नेपाळ पर्यटनाला पश्चिम आशियाई संघर्षाचा फटका; पाश्चात्य पर्यटकांची घट, तर भारत ठरला ‘संकटमोचक’

Nepal Tourism : जागतिक संकटाचा परिणाम नेपाळच्या पर्टनावर झाला आहे. अमेरिका-युरोपमधून येणाऱ्या पर्यटकांच्या संख्येत काहीशी घट झाली आहे. पण याच वेळी भारतासह अनेक दक्षिण आशियाई देश संकटमोचक ठरले आहेत.

• मध्यपूर्वेतील संघर्षाचा नेपाळला फटका
• अमेरिका-युरोपियन पर्यटकांच्या संख्येत घट
• भारत ठरला संकटमोचक

middle East Conflict Effect on Nepal Tourism : काठमांडू : मध्यपूर्वेतील युद्धामुळे जागतिक स्तरावर गंभीर चिंतेचे वातावरण निर्माण झाले आहे. जागतिक स्तरावर इंधन आणि उर्जा संकट निर्माण झाले आहे. याचा जगभरातील अनेक देशांच्या पर्यटनाला फटका बसला आहे. याची झळ हिमालयाच्या कुशीत वसलेल्या नेपाळ(Neapl) पर्यंतही पोहोचली आहे. मार्च महिना हा नेपाळमध्ये ट्रेकिंग आणि गिर्यारोहणासाठी महत्त्वाचा सीजन मानला जातो. मात्र अमेरिका-इस्रायल विरुद्ध इराण युद्धा (US-Israel Iran War) मुळे पर्यटनाची समीकरणेच बदलली आहेत.

Indonesia Earthquake: इंडोनेशियामध्ये 7.4 रिश्टर स्केलचा भूकंप; मोलुक्का समुद्रात हालचाल अन् किनारपट्टीवर त्सुनामीचे सावट

पाश्चात्य पर्यटकांच्या संख्येत घट

नेपाळच्या पर्यटन (Tourism) मंडळाच्या आकडेवारीनुसार, मार्च २०२६ मध्ये युरोप, अमेरिका आणि पश्चिम आशिया या देशांमधून येणाऱ्या पर्यटकांची संख्या लक्षणीय रित्या कमी झाली आहे. ज्यामुळे स्थानिक पर्यटन व्यवसायांवर थेट परिणाम होत आहे. आकडेवरीनुसार, २०२५च्या तुलनने २०२६ मध्ये पर्यटकांची संख्या १% ने घसरुन १,२०,५१६ वर आली आहे.

यामागचे मुख्य कारण म्हणजे ट्रान्झिट रुटमध्ये येणारा व्यत्यय

• पाश्चात्य देशांमधून येणारे पर्यटक पश्चिम आशियाई देशांचा ट्रान्झिट हब म्हणून वापर करतात. परंतु युद्धामुळे आंतरराष्ट्रीय हवाई वाहतूक सेवा बंद झाल्याने या भागातून येणाऱ्या पर्यटकांच्या संख्येत घट झाली आहे.
• आकडेवारीनुसार, पश्चिम आशियातून येणाऱ्या पर्यटकांच्या संख्येत तब्बल ३७.१ टक्क्यांनी घट झाली आहे.
• अमेरिकेतून येणाऱ्या पर्यटकांच्या संख्येत २५.४%, तर आफ्रिकेतून २२.३% आणि युरोपमधून १८.९% घट झाली आहे.

भारत ठरला संकटमोचक

पण याच वेळी भारतामुळे नेपाळची अर्थव्यवस्था सरसावली आहे. पाश्चात्य देशांमधून येणाऱ्या पर्यटकांची संख्या घटली असली तर नेपाळच्या शेजारी आशियाई देशांनी नेपाळच्या पर्यटनाला भक्काम पाठिंबा दिला आहे.

• दक्षिण आशियाई देशांमधून येणाऱ्या पर्यटकांच्या संख्येत २०.९% वाढ झाली आहे.
• मार्च महिन्यात भारतातून तब्बल २५,७२८ पर्यटकांनी नेपाळला भेट दिली आहे.
• वाढत्या उष्णतेपासून सुटका आणि सांस्कृतिक पर्यटनासाठी भारतीयांनी पहिली पसंतील नेपाळला दिली आहे.
• यामध्ये श्रीलंका आणि बांगलादेशी पर्यटकांचाही समावेश आहे.
• याशिवाय चीन, म्यानमार, थायलंड, जपान, मलेशिया आणि दक्षिण कोरिया सारख्या आशियाई देशांमधून ३३,४२६ पर्यटक नेपाळमध्ये आले आहे.

नेपाळच्या पर्यटन मंडळाचे मुख्य अधिकारी दीपक राज जोशी यांनी म्हटले की, शेजारी देशांकडून नेपाळच्या पर्टनला उत्स्फूर्त प्रतिसाद मिळाला आहे. सध्या नेपाळचे लक्ष पर्यायी बाजारपेठांवर आहे. ज्यामुळे जागतिक संकटाचा त्यांच्या पर्यटनावर आणि अर्थव्यवस्थेवर परिणाम होणार नाही. यासाठी नेपाळने पर्यटन धोरणात बदल करण्यास सुरुवात केली आहे.

US Iran War : इराणशी युद्धात अमेरिकेचा दणदणीत विजय? राष्ट्राला संबोधित करताना ट्रम्प यांचा खळबळजनक दावा