khaby lame च्या 8000 कोटींच्या कराराला ब्रेक! ‘त्या’ एका चुकीमुळे जगातील नंबर 1 टिकटॉकर अडचणीत? मालमत्तेबाबत मोठा खुलासा

Khaby Lame Wife : खाबी लेम यांचा १ अब्ज डॉलर्सचा कॉर्पोरेट करार आता चौकशीच्या फेऱ्यात आला आहे, कारण अनेक ब्रोकरेज कंपन्यांनी संबंधित शेअर्समधील व्यवहार थांबवले आहेत.

• अब्जावधींचा करार धोक्यात
• संपत्तीवर प्रश्नचिन्ह
• वैयक्तिक आयुष्यात खळबळ

Khaby Lame 975 million dollar deal : जगातील सर्वात लोकप्रिय सोशल मीडिया स्टार खाबी लेम (khaby lame) जो आपल्या शांत राहून केलेल्या व्हिडिओंसाठी ओळखला जातो, सध्या एका मोठ्या वादळात सापडला आहे. केवळ हातवारे करून जगाला हसवणाऱ्या या २६ वर्षीय तरुणाच्या व्यावसायिक साम्राज्याला आता ग्रहण लागल्याचे दिसत आहे. खाबी लेमच्या ‘स्टेप डिस्टिंक्टिव्ह लिमिटेड’ या कंपनीचा हाँगकाँगस्थित ‘रिच स्पार्कल होल्डिंग्ज’सोबत होणारा ९७५ दशलक्ष डॉलर्सचा (अंदाजे ८,१५० कोटी रुपये) महाप्रचंड करार आता कायदेशीर आणि आर्थिक चौकशीच्या कचाट्यात सापडला आहे.

शेअर्सच्या व्यवहारावर बंदी आणि आर्थिक संकटाची टांगती तलवार

जानेवारी महिन्यात खाबी लामे यांनी आपली कंपनी विकण्याचा निर्णय घेतला होता. हा व्यवहार पूर्णपणे स्टॉकवर आधारित (All-Stock Deal) होता. मात्र, अनेक मोठ्या ब्रोकरेज कंपन्यांनी या सौद्याशी संबंधित शेअर्समधील ट्रेडिंग अचानक थांबवले आहे. यामुळे खाबीच्या प्रसिद्धीचे रूपांतर अब्जावधींच्या व्यवसायात करण्याच्या योजनेवर मोठे प्रश्नचिन्ह निर्माण झाले आहे. १६० दशलक्ष टिकटॉक फॉलोअर्स असलेल्या या स्टारच्या व्यावसायिक पारदर्शकतेवर आता तज्ज्ञ शंका उपस्थित करत आहेत.

जागतिक घडामोडी संबंधित बातम्या वाचण्यासाठी येथे क्लिक करा : Iran No Talks : इस्लामाबाद किल्ल्यासारखं सजवलं, पण पाहुणेच गायब; इराणचा शांतता चर्चेला सणसणीत नकार, त्यात पाकिस्तानचा अपमान

मालमत्ता स्वतःच्या नावावर का नाही? वडिलांच्या भूमिकेवर प्रश्न

फोर्ब्सच्या मते, खाबी लेम यांची एकूण निव्वळ संपत्ती २० दशलक्ष डॉलर्स (सुमारे १६६ कोटी रुपये) आहे. मात्र, धक्कादायक बाब म्हणजे, एवढी मोठी संपत्ती असूनही खाबीच्या स्वतःच्या नावावर कोणतीही मोठी मालमत्ता नोंदणीकृत नाही. सर्व आर्थिक मालमत्ता आणि मालमत्ता त्याच्या वडिलांच्या नावावर असल्याचे समोर आले आहे. “जगातील एवढा मोठा क्रिएटर स्वतःच्या नावावर काहीही का ठेवत नाही?” असा प्रश्न सोशल मीडियावर विचारला जात आहे. यामुळे त्यांच्या आर्थिक नियोजनावर आणि कायदेशीर बाबींवर टीका होत आहे.

See more

Khaby Lame will inherit half of his wife’s 10 million dollar fortune after she filed for divorce due to “irreconcilable differences” without knowing all his assets are in his father’s name! He pulled a Hakimi on her pic.twitter.com/5KWVSlVnGm — Chidimma (@The_Chidimma) April 5, 2026

credit – social media and Twitter

खाजगी आयुष्यातील वादळ: गुपित लग्न आणि घटस्फोटाची चर्चा

खाबी लामे नेहमीच आपले वैयक्तिक आयुष्य कॅमेऱ्यापासून दूर ठेवण्यासाठी ओळखला जातो. नोव्हेंबर २०२३ मध्ये त्याने डॅनिश-दक्षिण आफ्रिकन मॉडेल वेंडी थेम्बेलीहले जूल हिच्याशी अत्यंत गुप्तपणे निकाह केला होता. मात्र, आता लग्नाला वर्ष उलटायच्या आतच घटस्फोटाच्या बातम्यांनी जोर धरला आहे. या वैयक्तिक वादाचा परिणाम त्याच्या ब्रँड व्हॅल्यूवर होत असून, यामुळेच कदाचित कॉर्पोरेट करारात अडथळे येत असल्याचे बोलले जात आहे.

जागतिक घडामोडी संबंधित बातम्या वाचण्यासाठी येथे क्लिक करा : Iran No Talks : इस्लामाबाद किल्ल्यासारखं सजवलं, पण पाहुणेच गायब; इराणचा शांतता चर्चेला सणसणीत नकार, त्यात पाकिस्तानचा अपमान

क्रिएटर इकॉनॉमीसाठी धोक्याची घंटा?

खाबी लेमचे प्रकरण हे आजच्या ‘क्रिएटर इकॉनॉमी’साठी एक धडा मानले जात आहे. जेव्हा एखादा इन्फ्लुएन्सर अब्जावधींच्या कॉर्पोरेट जगात पाऊल ठेवतो, तेव्हा त्याचे वैयक्तिक आयुष्य आणि आर्थिक व्यवहार पारदर्शक असणे किती गरजेचे आहे, हे यावरून स्पष्ट होते. खाबी लामे या संकटातून बाहेर पडणार की त्याच्या ८००० कोटींच्या स्वप्नाचा चक्काचूर होणार, याकडे आता संपूर्ण जगाचे लक्ष लागले आहे.