Israel Iran War : ‘नेतन्याहू जिवंत असतील तर शोधून मारु’ ; इराणच्या IRGC ची इस्रायलला उघड धमकी

Israel Iran War : मध्यपूर्वेतील इस्रायल-इराण युद्ध आता एका धोकादायक टप्प्यावर आले आहे. १६ दिवसांपासून युद्ध सुरु असून इस्रायलचे पंतप्रधान सुरक्षित असल्याचे समजताच त्यांना उघडपणे मारण्याची धमकी इराणने दिली आहे.

• आमच्या मुलांच्या मारेकऱ्याला सोडणार नाही- इराण
• नेतन्याहू जिवंत असेल तर शोधून मारु- IRGC ची उघड धमकी
• जगभरात खळबळ

IRGC Threat to Kill Israel PM Benjamin Netnyahu : तेहरान : इस्रायल इराण संघर्ष (Israel Iran War) आता अत्यंत धोकादायक वळणावर पोहोचला आहे. सलग १६ व्या दिवशीही युद्ध सुरु असून इराणच्या इस्लामिक रिव्होल्यूशनरी गार्ड कॉर्प्स (IRGC)ने इस्रायलचे पंतप्रधान बेंजामिन नेतन्याहू (Benjamin Netnyahu) यांना मारण्याची उघड धमकी आहे. यामुळे जगभरात खळबळ उडाली आहे.

Middle East War : इस्रायलचा भीषण प्रहार! तेहरानमधील स्पेस सेंटर अन् संरक्षण प्रकल्पांना केले उद्ध्वस्त, आता काय करणार इराण?

IRGC ची इस्रायलला खुली धमकी

नुकतेच सोशल मीडियार नेतन्याहूं यांचा मृत्यू झाल्याच्या अफवा पसरल्या होता. या अफवांचे खंडन इस्रायलच्या पंतप्रधान कार्यलयाने केले असून यानंतर इराणने इस्रायल(Israel) ला खुली धमकी दिली आाहे. IRGC ने कडक शब्दात धमकी दिली आहे की, आमच्या मुलांचा मारेकरी नेतन्याहू जिंवत असेल, तर त्याला जगाच्या कोपऱ्यातून शोधून काढू आणि ठार करु. इराणच्या या धमकीमुळे जगभरात खळबळ उडाली आहे.

नेतन्याहूंच्या मृत्यूच्या अफवा

गेल्या काही दिवसांपासून सोशल मीडियावर नेतन्याहूंच्या मृत्यूच्या अफवांना उधाण आले होते. सोशल मीडियावर एक व्हिडिओ आणि फोटो व्हायरल होत होता. फोटोमध्ये इस्रायलचे संरक्षण दल नेतन्याहूंचा मतदेह बाहेर काढताना दाखवण्यात आले होते, तर एक बनावट व्हिडिओ तयार करुन नेतन्याहू इराणला धमकी देत असल्याचे दाखवण्यात आले होते. दावा करण्यात आला होता की, पंतप्रधान नेतन्याहू मारले गेले असून त्यांचे संपर्ण कुटुंब देश सोडून पळून गेले आहे.

मात्र इस्रायलच्या पंतप्रधान कार्यालयाने सोशल मीडियावर नेतन्याहूंच्या मृत्यूच्या बातम्या पूर्णपणे खोट्या आणि निराधार असल्याचे म्हटले. पंतप्रधान बेंजामिन नेतन्याहू सुरक्षित आणि निरोगी असून त्यांचे काम नेहमीप्रमाणे करत आहे, असेही कार्यालयाने स्पष्ट केले.  याच पार्श्वभूमीवर इराणने पुन्हा एकदा नेतन्याहूंना जीवे मारण्याची धमकी दिली आहे.

इस्रायलचा इराणवर हल्ला

एकीकडे दोन्ही देश एकमेकांना कडक शब्दात धमकी देत आहे. तर दुसरीकडे एकमेकांवर हल्लेही सुरुच आहेत. नुकतेच इस्रायलने इराणच्या तेहरानमधील स्पेस रिसर्च सेंटर आणि हवाई संरक्षण प्रणाली विकसित करण्याच्या कारखान्यावर हल्ला केला आहे. यामुळे मोठी खळबळ उडाली असून इराण (Iran) अधिक पेटून उठण्याची शक्यता आहे. यामुळे जागतिक स्तरावर गंभीर चिंतेचे वातावरण निर्माण झाले आहे.

Isreal Iran War : इराण हल्ल्यात नेतन्याहूंचा मृत्यू? इस्रायलच्या पंतप्रधान कार्यालयाने स्पष्टचं सांगितलं…