न्यू यॉर्क सिटीने घेतला महत्त्वपूर्ण निर्णय! ‘Medical Assisted Suicide’ ला दिला हिरवा कंदील

अमेरिकेच्या न्यूयॉर्क सिटीने महत्त्वपूर्ण निर्णय घेतला आहे. गंभीर आजारांनी ग्रस्त रुग्णांसाठी निर्णय घेण्यात आला असून या कायद्याअंतर्गत गंभीर आजाराने त्रस्त असलेल्यांना वैद्यकीय देखरेखीखाली जीवन संपवता येणार आहे.

• न्यू यॉर्क सिटीने घेतला महत्त्वपूर्ण निर्णय
• ‘Medical Assisted Suicide’ कायदाला मंजुरी
• गव्हर्न कॅथी होसुलने केली कायद्यावर स्वाक्षरी

Medical Aid in Dying Act New York : अमेरिकेच्या न्यूयॉर्क (New York) राज्याने एक महत्त्वपूर्ण निर्णय घेतला आहे. गंभीर आजारांनी ग्रस्त असलेल्या रुग्णांसाठी एक महत्त्वपूर्ण कायदा मंजुर केला आहे. न्यूयॉर्कने रुग्णांसाठी Medical Aid in Dying चा निर्णय मंजुर केला आहे. गव्हर्नर कॅथी होसुल यांनी या प्रस्तावाला मंजुरी दिली असून, लवकरच यावर अधिकृतपणे स्वाक्षरी केली जाईल. दीर्घ चर्चाा आणि कायदेशीर प्रक्रियेनंतर हा निर्णय घेण्यात आला आहे.

Trump-Mamdani च्या भेटीची तारीख ठरली निश्चित; राजकीय तणावानंतर पहिलीच प्रत्यक्ष चर्चा

काय आहे या कायद्याचे नवे नियम ?

न्यूयॉर्कच्या या नव्या कायद्यांनुसार, गंभीर आजारांसाठी झुंज देत असलेल्या, असाह्य वेदना सहन कराव्या लागणाऱ्या आणि नाइलाज असणाऱ्या रुग्णांसाठी  शेवटच्या टप्प्यात  आपले जीवन संपवण्यासाठी मदत मिळणार आहे. परंतु हा निर्णय कोणत्या दबावाखाली, किंवा घाईघाईने घेतला जाऊ नये यासाठी काही कठोर सुरक्षा उपाय करण्यात आले आहे.

• यामध्ये रुग्ण गंभीर आजाराने त्रस्त असले तर त्याला वैद्यकीय तज्ज्ञांशी जीवन संपवण्यापूर्वी चर्चा करणे महत्त्वाचे आहे.
• तसेच रुग्ण कोणत्याही दबावाखाली निर्णय घेत नाही याची खात्री करण्यासाठी दोन साक्षीदारांच्या स्वाक्षऱ्या आवश्यक असणार आहेत.
• शिवाय प्रक्रियेसाठी उपचार करणारे डॉक्टर आणि तज्ज्ञांच्या परवानगी आवश्यक आहे.
• तसेच रुग्णाची मानसिक स्थिती देखील अत्यंत महत्त्वाची आहे. त्याची निर्णय घेण्याची क्षमता आहे का नाही याची खात्री मानोपचारतज्ज्ञांची तपासणी आवश्यक असणार आहे.
• या कायद्याअंतर्गत इच्छामृत्यूला परवानगी देण्यात आलेली नाही.
• यामध्यये केवळ डॉक्टर आणि वैद्यकीय तज्ज्ञांकडून औषधे लिहून दिली जाणार, यानंतर अंतिम निर्णया हा रुग्णाच्या हातात असेल, त्याच्या आरोग्य परिस्थितीवर असेल.

निर्णय वादाच्या भोवऱ्यात

गेल्या अनेक काळापासून हा निर्णय वादाच्या भोवऱ्यात अडकला होता. अनेक धार्मिक संस्था आणि समाजिक संस्थांनी याला तीव्र निषेध दर्शवला होता. तज्ज्ञांच्या म्हणण्यानुसाप, या काद्यामुळे मानवी मूल्य कमी होऊन वैद्यकीय व्यवसायच्या तत्त्वांचा गैरवार केला जाऊ शकतो. पण अनेकांनी या निर्णयाला समर्थन दिले असून यामुळे लोकांना असह्य वेदनांपासून मुक्ती मिळेल असे त्यांनी म्हटले आहे. न्यूयॉर्कचा हा निर्णय सध्या जगभरात चर्चेचा विषय ठरत आहे. जीवनाच्या अंतिम टप्प्यात सन्मान, वेदना आणि नैतिक अधिकारांची सध्या लोक चर्चा करत आहेत.

Explainer : ट्रम्पच्या धमक्यांना नाही बधले ममदानी! न्यूयॉर्कच्या ख्रिश्चन लोकसंख्येमध्ये खाऊन गेले भाव, कसे?