Israel Iran War : इस्रायलला मोठा दणका! ‘Iron Dome’ चा रक्षकच निघाला इराणी जासूस, जगभरात खळबळ

Israel Iran War Update : मध्यपूर्वेतील युद्धादरम्यान एक मोठे वृत्त समोर आले आहे. इस्रायलच्या सुरक्षा युनिटमध्ये एक इराणी गुप्तहेर निघाला असून त्याने Iron dome ची गुपितं पैशासाठी इराणला विकली आहेत. यामुळे खळबळ माजली आहे.

• इस्रायल हादरले
• Iron Dome युनिटच्या सैनिकाने इराणला विकले इस्रायलचे गुपित
• मोसादच्या एजंटलाही फाशी

Israel Soldier Spying for Iran : तेहारन/जेरुसलेम : मध्यपूर्वेतील युद्धादरम्यान एक धक्कादायक वृत्त समोर आले आहे. इस्रायल आणि इराण युद्ध (Israel Iran War) आता एका गंभीर वळणावर येऊन पोहोचला आहे. इस्रायलची सर्वात सुरक्षित मानली जाणारी Iron Dome ही हवाई सरंक्षण यंत्रणा आता इराणच्या निशाण्यावर आहे. मिळालेल्या माहितीनुसार, इराणला या संरक्षण प्रणालीची कमकुवत नस मिळाली असून इस्रायली सैनिकानेच त्यांनी गुपित विकल्याचे सांगितले जात आहे. यामुळे मोठी खळबळ माजली आहे. मिळालेल्या माहितीनुसार, या इराणी गुप्तहेराला अटकही करण्यात आली आहे.

Middle East War : ‘रक्ताच्या प्रत्येक थेंबाचा बदला घेणार’ ; मोजतबा खामेनेईंचा इस्रायल-अमेरिकेला थरकाप उडवणारा इशारा

नेमकं काय आहे प्रकरण?

आंतरराष्ट्रीय माध्यमांनी दिलेल्या माहितीनुसार, इराणच्या हवाई संरक्षण यंत्रणेतील २६ वर्षीय रिझर्व्ह सैनिक राज कोहेन याला इराणसाठी हेरगिरी करण्याच्या आरोपाखाली अटक करण्यात आली आहे. तपासादरम्यान राज कोहोन हा इस्रायलची सर्वात शक्तिशाली हवाई संरक्षण यंत्रणा Iron Dome युनिटमध्ये कार्यरत होता. तो गेल्या अनेक महिन्यांपासून इराणच्या गुप्तचर अधिकाऱ्यांच्या संपर्कात होता.

त्याने इस्रायलच्या अनेक लष्करी मोहिमांचा आणि अतिशय गुप्त आणि संवदेनशील माहिती इराणला पुरवली असल्याचे समोर आले आहे. यासाठी त्याला पैसेही देण्यात आला असल्याचा दावा केला जत आहे. तसेच त्याला तो इराण(Iran) साठी गुप्तहेरीचे काम करत असल्याचेही माहिती होते. इराणविरोधात लष्करी मोहिम सुरु करण्याच्या अवघ्या एक दिवस आधीच त्याला अटक करण्यात आली होती.सध्या या माहितीमुळे जगभरात खळबळ उडाली असून इस्रायलसाठी मोठा धोका निर्माण झाला आहे.

मोसाद एजंटला फाशी

याच वेळी इस्रायलला आणखी एक मोठा झटका मिळाला आहे. एकीकडे इस्रायलने इराणी गुप्तहेराला अटक केली असताना इराणनेही इस्रायलच्या गुप्तचर संस्था मोसादाच्या एजंटला फाशीवर चढवले आहे. अली अर्देस्तानी असे या एजंटचे नाव होते.अर्देस्तानी इराणमधील मोसादचा मु्ख्य हेर असल्याचा दावा इराणने केला आहे.

दोन्ही देशांतील सद्य परिस्थिती

जून २०२५ मध्ये झालेल्या १२ दिवसांच्या भीषण संघर्षानंतर पुन्हा एकदा हे युद्ध सुरु झाले आहे. २८ फेब्रुवारी २०२६ रोजी इस्रायल(Israel)-अमेरिकेने संयुक्तपण इराणविरोधात लष्करी मोहिम सुरु केली होती. हे दोन्ही देश केवळ युद्धाच्या मैदानावरच नाही तर एकमेकांच्या लष्करी आणि तांत्रिक यंत्रणेत ही शिरकाव करत आहे. सध्या या युद्धामुळे जागतिक स्तरावर गंभीर चिंतेचा वातावरण निर्माण झाले आहे. दोन्ही बाजूंनी सातत्याने हल्ले होत आहेत.

यामध्ये इराणचे मात्र मोठे नुकसान झाले आहे. इराणचे सर्वोच्च नेते खामेनेईंपासून ते अली लारीजानी यांच्यापर्यंत अनेक वरिष्ठ लष्करी, सरकारी अधिकारी ठार झाले आहेत. यामुळे इराण अधिक आक्रमक झाला आहे.

Middle East War : नेतान्याहूंची झोप उडाली! इस्रायलचे अभेद्य ‘सुरक्षा कवच’ कोसळणार? इराणच्या मिसाइलपुढे Iron Dome हतबल