‘तुला मारायला आम्ही क्षणभरही मागेपुढे पाहणार नाही,’ ट्रम्प यांच्या खळबळजनक वक्तव्यावर इराणी खासदाराची थेट धमकी

America and Iran: अमेरिका आणि इराणमधील तणाव वाढत आहे. दरम्यान, इराणच्या संसदेत परराष्ट्र निती आयोगाचे सदस्य मुस्तफा झारेई यांच्या वक्तव्याने खळबळ उडाली आहे.

अमेरिका आणि इराण यांच्यातील तणाव दिवसेंदिवस वाढत चालला आहे. अमेरिकेचे माजी राष्ट्राध्यक्ष डोनाल्ड ट्रम्प यांनी गाझा पट्टीबाबत एक मोठा प्रस्ताव मांडला असून त्यावर इराणने तीव्र विरोध दर्शवला आहे. ट्रम्प यांच्या या वक्तव्यानंतर इराणच्या संसदेतील परराष्ट्र धोरण आयोगाचे सदस्य मुस्तफा झारेई यांनी थेट धमकी देत खळबळ उडवून दिली आहे.

इराणी खासदाराने दिली थेट धमकी

इराणच्या सोशल मीडिया प्लॅटफॉर्म ‘आयता’वर एक पोस्ट करत मुस्तफा झारेई यांनी डोनाल्ड ट्रम्प यांना थेट धमकी दिली आहे. त्यांनी म्हटले आहे की, “माझ्या बाजूने, मी हे स्पष्ट करतो की जेव्हाही मला संधी मिळेल तेव्हा मी तुम्हाला मारण्यासाठी एक क्षणही मागेपुढे पाहणार नाही.” त्यांच्या या विधानामुळे आंतरराष्ट्रीय राजकीय वर्तुळात चर्चेला उधाण आले आहे. ट्रम्प यांच्या गाझा पुनर्विकासाच्या योजनेवरून हा वाद उफाळून आला आहे.

जागतिक घडामोडी संबंधित बातम्या वाचण्यासाठी येथे क्लिक करा : Donald Trump यांनी दिला आणखी एक मोठा धक्का; आता आंतरराष्ट्रीय फौजदारी न्यायालयावरही घातला निर्बंध

ट्रम्प यांचे कठोर मत आणि इराणबाबत त्यांची भूमिका

माजी राष्ट्राध्यक्ष डोनाल्ड ट्रम्प यांनी व्हाईट हाऊसच्या एका कार्यक्रमात भाषण देताना इराणबाबत कठोर भूमिका घेतली. त्यांनी स्पष्ट केले की, “इराणकडे अण्वस्त्रे असू शकत नाहीत. जर त्यांनी तसे करण्याचा प्रयत्न केला, तर त्याचे गंभीर परिणाम होतील.“ त्यांनी हे देखील म्हटले की, जर इराणने त्यांच्या हत्येचा प्रयत्न केला, तर संपूर्ण इराणला जबरदस्त प्रत्युत्तर देण्यात येईल.

इराणने आधीच ट्रम्प यांच्या हत्येचा कट रचला होता?

अमेरिकेच्या गुप्तचर संस्थांच्या माहितीनुसार, ट्रम्प अमेरिकेचे अध्यक्ष असताना इराणच्या रिव्होल्युशनरी गार्ड्सने त्यांच्या हत्येचा कट रचला होता. या प्रकरणी अमेरिकेच्या न्यूयॉर्क शहरात तिघांना अटकही करण्यात आली होती. ट्रम्प यांना मिळालेली ही धमकी यापूर्वीच्या कटाशी संबंधित असू शकते, अशी शक्यता वर्तवली जात आहे.

जागतिक घडामोडी संबंधित बातम्या वाचण्यासाठी येथे क्लिक करा :  Donald Trump च्या निर्णयांनी माजवली संपूर्ण जगात खळबळ; ‘या’ देशाने तर लगेच सुरु केली युद्धासाठी तयारी

इराणची कमकुवत स्थिती आणि राजकीय अस्थिरता

सध्या इराण कमकुवत स्थितीत आहे. त्याचा प्रमुख मित्र सीरियाचे माजी राष्ट्राध्यक्ष बशर अल-असद सत्तेबाहेर आहेत. तसेच, इराणला पाठिंबा देणारे हिजबुल्लाह आणि हमास यासारखे दहशतवादी संघटनाही कमकुवत झाल्या आहेत. शिवाय, इराणचे माजी राष्ट्राध्यक्ष इब्राहिम रायसी यांचा हेलिकॉप्टर अपघातात मृत्यू झाल्यानंतर देशात राजकीय अस्थिरता निर्माण झाली आहे. त्यांची जागा मसूद पेझेश्कियान यांनी घेतली असली, तरी देशाच्या राजकीय आणि सामरिक धोरणांमध्ये मोठे बदल अपेक्षित आहेत.

अमेरिका-इराण संबंध अधिक ताणले जाण्याची शक्यता

मुस्तफा झारेई यांच्या या वक्तव्यानंतर अमेरिकेची भूमिका काय असेल, हे पाहणे महत्त्वाचे ठरणार आहे. ट्रम्प यांना मिळालेल्या या धमकीमुळे अमेरिका इराणविरोधात अधिक कठोर पावले उचलण्याची शक्यता आहे. यामुळे दोन्ही देशांमधील संबंध आणखी तणावग्रस्त होण्याची चिन्हे आहेत. डोनाल्ड ट्रम्प आणि इराणमधील संघर्ष नवीन नाही, मात्र मुस्तफा झारेई यांनी दिलेल्या या थेट धमकीमुळे परिस्थिती अधिक चिघळू शकते. अमेरिका आणि इराण यांच्यातील तणाव वाढत असताना, भविष्यात या संघर्षाचे परिणाम जागतिक राजकारणावर कसे होतील, हे पाहणे महत्त्वाचे ठरणार आहे.