US Iran War : पाच दिवसांत सुरु होणार ‘असली खेळ’? ट्रम्प यांनी इराणचा फास आवळल्याचा अमेरिकन अधिकाऱ्याचा दावा

US Iran War Update : मध्यपूर्वेतील स्थिरतेबाबत अद्यापही अनिश्चितता निर्माण होत आहे. नुकतेच अमेरिकेच्या माजी अधिकाऱ्याने येत्या पाच दिवसांत इराणमध्ये काहीतरी मोठे घडणार असल्याचा दावा केला आहे.

• अमेरिकेच्या माजी अधिकाऱ्याचा खळबळजनक दावा
• इराणमध्ये सुरु होणार ग्राऊंड वॉर
• ट्रम्प यांनी आवळला इराणचा फास

US Iran War News in Marathi : तेहरान/वॉशिंग्टन : पश्चिम आशियातील तणाव आता एक निर्णयाक टप्प्यावर येऊन पोहोचल आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी 5 दिवसांच्या युद्धबंदीची घोषणा करत इराणला होर्मुझचा मार्ग खुला करण्याचा अल्टीमेटम दिला आहे. इराणने याला प्रतिसाद न दिल्यास त्यांच्या उर्जा केंद्रावर हल्ला करण्याची धमकीही दिली आहे. या संदर्भात इराणमध्ये येत्या पाच दिवसा खरी लढाई सुरु होणार असल्याचा दावा एक माजी अधिकाऱ्याने केला आहे. या दाव्यामुळे जगभरात मोठी खळबळ उडाली आहे.

US Iran War : आता ‘दलदली’तून बाहेर पडायची वेळी संपली…; इराणचा डोनाल्ड ट्रम्प ‘आरपार’चा इशारा

अमेरिकेच्या माजी अधिकाऱ्याचा खळबळजनक दावा

व्हाइट हाउसचे माजी सल्लागार आणि शिकागो विद्यापीठाचे प्रसिद्ध प्रोफेसर रॉबर्ट पेप यांनी अध्यक्ष ट्रम्प यांच्या इराणमधील रणनीतीबाबत मोठा खुलासा केला आहे. त्यांच्या मते, ट्रम्प सध्या जाणूनबुजून युद्धबंदीच्या चर्चेचे नाटक करत आङे. यामागे त्यांचा इराणमध्ये ग्राऊंड वॉर सुरु करण्याचा प्लॅन आहे. पेप यांनी सांगितले की, ट्रम्प इराणमध्ये मरीन्स उतरवण्याचा मोठा प्लॅन करत आहेत.

इराणच्या जाळ्यात अडकले ट्रम्प?

प्रोफेसर पेप यांनी पत्रकारांना दिलेल्या मुलाखतीत सांगितले आहे की, इराणने अमेरिकेसाठी एक स्ट्रॅटेजिक ट्रॅप रचला आहे. यामध्ये ट्रम्प अडकत चालले आहेत. इराण (Iran) अमेरिकेला उकसवण्याचे काम करत असून ट्रम्प त्यांना प्रत्युत्तर देताना चुका करत आहेत. यामुळे सध्या ट्रम्प यांनी 5 दिवसांची युद्धबंदीची घोषणा केली असून यामगे त्यांचा मोठा प्लॅन आहे.

पेप यांनी दावा केला की, हवाई हल्ले कमी करण्यात आले असेल तरी हे केवळ इराणमध्ये सेना पोहोचवण्यापर्यंत आहे. एकदा का अमेरिकेने आपले सैन्य भूमार्गी इराणमध्ये उतरवले तर युद्धाचे पूर्ण स्वरुप बदलेल. परंतु यामुळे अमेरिकेची नामूष्की होण्याची भीतीही प्रोफेसर पेप यांनी व्यक्त केली आहे.

स्ट्रेट ऑफ होर्मुझचे राजकारण

पेप यांनी स्पष्ट केले की, सध्या स्ट्रेट ऑफ होर्मुझ आणि तेलाचे राजकारण या संघर्षाच्या केंद्रस्थानी आहे. अमेरिका इराण युद्ध (US Iran War) केवळ लष्करी वर्चस्वासाठी नसून जागतिक बाजारात तेल नियंत्रण मिळवण्यासाठी.

स्ट्रेट ऑफ होर्मुवर सध्या इराणचे नेतृत्व आहे. या मार्गावरुन जगातील 20-30 टक्के तेलाची वाहतूक होते. हा मार्ग बंद झाल्याने तेलाच्या किमती गगनाला भिजली. यामुळे ट्रम्प 50 वर्षांसाठी तेलाच्या बाजारातून इराणचे प्रभुत्व मिटवण्याचा प्रयत्न करत असल्याचा दावा त्यांनी केली.

सध्या पुढच्या पाच दिवसांत इराणमध्ये नेमकं काय घडणार याकडे सर्वांचे लक्ष लागले आहे. हा संघर्ष शांततेकडे जाणार की युद्ध आणखी पेटणार असा प्रश्न निर्माण झाला आहे.

US Iran Ceasefire Talks : ट्रम्प यांचे ‘डबल स्टँडर्ड’! एकीकडे शांततेच्या बाता दुसरीकडे तेहरानवर बॉम्बवर्षाव, इराण भडकला