फोटो सौजन्य AI
अमेरिका आणि इराणमधील संघर्ष संपण्याची चिन्हे दिसत नसताना इराणच्या IRGC कडून आलेल्या एका वक्तव्याने आंतराष्ट्रीय राजकारणात खळबळ उडाली आहे . IRGC कमांडरच्या वरिष्ठ सल्लागार मोहम्मद रेजा नक्वी यांनी अमेरिके विरोधात संघर्ष हा दीर्घकाळ लांबणार असण्याची शक्यता व्यक्त केली .
नक्वी यांच्या मते , अमेरिकेला दीर्घकाळ संघर्षात अडकवून त्यांच्यावर आर्थिक आणि लष्करी दबाव वाढवणे ही इराणची एक रणनीती ठरू शकते . खासकरून अमेरिकेच्या सध्याच्या राष्ट्राध्यक्षांच्या कार्यकाळ संपेपर्यंत संघर्ष सुरु ठेवण्याचा पर्याय इराण समोर असल्याचे संकेत दिले आहेत . ट्रम्प यांचा सध्याचा कार्यकाळ जानेवारी २०२९ मध्ये संपणार असल्याने या व्यक्तव्याची चर्चा २०२९ पर्यंतच्या संघर्ष्याच्या शक्यतेशी जोडली जात आहे .
इस्रायल आणि अमेरिकेने संयुक्तपणे इराणवर हल्ला केला , या युद्धामध्ये इराणचे शास्त्रज्ञ , लष्करी अधिकारी , मोठे राजकीय नेते आणि इराणचे सर्वोच्च नेते खमेनेई यांचा आणि त्यांच्या परिवाराचा खून केला गेला . त्यानंतर इराणच्या नागरिकांमध्ये प्रचंड एकीची राष्ट्रभावना निर्माण झाली . त्यांच्या मनात अमेरिका आणि इस्रायल बद्दल प्रचंड राग निर्माण झाला .
आधीच इराणी नागरिक अमेरिकेला शैतान म्हणून संबोधतात . या सगळ्यात इराण ने नेहमीच आपली ताकद ही ड्रोन आणि मिसाईल्स मध्ये खूप वाढवली आणि त्याच जोरावर त्यांनी इस्रायल आणि आखाती देशांना नाकीनऊ आणले .
त्यातच त्यांना रशिया आणि चीन कडून लोकेशन बद्दलची अचूकता मिळाली त्यामुळे इराणने बऱ्याच दा अचूक मारा करून आपले लक्ष साधले . या सगळ्या गोष्टीमुळे इराण ला इस्रायल आणि अमेरिके सारख्या बलाढ्य देशांसमोर दीर्घकाळ लढता आले आणि अजून सुद्धा ते दीर्घकाळ लढण्याची भाषा करत आहेत .
थोडक्यात काय तर २०२९ पर्यंत निश्चितपणे युद्ध सुरु ठेवण्याचा पवित्रा हा अधिकृतपणे इराण ने घेतला नाही . पण ट्रम्प यांचा कार्यकाळ संपेपर्यंत युद्ध खेचण्याचा विचार इराण करू शकतं हे IRGC च्या वरिष्ठ अधिकाऱ्याचा इशारा असल्याचे बोलले जात आहे .
.png "Videos"){kind=small}
