Strait Of Hormuz: होर्मुझच्या सामुद्रधुनीत युद्धनौका पाठवण्यावर जपानची रोखठोक भूमिका; अमेरिकेविरुद्ध आखली कायदेशीर लक्ष्मणरेषा

Strait of Hormuz : होर्मुझच्या सामुद्रधुनीतून जाणाऱ्या तेल टँकरच्या संरक्षणासाठी नौदल जहाजे पाठवण्याची टोकियोची कोणतीही योजना नसल्याचे जपानच्या पंतप्रधानांनी सांगितले. याबाबत जाणून घ्या सविस्तर अपडेट.

• जपानचा ट्रम्प यांना नकार
• कायदेशीर पेच
• ७२ तासांचा अल्टिमेटम

Japan Sanae Takaichi Strait of Hormuz : मध्यपूर्वेतील इराण आणि अमेरिका यांच्यातील युद्ध (US-Israel Iran War) आता समुद्रात पोहोचले असून, जगाची नजर सध्या ‘होर्मुझच्या सामुद्रधुनी’वर (Strait of Hormuz) खिळली आहे. अमेरिकेचे राष्ट्राध्यक्ष डोनाल्ड ट्रम्प यांनी या महत्त्वाच्या जलमार्गाच्या संरक्षणासाठी मित्र राष्ट्रांकडे मदतीचा हात मागितला असला तरी, जपानने मात्र या मोहिमेत सहभागी होण्यास तूर्तास नकार दिला आहे. जपानच्या पंतप्रधान साने ताकाची (Sanae Takaichi) यांनी सोमवारी संसदेत स्पष्ट केले की, टोकियोची सध्या या भागात नौदल जहाजे पाठवण्याची कोणतीही योजना नाही.

ट्रम्प यांची मागणी आणि जपानची कायदेशीर लक्ष्मणरेषा

डोनाल्ड ट्रम्प यांनी सोशल मीडियाच्या माध्यमातून चीन, फ्रान्स, जपान आणि दक्षिण कोरिया यांसारख्या देशांना आवाहन केले होते की, त्यांनी आपल्या तेल टँकर्सच्या सुरक्षेसाठी स्वतःच्या युद्धनौका तैनात कराव्यात. मात्र, जपानसमोर सर्वात मोठे आव्हान हे त्यांच्या राज्यघटनेचे आहे. जपानचे संरक्षण मंत्री शिनजीरो कोइझुमी यांनीही स्पष्ट केले की, सध्याच्या परिस्थितीत ‘मॅरिटाईम सिक्युरिटी ऑपरेशन’ सुरू करण्याचा विचार नाही. जपानच्या कायद्यानुसार, जपानी जहाजांचे संरक्षण करणे शक्य असले तरी, परदेशी जहाजांना एस्कॉर्ट करणे कायदेशीर पेचात अडकू शकते.

जागतिक घडामोडी संबंधित बातम्या वाचण्यासाठी येथे क्लिक करा : Mojtaba Khamenei : पर्वतांत लपले की मॉस्कोत पोहोचले? अमेरिकेने मोज्तबा खामेनींचा घेतला धसका; जागतिक स्तरावर तणावाची चर्चा

पुढील ७२ तास जागतिक अर्थव्यवस्थेसाठी महत्त्वाचे

सूत्रांच्या माहितीनुसार, अमेरिका पुढील ७२ तासांत एका नवीन ‘नौदल युती’ची (Naval Coalition) अधिकृत घोषणा करू शकते. ही युती इराणने घातलेल्या समुद्री अडथळ्यांना तोडण्यासाठी काम करेल. होर्मुझची सामुद्रधुनी हा जगातील सर्वात महत्त्वाचा तेल मार्ग आहे, जिथून जगातील २० टक्के कच्च्या तेलाचा पुरवठा होतो. इराणने हा मार्ग अंशतः बंद केल्यामुळे कच्च्या तेलाच्या किमती ४० टक्क्यांनी वधारल्या आहेत. जर जपानसारखे मित्र राष्ट्र मागे हटले, तर ट्रम्प यांच्या या मोहिमेला मोठा धक्का बसू शकतो.

See more

BREAKING: Japan has officially rejected Trump’s request and will not send naval ships to the Strait of Hormuz. pic.twitter.com/Lny6YbmRfA — Current Report (@Currentreport1) March 16, 2026

credit – social media and Twitter

जपानची ‘स्वतंत्र’ भूमिका आणि तेलाचा साठा

पंतप्रधान ताकाची यांनी सांगितले की, जपान स्वतंत्रपणे काय करू शकतो आणि कायदेशीर चौकटीत काय शक्य आहे, याचा सखोल अभ्यास केला जात आहे. विशेष म्हणजे, जपानने आधीच आपले १५ दिवसांचे आपत्कालीन तेल साठे (Petroleum Reserves) बाजारात आणण्याचा निर्णय घेतला आहे, जेणेकरून देशांतर्गत इंधनाची टंचाई भासू नये. जपानचा ९० टक्क्यांहून अधिक कच्चा तेल पुरवठा या भागातून येत असल्याने, जपानसाठी हा प्रश्न जीवन-मरणाचा आहे, तरीही त्यांनी युद्धात थेट उडी घेण्यापेक्षा संयम पाळणे पसंत केले आहे.

जागतिक घडामोडी संबंधित बातम्या वाचण्यासाठी येथे क्लिक करा : Mojtaba Khamenei : पर्वतांत लपले की मॉस्कोत पोहोचले? अमेरिकेने मोज्तबा खामेनींचा घेतला धसका; जागतिक स्तरावर तणावाची चर्चा

मित्र राष्ट्रांमधील फूट?

जपानच्या या भूमिकेमुळे अमेरिकेच्या नेतृत्वाखालील मोहिमेवर प्रश्नचिन्ह उपस्थित झाले आहे. युनायटेड किंगडमने या मोहिमेत स्वारस्य दाखवले असले तरी, फ्रान्स आणि जर्मनी अद्याप साशंक आहेत. आता या आठवड्यात पंतप्रधान साने ताकाची आणि डोनाल्ड ट्रम्प यांची वॉशिंग्टनमध्ये भेट होणार असून, या बैठकीत मध्यपूर्वेतील युद्धाचे भवितव्य ठरण्याची दाट शक्यता आहे.