Trump Threat : जागतिक राजकारणात खळबळ! ट्रम्पच्या हालचालींवर रशियाचा रोष; इराण आणि भारतातही मध्यरात्री खलबतं

भारताव्यतिरिक्त, इराणच्या परराष्ट्र मंत्र्यांनी रशियाच्या परराष्ट्र मंत्र्यांशीही फोनवर संवाद साधला, ज्यामध्ये त्यांनी गेल्या ३७ दिवसांत अमेरिका आणि इस्रायलच्या सरकारांनी इराणवर केलेल्या हल्ल्यांची माहिती दिली.

• इराणचे भारताला साकडे
• रशियाचा अमेरिकेला इशारा
• भारताचे टेन्शन वाढले

Iran Foreign Minister Araghchi call to S Jaishankar : पश्चिम आशियातील युद्धाचा वणवा (US-Israel Iran War) आता एका अशा वळणावर आला आहे जिथे संपूर्ण जगाची अर्थव्यवस्था धोक्यात आली आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला दिलेल्या एका विनाशकारी धमकीनंतर इराणने आता जगातील आपल्या सर्वात मोठ्या मित्र राष्ट्रांकडे धाव घेतली आहे. इराणचे परराष्ट्र मंत्री अब्बास अराघची यांनी भारताचे परराष्ट्र मंत्री एस. जयशंकर आणि रशियाचे परराष्ट्र मंत्री सर्गेई लावरोव्ह यांना फोन करून सध्याच्या परिस्थितीची गंभीर कल्पना दिली आहे. ट्रम्प यांनी स्पष्ट शब्दात सांगितले आहे की, जर ‘होर्मुझची सामुद्रधुनी’ पुन्हा उघडली नाही, तर इराणचे वीज प्रकल्प, कारखाने आणि पूल उद्ध्वस्त केले जातील.

जयशंकर यांच्याशी नेमकी काय चर्चा झाली?

एस. जयशंकर यांनी स्वतः सोशल मीडियावर (X) पोस्ट करून या फोन कॉलची माहिती दिली. त्यांनी सांगितले की, अराघची यांच्याशी सध्याच्या चिंतेच्या विषयांवर सविस्तर चर्चा झाली आहे. नवी दिल्लीतील इराणच्या दूतावासाने दिलेल्या माहितीनुसार, अराघची यांनी जयशंकर यांना गेल्या ३७ दिवसांपासून अमेरिका आणि इस्रायल इराणमधील नागरी वस्ती, रुग्णालये, शाळा आणि अणुऊर्जा केंद्रांना कशाप्रकारे लक्ष्य करत आहेत, याची माहिती दिली. इराणने भारताकडे अपेक्षा व्यक्त केली आहे की, संयुक्त राष्ट्र सुरक्षा परिषदेतील प्रभावशाली देशांनी आंतरराष्ट्रीय कायद्यानुसार आपली जबाबदारी पार पाडावी आणि इस्रायल-अमेरिकेच्या आक्रमकतेला रोखावे.

जागतिक घडामोडी संबंधित बातम्या वाचण्यासाठी येथे क्लिक करा : World War 3 : दोनतोंडी ट्रम्प! हल्ल्याची वेळ जाहीर करून म्हटले इराणसोबत होणार आज करार; संपूर्ण जगात वाढवला संभ्रम

रशियाचा कडक पवित्रा: “धमकीची भाषा थांबवा!”

अराघची यांनी रशियाचे परराष्ट्र मंत्री सर्गेई लावरोव्ह यांच्याशीही संवाद साधला. या चर्चेनंतर रशियाने थेट अमेरिकेला ‘अंतिम इशारा’ दिला आहे. लावरोव्ह यांनी म्हटले आहे की, अमेरिकेने धमक्यांची भाषा सोडून संवादाचा मार्ग स्वीकारावा. रशियाने इराणला उघडपणे पाठिंबा दर्शवत म्हटले आहे की, जर अमेरिका परिस्थिती सुधारण्यासाठी मदत करू शकत नसेल, तर किमान तणाव वाढवण्याचे काम करू नये. या फोन कॉलनंतर रशिया आणि अमेरिका यांच्यातील संबंधही ताणले गेले आहेत.

See more

EAM Jaishankar stressed on his “country’s support for ongoing regional and international efforts to stop the war” during talks with Iran FM Araghchi, says Iran readout — Sidhant Sibal (@sidhant) April 6, 2026

credit – social media and Twitter

भारतासाठी ‘होर्मुझ’ का आहे महत्त्वाचे?

होर्मुझची सामुद्रधुनी (Strait of Hormuz) हा जगातील सर्वात महत्त्वाचा सागरी व्यापारी मार्ग आहे. इराणने या मार्गावर नाकेबंदी केल्यामुळे जागतिक बाजारात तेल आणि गॅसच्या किमती गगनाला भिडल्या आहेत. भारतासाठी हा मार्ग जीवनवाहिनीसारखा आहे, कारण भारताचा ७०-८०% ऊर्जा पुरवठा याच भागातून होतो. जरी इराणने भारतीय जहाजांना सूट दिली असली, तरी तिथे सुरू असलेल्या युद्धजन्य परिस्थितीमुळे विमा खर्च आणि मालवाहतुकीचा दर वाढला आहे. जर ही नाकेबंदी कायम राहिली, तर भारतातील पेट्रोल-डिझेलचे दर वाढण्यासोबतच शेतीसाठी लागणाऱ्या खतांचा तुटवडा निर्माण होऊ शकतो.

जागतिक घडामोडी संबंधित बातम्या वाचण्यासाठी येथे क्लिक करा : Ro Khanna: ‘अशा प्रकारच्या शिव्या, अपमान…’, भारतीय वंशाच्या US खासदाराने ट्रम्पना सुनावले; इराण युद्धावर अमेरिकेतच अंतर्गत कलह

आता कारवाईची वेळ आली आहे का?

एस. जयशंकर यांनी चर्चेदरम्यान स्पष्ट केले की, भारत प्रादेशिक शांतता आणि स्थिरता राखण्यासाठी कटिबद्ध आहे. भारत कोणत्याही एका बाजूने युद्धात सामील होण्याऐवजी राजनैतिक मार्गाने प्रश्न सोडवण्यावर भर देत आहे. तथापि, ट्रम्प यांच्या आक्रमक पवित्र्यामुळे इराण आता बचावात्मक पवित्रा सोडून मोठी कारवाई करण्याच्या तयारीत असल्याचे अराघची यांच्या शब्दांवरून जाणवते. त्यांनी इशारा दिला आहे की, इराणचे सैन्य आपल्या देशाचे रक्षण करण्यासाठी पूर्णपणे सज्ज आहे आणि अमेरिका-इस्रायलच्या हल्ल्यांमुळे संपूर्ण जगाची सुरक्षा धोक्यात येईल.