Middle East War : इस्रायलचा भीषण प्रहार! तेहरानमधील स्पेस सेंटर अन् संरक्षण प्रकल्पांना केले उद्ध्वस्त, आता काय करणार इराण?

Israel Iran War : मध्यपूर्वेतील युद्ध सलग तिसऱ्या आठवड्यातही सुरु आहे. इस्रायल-इराण एकमेकांवर सातत्याने हल्ले करत असून प्रचंड अस्थिरता निर्माण झाली आहे. नुकतेच इस्रायलने इराणच्या सुरक्षा कवचावर प्रहार केला आहे.

• इस्रायलचा इराणवर प्राणघातक हल्ला
• तेहरानमधील अंतराळ संशोधन केंद्र आणि हवाई संरक्षण कारखाना उद्ध्वस्त
• इराणमध्ये संतापाची लाट

Israel Attack on Iran’s Spaece Center and Air Defense Factory : जेरुसलेम/तेहरान : मध्यपूर्वेतील संघर्षाला दोन आठवडे उलटून गेले आहेत. परंतु हा संघर्ष काही थांबण्याचे नाव घेईना. आज युद्धाचा १६ वा दिवस असून इस्रायल (Israel) ने इराणवर सर्वात मोठा हल्ला केला आहे. इस्रायलच्या हवाई दलाने इराणची राजधानी तेहरानमधील स्पेस रिसर्च सेंटर आणि हवाई संरक्षण प्रणाली तयार करणाऱ्या कारखान्याला पूर्णपणे उद्ध्वस्त केले आहे.

Middle East War : इराणची खतरनाक खेळी! हुथी दहशतवाद्यांच्या खांद्यावर बंदूक ठेवून साधला मोठा डाव, जगभरात खळबळ

इस्रायलच्या लष्कराने दिलेल्या माहितीनुसार, इराण (Iran) या स्पेस सेंटरमध्ये लष्करी उपग्रहांचे संशोधन सुरु होता. भविष्यात याद्वारे इराण मध्यपूर्वेतील इस्रायल ठिकाणांवर पाळत ठेऊ शकतो. या उपग्रहांचा वापर इस्रायल-अमेरिकेच्या लष्करी तळांवर अचूक हल्ल्यासाठी केला जाऊ शकतो. यामुळे इस्रायलने स्पेस सेंटर नष्ट केले असून आता इराणची अंतराळ संशोधन आणि गुप्तहेर संस्था खाक झाली असल्याचा दावा केला आहे.

इराणचे सुरक्षा कवच कमकुवत

याच वेळी इस्रायलने इराणच्या हवाई संरक्षण प्रणाली विकसित करण्याच्या कारखान्यालाही नष्ट केले आहे. या कारावाईमुळे इराणची हवाई संरक्षण क्षमता कमकुवत झाली आहे. इस्रायलने स्पष्ट केले आहे की, इराणला कमकुवत करण्यासाठी आणि धोक्याला मुळापासून उपटून टाकण्यासाठी हा हल्ला करण्यात आला आहे.

इराणने साधला मोठा डाव

याच वेळी इराणने आणखी एक मोठा डाव खेळला आहे. येमेनमधील हुथी बंडखोरांनी ‘बाब अल-मंडेब’ हा समुद्री मार्ग बंद करण्याची धमकी दिली आहे. हा मार्ग लाल समुद्र आणि हिंद महासागराला जोडणार एकमेवर मार्ग आहे. हा मार्ग बंद करण्यामागे इराणची ‘थ्री-स्टेज’ रणनीती असल्याचे तज्ज्ञांचे मत आहे. असे करुन इराण पाश्चात्य देशांची आर्थिक कोंडी करण्याचा प्रयत्न करत आहे. हा मार्ग बंद झाल्यास जागतिक तेल बाजारात इंधन आणि गॅसच्या किमती उच्चांक गाठण्याची शक्यता आहे.

युद्धबंदीसाठी नकार

सध्या या युद्धामुळे जागतिक स्तरावर गंभीर चिंतेचे वातावरण निर्माण झाले आहे. याच पार्श्वभूमीवर ओमान आणि इजिप्तसारख्या देशांनी अमेरिका-इराणसमोर युद्धबंदीसाठी शांतता चर्चेचा प्रस्ताव मांडला होता. मात्र डोनाल्ड ट्रम्प यांनी हा प्रस्ताव फेटाळत चर्चेची वेळ निघून गेली असल्याचे म्हटले आहे. तसेच इराणनेही त्यांच्यावरील हल्ले जोपर्यंत थांबत नाहीत तोपर्यंत कोणत्याही चर्चेच नकार दिला आहे. यामुळे परिस्थिती नियंत्रणाबाहेर गेली आहे.

Iran Crisis : इराणमध्ये खळबळ! नवे सुप्रीम लीडर मोजतबा खामेनेई गुपचूप रशियाला पळाले; पुतिन यांनी दिलं संरक्षण?