सायबर सुरक्षा क्षेत्रात भारताला इस्त्राईलची साथ (Photo Credit - X)
भारतात ‘अनेक हजार कोटींची’ गुंतवणूक
भारतीय वाणिज्य आणि उद्योग मंत्री पियुष गोयल यांच्याशी गुरुवारी भेट घेतल्यानंतर इस्रायली कंपनीचे सीईओ नदाव झफरीर यांनी पत्रकारांशी संवाद साधला.
झफरीर म्हणाले की, “भारत आमच्यासाठी एक अतिशय महत्त्त्वाची आणि धोरणात्मक बाजारपेठ आहे. आम्ही पुढील १० वर्षांत भारतात अनेक कोटी डॉलर्स (अनेक हजार कोटी रुपये) गुंतवणूक करणार आहोत.”
बंगळूरु R&D केंद्राचा होणार विस्तार
सीईओ झफरीर यांनी सांगितले की, इस्रायलबाहेर आमचे सर्वात मोठे संशोधन आणि विकास केंद्र बंगळूरु येथे आहे. याचे कारण स्पष्ट करताना ते म्हणाले, “आम्हाला तेथे जागतिक दर्जाची प्रतिभा आढळते. विशेषतः जेव्हा अत्याधुनिक तंत्रज्ञान आणि वेगाने बदलणाऱ्या सायबर धोक्यांचा विचार केला जातो, तेव्हा बेंगळुरूपेक्षा चांगले ठिकाण क्वचितच आहे.”
अभियंते भरती: “सध्या आमच्याकडे बंगळूरुमध्ये शेकडो अभियंते काम करत आहेत. आम्ही वेगाने अधिक अभियंत्यांची भरती करत आहोत आणि भविष्यात ही संख्या आणखी वाढवू,” असेही त्यांनी स्पष्ट केले.
सायबर हल्ले रोखण्यासाठी इस्रायलचे काम
नदव झफरीर यांनी भारतातील सायबर सुरक्षेची मोठी मागणी अधोरेखित केली. ते म्हणाले, “सायबर हल्ल्यांची जलद वाढ आणि बदल पाहता, आम्हाला जगातील सर्वोत्तम प्रतिभेची आवश्यकता आहे.”
सायबर सुरक्षेची मोठी मागणी असलेली क्षेत्रे:
बँकिंग आणि व्यापार
संरक्षण (Defense)
वीज (Power) आणि इतर महत्त्वाचे पायाभूत क्षेत्र.
“जीवनाचा प्रत्येक पैलू डिजिटल होत असताना आणि कृत्रिम बुद्धिमत्तेमुळे (AI) अधिक गतीमान होत असताना, सायबर सुरक्षेची गरज झपाट्याने वाढणार आहे,” असे त्यांनी नमूद केले.
उल्लेखनीय म्हणजे, केंद्रीय मंत्री पियुष गोयल सध्या ६० सदस्यांच्या मोठ्या भारतीय व्यावसायिक शिष्टमंडळासह इस्रायलच्या भेटीवर आहेत. चेक पॉइंटने केलेली ही घोषणा भारताला सायबर सुरक्षा आणि उच्च तंत्रज्ञानाचे जागतिक केंद्र बनवण्याच्या दिशेने एक मोठे पाऊल म्हणून पाहिले जात आहे.
.png "Videos"){kind=small}
