्षित समजतील आणि अमेरिकेचा या प्रदेशातील प्रभाव कायमचा संपुष्टात येईल.

See more

JUST IN: 🇮🇷🇺🇸 Iran tells the United States it does not want to resume talks with Witkoff and Kushner, prefers negotiating with Vice President JD Vance instead, CNN reports. pic.twitter.com/WRbdbPFz2y — BRICS News (@BRICSinfo) March 24, 2026

credit – social media and Twitter

पाकिस्तानमध्ये काय घडणार? जे.डी. व्हान्स आणि इराण समोरासमोर

इस्लामाबादमध्ये होणारी ही बैठक ऐतिहासिक ठरू शकते. जे.डी. व्हान्स यांच्याकडे ट्रम्प यांचा विशेष संदेश असला तरी, इराणच्या अटींमधील ‘भरपाई’ आणि ‘लष्करी माघार’ या दोन मुद्द्यांवरच चर्चा फिस्कटण्याची शक्यता ९०% आहे. भारतीय भू-राजकीय तज्ज्ञ सुशांत शारीन यांच्या मते, इराणकडे आता गमावण्यासारखे काहीही उरलेले नाही. त्यांच्याकडे आता अधिक शक्तिशाली बॅलिस्टिक क्षेपणास्त्रे आहेत आणि त्यांचा आत्मविश्वास वाढलेला आहे. अशा स्थितीत इराण कोणतीही तडजोड करेल, असे वाटत नाही.

जागतिक घडामोडी संबंधित बातम्या वाचण्यासाठी येथे क्लिक करा : Strait Of Hormuz: ‘आम्ही या नाटकात नाही’ इस्रायलचा ट्रम्पला घरचा आहेर; अमेरिकेच्या ’15 कलमी’ चक्रव्यूहात अडकणार इराण?

युद्धविराम की नव्या युद्धाची नांदी?

पाकिस्तानमध्ये होणारी शांतता चर्चेची पहिली फेरी यशस्वी होण्याची शक्यता धूसर आहे. इराणने मांडलेल्या अटी म्हणजे ट्रम्प प्रशासनाला कोंडीत पकडण्याचा एक ‘मास्टरप्लॅन’ आहे. आता चेंडू अमेरिकेच्या कोर्टात आहे किंमत मोजून शांतता विकत घ्यायची की इराणचा हा ‘अहंकार’ लष्करी ताकदीने चिरडायचा? येत्या २४ तासांत पाकिस्तानच्या भूमीवरून जगाचा इतिहास लिहिला जाणार आहे.