इस्रायलचा गाझा पट्टीमध्ये Air Strike; 60 नागरिकांचा तडफडून मृत्यू तर, 22 मुलांचा...
इस्त्रायल आणि हमास यांच्यातील युद्ध काही थांबायचे नाव घेत नाहीये. भारत-पाकिस्तान यांच्यात तणाव निर्माण झाला असतानाच, इस्त्रायलने गाझा पट्टीवर जोरदार हवाई हल्ला केला आहे. इस्त्रायलने हमासवरील आपले हवाई हल्ले अधिक जोरदार केले आहेत. नुकतीच इस्त्रायलने गाझा पट्टीवर जोरदार हवाई हल्ला केला आहे. यामध्ये गाझाचे मोठे नुकसान झाले आहे.
आयडीफने हमासवर जोरदार हल्ला केला. यामध्ये 22 लहान मुलांचा मृत्यू झाला आहे. तर या हल्ल्यात एकूण 60 पेक्षा अधिक नागरिक मृत्युमुखी पडले आहेत. जबलियामध्ये इंडोनेशिया दिलेल्या माहितीनुसार 60 जणांचा मृत्यू झाला आहे. इस्त्रायली आणि अमेरिकी बंधक सोडवल्यानंतर हा हल्ला करण्यात आला आहे.
युद्ध थांबवण्याचा पर्याय नाही – इस्त्रायल
इस्रायलचे पंतप्रधान बेंजामिन नेतान्याहू यांनी दिलेल्या निवेदनात त्यांनी म्हटले की, आम्ही गाझामधील युद्ध थांबवू शकत नाही. बेंजामिन नेतान्याहू यांच्या या वक्तव्यामुळे हमाससोबत सीजफायर होण्याची कसलीही शक्यता वाट नाहीये. आजच्या हवाई हल्ल्यावर इस्त्रायल सैन्याने बोलण्यास नकार दिला.
इस्रायल-हमास युद्ध सुरुच
एकीकडे भारत आणि पाकिस्तान, दुसरीकडे रशिया-युक्रेन आणि तिसरीकडे इस्रायल हमास अशा तीन आघाडींवर जगात युद्ध सुरु आहेत. ही युद्ध थांबवण्याचे कोणतेही चिन्ह दिसत नाही. भारत आणि पाकिस्तानमध्ये युद्धबंदी करार लागू करण्यात आला आहे. परंतु पाकिस्तानने शस्त्रसंधीचे उलंल्घन केले असून तणाव पुन्हा वाढण्याची शक्यता आहे. याच दरम्यान इस्रायलचे गाझामध्ये हल्ले सुरुच आहेत. दरम्यान इस्रायलने शनिवारी (10 मे) गाझावर हवाई हल्ले केले आहेत.
जगातील युद्ध काही संपेना! इस्रायल-हमास युद्ध सुरुच; गाझावरील हल्ल्यात 23 पॅलेस्टिनींचा मृत्यू
इस्रायलच्या या हवाई हल्ल्यात 23 पॅलेस्टिनी नागरिकांचा मृत्यू झाला आहे. यामध्ये लहान मुलांचाही समावेश आहे. या हल्ल्याच्या एक दिवस आधी शुक्रवारी (09 मे) रात्री उशिरापर्यंत गाझातील जबालिया येथे हल्ला केला होता. या हल्ल्यात संयुक्त राष्ट्रांच्या एजन्सीच्या इमारतीला लक्ष्य करण्यात आले होते. या इमारतीमध्ये गाझातील लोकांना पुरवल्या जाणाऱ्या अन्नधान्याचा साठी होता. सध्या इस्रायल गाझाला मदत पोहोचवण्यावर नियंत्रण ठेवण्याचा प्रयत्न करत आहे. यामुळे इस्रायलने नाकेबंदी केली आहे. अनेक मदत केंद्रे बंद करण्यात येत आहे. यामुळे गाझातील परिस्थिती अत्यंत बिकट झाली आहे.
इस्रायलच्या म्हणण्यानुसार, या सर्व कारवाया हमासवर दबाव आणण्यासाठी केल्या जात आहे. यामुळे हमास ओलिसांनी सोडण्यास आणि शस्त्र सोडण्यास भाग पडतील. परंतु जागतिक स्तरावर इस्रायलच्या या कारवायांना गुन्हा म्हणून संबोधले जात आहे. मानवाधिकार संघटनांनी इस्रायलच्या या हल्ल्यांचे उपासमारीचे शस्त्र आणि युद्ध गुन्हा म्हणून केले आहे. तसेच संयुक्त राष्ट्र संघ, तसेच अनेक मानवाधिकार मदत संघटनांनी इस्रायलच्या गाझाच्या मदतीवर नियंत्रण ठेवण्याच्या योजनेचा निषेध केला आहे.
.png "Videos"){kind=small}
