US Iran War : ट्रम्प यांची धमकी अन् २४ तासांत ॲक्शन सुरु; इराणच्या सर्वात मोठ्या लष्करी तळाचे झाले तुकडे, VIDEO VIRAL (फोटो सौजन्य: सोशल मीडिया)
मिळालेल्या माहितीनुसार, मंगळवारी (३१ मार्च) पहाटे इराण(Iran) च्या इस्फाहन शहरातील दारुगोळ्याच्या कारखान्याला लक्ष्य करण्यात आले आहे. या हल्ल्यात इराणचे मोठे नुकसान झाल्याचा दावा केला जात आहे. या हल्ल्यासाठी अमेरिकेने २,००० पाऊं वजनाच्या शक्तिशाली बंकर बस्टरचा, पेनेट्रेटर बॉम्बचा वापर केला असल्याचे म्हटले जात आहे.
हे बॉम्ब थेट जमिनीखाली असलेल्या गुप्त ठिकाणांना उद्ध्वस्त करु शकतात. या हल्ल्यानंतर संपूर्ण परिसरात मोठी खळबळ उडाली आहे. पहिल्या हल्ल्यानंतर आफ्टरशॉकही जाणवले आहे. हल्ल्यामुळे रात्रीच्या वेळी आकाशाती आगीचे गोळे उडताना दिसला होते, ज्यामुळे संपूर्ण इस्फाहनमध्ये नारंगी प्रकारश पसरला होता.
हा हल्ला ट्रम्प यांनी होर्मुझ मार्ग खुला करण्यावरुन दिलेल्या इशाऱ्यानंतर अवघ्या २४ तासांत झाला आहे. ट्रम्प यांनी इराणला शेवटचा इशारा दिला होता की, स्ट्रेट ऑफ होर्मुझचा मार्ग उघड केला नाही, त्यांच्या उर्जा केंद्रांना नष्ट केले जाईल. तसेच युद्धाच्या अंतासाठी कोणतीही चर्चा न केल्यास गंभीर परिणाम भोगावे लागतील असे ट्रम्प यांनी म्हटले होते.
याच वेळी अमेरिकेचे परराष्ट्र मंत्री मार्को रुबियो यांनी देखील, राष्ट्राध्यत्र ट्रम्प इराणला होर्मुझवर ताबा मिळवू देणार नाहीत, यासाठी त्यांच्याकडे अनेक पर्याय आहेत असा इशारा दिला होता.
इस्फाहन शहर इराणचे अत्यंत महत्त्वाचे शहर आहे. या शहरात सुमारे २.३ दशलक्ष इराणी नागरिक राहतात. याशिवाय या शहरात इराणचा ‘बद्र मिलिटरी एअरबेस’ आणि अनेक गुप्त लष्करी तळ आहेत. या ठिकाणी इराणने सुमारे ५४० किलो संवर्धित युरेनियमचा साठा एका भूमिगत तळामध्ये ठेवल्याचा संशयही आहे. इस्रायल-अमेरिकेच्या दाव्यानुसार, इराण अण्वस्त्र बनवण्याच्या अगदी जवळ पोहोचला आहे. यामुळे या प्रदेशाला लक्ष्य करण्यात आले आङे.
या हल्ल्यांमुळे पश्चिम आशियात प्रचंड तणाव निर्माण झाला असून इराणही आक्रमक होण्याची शक्यता आहे. यामुळे पुन्हा एकदा जागतिक बाजारपेठेत इंधन टंचाई आणि उर्जा संकट निर्माण होऊ शकते.
Trump posts a video of a massive explosion on his Truth Social. No details given pic.twitter.com/4ROua2ZhF — Sidhant Sibal (@sidhant) March 31, 2026
Ans: अमेरिकेने इराणच्या इस्फाहन या सर्वात महत्त्वाच्या शहरावर आणि लष्करी ठिकाणे असलेल्या भागावर हल्ले केले आहेत.
Ans: अमेरिकेच्या हल्ल्यात इराणचे मोठे नुकसान झाले असल्याचा दावा केला जात आहे. मात्र अद्याप याबाबत इराणकडून कोणतीही अधिकृत माहिती दिलेली नाही.
Ans: इस्फाहन शहर इराणचे अत्यंत महत्त्वाचे शहर आहे. या शहरात सुमारे २.३ दशलक्ष इराणी नागरिक राहतात. याशिवाय या शहरात इराणचा 'बद्र मिलिटरी एअरबेस' आणि अनेक गुप्त लष्करी तळ आहेत. या ठिकाणी इराणने सुमारे ५४० किलो संवर्धित युरेनियमचा साठा एका भूमिगत तळामध्ये ठेवल्याचा संशय असल्याने हे अत्यंत महत्त्वाचे आहे.
