Middle East War : आता चर्चा नाही, फक्त…; ट्रम्प यांचा युद्धविरामाला नकार, तर इराणचाही होर्मुझ बंद ठेवण्याचा इशारा 

Middle East War : मध्यपूर्वेत सध्या भीषण परिस्थिती निर्माण झाली आहे. यामुळे आंतरराष्ट्रीय समुदाय इराण आणि अमेरिकेला शांतता चर्चेचा सल्ला देत आहे. परंतु दोन्ही देशांनी युद्धविरामासाठी नकार दिला आहे.

• ट्रम्प यांचा युद्धविराम चर्चेला नकार
• इराणने घेतला आक्रमक पवित्रा
• मध्यपूर्वेतील परिस्थिती आणखी बिघडणार

US Iran War News in Marathi : वॉशिंग्टन/तेहरान : मध्यपूर्वेतील संघर्षाने आता भीषण रुप धारण केले आहे. परिस्थिती नियंत्रणाबाहेर गेली असून अमेरिका आणि इराण मध्ये सातत्याने हल्ले सुरु आहेत. हे युद्ध थांबवण्यासाठी आंतरराष्ट्रीय समुदायाचे प्रयत्न सुरु आहे. परंतु अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी युद्धविरामास नकार दिला आहे. दुसरीकडे इराणनेही माघार घेणार नाही असे म्हटले आहे.

US-Iran War : अमेरिका-इस्रायलच्या डोळ्यांत फेकली धूळ! इराणने हिंद महासागरातून नौसैनिकांना ‘असं’ उडवून नेलं, भारताची गुप्त मदत?

मिळालेल्या माहितीनुसार, ओमान, इजिप्त या देशांनी अमेरिका इराणसमोर युद्धविरामाचा प्रस्ताव मांडला होता. मात्र ट्रम्प यांनी हा प्रस्ताव फेटाळला आहे. त्यांनी स्पष्ट केले आहे की, चर्चेची वेळ निघून गेली असून आता केवळ लष्करी कारवाईचा पर्याय उरलेला आहे. दुसरीकडे इराणने आक्रमक पवित्रा घेतला असून जोपर्यंत त्यांच्यावरील हल्ले थांबत नाही तोपर्यंत कोणतीही चर्चा होणार नाही असे म्हटले आहे.

खर्ग बेटावर हल्ला

अमेरका-इस्रायल (Israel)ने २८ फेब्रुवारी २०२६ रोजी इराणविरोधात ऑपरेशन एपिक फ्यूरी सुरु केले होते. या लष्करी मोहिमेअंतर्गत मोहिमेअंतर्गतच शुक्रवारी (१३ मार्च २०२६) रात्री अमेरिकने इराणचे सर्वात महत्त्वाचे तेल निर्यात केंद्र असलेल्या ‘खार्ग बेटावर’ मोठा हल्ला केला. इराणच्या आर्थिक व्यवस्थेची नस दाबण्याचा याचा उद्देश होता असे तज्ज्ञांचे म्हणणे आहे.

जागतिक परिणाम

अमेरिकेच्या या हल्ल्यानंतर इराणने तीव्र संताप व्यक्त केला. सध्या अनेक इस्रायली गॅस वाहू जहाजे आणि अमेरिकन तेल टँकर्स या खाडीत अडकले आहे. इराणचे नवीन सर्वोच्च नेते मोजतबा खामेनेई यांनी ‘स्ट्रेट ऑफ होर्मुज बंद करण्याचा इशारा दिला आहे. यामुळे जागतिक बाजारात खळबळ उडाली असून कच्चा तेलाच्या किंमतींनी उच्चांक गाठला आहे. यामुळे सर्वसामान्यांनाच्या दैनंदिन जीवनावर महागाईचे संकट ओढावण्याची शक्यता निर्माण झाली आहे.

मोठी जीवितहानी

या युद्धाचा आज १६ वा दिवस असून गेल्या दोन आठवड्यात यामध्ये २,००० हून अधिक निष्पाप लोकांचा बळी गेला आहे. यामध्ये इराण(Iran) नागरिकांचा मोठ्या संख्येने समावेश आहे. इराणमध्ये रहिवासी भागांवर झालेल्या हल्ल्यांमुळे मोठे मानवी संकट उभे राहिले आहे. हजारो लोक जखमी असून त्यांच्यावर उपाचारासाठी रुग्णालयांमध्ये पुरेशी औषधे आणि सुविधा उपलब्ध नाहीत.

इराणच्या अटी

याच वेळी इराणनेयुद्धबंदीसाठी तीन अटी ठेवल्या आहेत. इराणने अमेरिकन हल्ल्यांमुळे झालेल्या नुकसानीची भरपाई आणि भविष्यात हल्ले न करण्याची कायमस्वरूपी लेखी हमी मागितली आहे. परंतु अमेरिकेने यासाठी नकार दिला असून संघर्ष असाच सुरु राहिला तर भीषण संकट येण्याची शक्यता आहे. सध्या या संकटातून बाहेर पडण्यासाठी आंतरराष्ट्रीय स्तरावर अनेक देश कूटनीतिक मार्ग शोधत आहेत.

मोठी बातमी ! युद्धातून आता ‘या’ देशाची माघार; इस्त्रायलसोबत शांतीपूर्ण चर्चेसाठी तयार