Iran-Gulf Crisis : खामेनेईंचे आखाती देशांना आवाहन; अमेरिका-इस्रायलविरोधात मुस्लिम देशांनी एकत्र यावे

Iran-Gulf Crisis : अमेरिका-इस्रायलसोबत सुरू असलेल्या संघर्षाच्या पार्श्वभूमीवर इराणचे सर्वोच्च नेते मोजतबा खामेनेई यांनी आखाती आणि इतर मुस्लिम देशांना एकत्र येण्याचे आवाहन केले आहे. मुस्लिम देशांमधील फूट त्यांच्या विरोधकांच्या फायद्याची असल्याचे त्यांनी म्हटले.

• मुस्लिम देशांनी एकत्र येणे गरजेचे
• पॅलेस्टिनींच्या स्थितीचा दाखला
• आखाती देश आणि इराणमध्ये तणाव

Iran-Gulf Crisis : अमेरिका आणि इस्रायलसोबतच्या संघर्षाच्या पार्श्वभूमीवर इराणचे सर्वोच्च नेते मोजताबा खमेनेई यांनी आखाती देशांना मोठे आवाहन केले आहे . मुस्लिम देशांनी आपापसातील मतभेद बाजूला ठेवून एकत्र येण्याची गरज असल्याचे त्यांनी म्हंटले आहे . विशेषतः आखाती देशांनी आपला खरा शत्रू ओळखावा आणि त्याच्या योजनांना सामोरे जावे असे आवाहन खमेनेई यांनी केले आहे .

मुस्लिम देशांनी एकत्र येणे गरजेचे

इस्लामिक युनिटी विकनिमित्त जारी केलेल्या लिखित संदेशातून खमेनेई यांनी मुस्लिम देशांमधील एकतेवर भर दिला . मुस्लिम राष्ट्रांमधील फूट ही त्यांच्या विरोधकांच्या हिताची असल्याचा दावा त्यांनी केला . आखाती देशांनी परस्पर सहकार्य वाढवावे आणि गरज पडल्यास एकमेकांच्या सुरक्षेसाठी उभे रहावे . असेही त्यांनी म्हंटले आहे . अमेरिका आणि इस्रायलचा प्रभाव असलेल्या पश्चिम आशियातील सध्याच्या परिस्थितीत या आवाहनाला विशेष महत्व प्राप्त झाले आहे .

Ukraine Nuclear Crisis : झापोरिझ्झिया अणुऊर्जा प्रकल्प बाहेरील वीजपुरवठ्याविना; डिझेलवर सुरू, फक्त 10 दिवसांचा साठा

पॅलेस्टिनींच्या स्थितीचा दाखला

खामेनेई यांनी पॅलेस्टिनींच्या परिस्थितीचा उल्लेख करत मुस्लिम देशांमध्ये अधिक एकता असती तर पॅलेस्टानी जनतेला आजच्या परिस्थितीला सामोरे जावे लागले असते का , असा सवाल केला . मुस्लिम देशांनी केवळ राजकीय पातळीवरच न्हवे तर आर्थिक , सामाजिक आणि संरक्षणाच्या क्षेत्रातही परस्पर सहकार्य वाढवावे . असा संदेश त्यांच्या वक्तव्यातून देण्यात आला आहे .

Iran Navy : ‘आमचे नौदल पूर्णपणे कार्यरत’; ट्रम्प यांच्या दाव्याला इराणी नौदलप्रमुखांचे प्रत्युत्तर

आखाती देश आणि इराणमध्ये तणाव

खामेनेई यांच्या आवाहनाच्या पार्श्वभूमीवर इराण आणि आखाती अरब देशांमधील संबंधांकडे पुन्हा लक्ष वेधले गेले आहे सौदी अरेबिया , संयुक्त अरब अमिराती , कतार आणि इतर आखाती देशांचे अमेरिकेसोबत संरक्षण आणि सामरिक संबंध आहेत . दुसरीकडे , इराण अमेरिकेच्या या लष्करी उपस्थितीला पश्चिम आशियातील अस्थिरतेचे प्रमुख कारण मानतो . होर्मूझच्या सामुद्रधुनीवरील तणावामुळे या संघर्षाला आर्थिक आणि सामरिक महत्वही प्राप्त झाले आहे .

खामेनेई यांच्या ताज्या संदेशामुळे अमेरिका – इस्रायल विरोधात आखाती देशांना एकत्र आणण्याचा इराणचा प्रयत्न पुन्हा चर्चेत आला आहे . मात्र आखाती देश इराणच्या या आवाहनाला कितपत प्रतिसाद देतील , हे आगामी काळात स्पष्ट होणार आहे .