Donald Trump Iran War: इराणची शरणागती की ट्रम्प यांचा दावा! ‘होर्मुज सामुद्रधुनी’ उघडली नाही तर….; अमेरिकेचा इशारा

इराणच्या नवीन प्रशासनाने युद्धविरामाची विनंती केली असल्याचा दावा ट्रम्प यांनी केला आहे. जोपर्यंत 'हॉर्मुझची सामुद्रधुनी' पूर्णपणे पुन्हा खुली होत नाही, तोपर्यंत हल्ले सुरूच राहतील अशी अट ट्रम्प यांनी ठेवली आहे.

• इराणची शरणागती की ट्रम्प यांचा दावा!
• ‘होर्मुज सामुद्रधुनी’ उघडली नाही तर….;
• अमेरिकेचा इशारा

World War 3: मध्य पूर्वेतील युद्ध आता एका निर्णायक वळणावर पोहोचले आहे. अमेरिकेचे राष्ट्राध्यक्ष डोनाल्ड ट्रम्प (Doanld Trump) यांनी बुधवारी एक खळबळजनक दावा केला आहे. “इराणने अमेरिकेकडे युद्धबंदीची (Ceasefire) विनंती केली आहे,” असे ट्रम्प यांनी म्हटले आहे. मात्र, जोपर्यंत ‘होर्मुज सामुद्रधुनी’ पूर्णपणे खुली आणि सुरक्षित केली जात नाही, तोपर्यंत या विनंतीवर विचार केला जाणार नाही, अशी कठोर भूमिका अमेरिकेने घेतली आहे.

“इराणला पाषाण युगात पाठवू”; ट्रम्प यांचा निर्वाणीचा इशारा

राष्ट्राध्यक्ष ट्रम्प यांनी आपल्या संबोधनात इराणला थेट इशारा दिला. “जर इराणने होर्मुज सामुद्रधुनीतून तेलाचा पुरवठा सुरू केला नाही, तर आम्ही इराणला पूर्णपणे उद्ध्वस्त करू. सोप्या भाषेत सांगायचे तर, त्यांना पुन्हा पाषाण युगात पाठवले जाईल,” असे ट्रम्प म्हणाले. यावेळी त्यांनी अमेरिकन सैन्य लवकरच इराणमधून बाहेर पडेल, असेही संकेत दिले. “मला फक्त इराणमधून बाहेर पडायचे आहे आणि आम्ही ते लवकरच करू. आमचा देश आता सुरक्षित आहे,” असा विश्वास त्यांनी व्यक्त केला.

इराणचा पलटवार; ट्रम्प यांचा दावा फेटाळला

डोनाल्ड ट्रम्प यांचा युद्धबंदीचा दावा इराणने पूर्णपणे फेटाळून लावला आहे. इराणच्या अधिकृत प्रवक्त्यांनी म्हटले आहे की, “आम्ही अमेरिकेकडे कोणतीही युद्धबंदीची विनंती केलेली नाही. ट्रम्प स्वतःच्या मनाने कथा रचत आहेत. या विधानांच्या आड ट्रम्प अमेरिकन सैनिकांचा झालेला मृत्यू लपवत आहेत. अमेरिकन जनतेने आपल्या सैनिकांच्या बलिदानाबद्दल ट्रम्प यांना जाब विचारला पाहिजे.” तसेच, जर अमेरिकन सैन्य इराणच्या भूमीत घुसले, तर ते जिवंत परत जाणार नाही, अशी उघड धमकीही इराणने दिली आहे.

World War 3: अमेरिका आणि ब्रिटनमध्ये ठिणगी! ट्रम्प यांच्या इशाऱ्यानंतर पंतप्रधान कीर स्टार्मर यांचे चोख प्रत्युत्तर

नाटो म्हणजे ‘कागदी वाघ’; ब्रिटनवरही टीका

इराणसोबतच ट्रम्प यांनी आपल्या मित्रराष्ट्रांवरही (NATO) तोफ डागली आहे. “नाटो हा केवळ एक कागदी वाघ आहे. इराणविरुद्धच्या युद्धात नाटो सामील झाले नाही, ही अत्यंत खेदाची बाब आहे,” असे ट्रम्प म्हणाले. इतकेच नव्हे तर, “ब्रिटनकडे आता स्वतःची नौसेना देखील उरलेली नाही,” असा टोला त्यांनी लगावला. नाटोने या युद्धात साथ न दिल्यामुळे अमेरिका या संघटनेतून बाहेर पडण्यावर गांभीर्याने विचार करत असल्याचे ट्रम्प यांनी पुन्हा एकदा स्पष्ट केले.

शेअर बाजारात तेजी आणि सत्तापालटाचे संकेत

ट्रम्प यांच्या या विधानानंतर अमेरिकन शेअर बाजारात मोठी तेजी पाहायला मिळाली. “आमच्या मार्गात ‘खामेनी’ नावाचा एक अडथळा होता, जो आता राहिलेला नाही. आम्ही आधीच सत्तापालट केला आहे. आम्ही एकामागून एक सत्ताधारी हटवले आहेत आणि आता आमच्याकडे अशा लोकांचा गट आहे जे आमच्याशी संवाद साधू शकतात,” असे सूचक विधान ट्रम्प यांनी केले आहे.

Iran Attack on Amazon: इराणचा ॲमेझॉनवर हल्ला; गुगल, ॲपलसह १४ दिग्गज टेक कंपन्या रडारवर