Nepal floods 2026 Indian tourists missing
नेपाळमधील (nepal) रसुवा आणि नुवाकोट जिल्ह्यांमध्ये तिबेटच्या सीमाभागातून वाहणाऱ्या भोटेकोशी आणि त्रिशुली नदीला अचानक आलेल्या भीषण पुरामुळे मोठी आपत्ती ओढवली आहे. या अचानक आलेल्या पुराच्या पाण्यात शेकडो पर्यटक आणि स्थानिक नागरिक अडकले असून नेपाळ पर्यटन मंडळाने दिलेल्या प्राथमिक माहितीनुसार तब्बल १०५ भारतीय पर्यटक सध्या बेपत्ता आहेत. चिंताजनक बाब म्हणजे यामध्ये पवित्र कैलाश मानसरोवर यात्रेसाठी निघालेल्या ३१ भारतीय भाविकांचा समावेश आहे. या घटनेमुळे भारतातील अनेक कुटुंबांची धाकधूक वाढली असून नेपाळ सरकार आणि लष्कराने युद्धपातळीवर शोध व बचाव मोहीम हाती घेतली आहे.
नेपाळ पर्यटन मंडळाच्या अधिकृत नोंदीनुसार, पुराच्या विळख्यात सापडून सुमारे ३८४ हून अधिक प्रवासी आणि पर्यटक बेपत्ता झाले आहेत. यामध्ये २९१ परदेशी पर्यटक असून ९० हून अधिक नेपाळचे स्थानिक रहिवासी आहेत. भारताव्यतिरिक्त ऑस्ट्रेलिया, नेदरलँड्स, अमेरिका, मलेशिया, युनायटेड किंगडम आणि दक्षिण आफ्रिका या देशांचे नागरिकही या दुर्घटनेत अडकल्याची माहिती समोर आली आहे. बेपत्ता असलेल्या भारतीयांपैकी ५९ जण स्मार्ट ट्रॅव्हल्सच्या माध्यमातून तर ४६ जण लीफ हॉलिडेजच्या टूर पॅकेजद्वारे प्रवास करत होते.
पुराचा तडाखा इतका तीव्र होता की रसुवा येथील तिमुरे भागातील सीमाशुल्क कार्यालयाचे १४ कर्मचारी (११ कायमस्वरूपी व ३ कंत्राटी) पुराच्या पाण्यात वाहून गेल्याने बेपत्ता झाले आहेत. सुदैवाने, कार्यालयाचे प्रमुख राजेंद्र ढुंगाना यांच्यासह २५ कर्मचाऱ्यांना सुरक्षित स्थळी बाहेर काढण्यात यश आले आहे. याशिवाय, २०-मेगावॅट क्षमतेच्या लांगटांग खोला जलविद्युत प्रकल्पातील तब्बल ६० कामगार व अधिकारी बेपत्ता झाले असून संपूर्ण प्रकल्पाचे अतोनात नुकसान झाले आहे.
जागतिक घडामोडी संबंधित बातम्या वाचण्यासाठी येथे क्लिक करा : Nepal Flood: नेपाळमध्ये निसर्गाचा कोप! भोटेकोशी नदीला महापूर; 1000 लोक गेले वाहून; 30 पोलीस बेपत्ता; भयानक VIDEO VIRAL
भोटेकोशी नदीच्या या रौद्ररुपाने परिसरातील पायाभूत सुविधा पुरत्या उद्ध्वस्त केल्या आहेत. नुवाकोटमधील त्रिशुली बाजाराजवळील अंदाजे ६० घरे पुराच्या प्रचंड वेगात वाहून गेली असून, दोन मुख्य मोटारयोग्य पूल पूर्णपणे कोसळले आहेत. प्रसिद्ध धार्मिक क्षेत्र देवघाट परिसरही या पुरामुळे गंभीररीत्या बाधित झाला असून, ३०० हून अधिक वाहने पाण्याच्या तीव्र प्रवाहात वाहून गेल्याचा प्राथमिक अंदाज वर्तवण्यात आला आहे. याशिवाय २५-मेगावॅट क्षमतेच्या सौर ऊर्जा प्रकल्पाचे तीन महत्त्वाचे ब्लॉक आणि सबस्टेशन वाहून गेल्याने संपूर्ण परिसरातील वीजपुरवठा आणि संपर्क यंत्रणा खंडित झाली आहे.
VIDEO | Nepal: Devastating flash flood causes major damage to markets and hydropower projects in Rasuwa region. More details are awaited.#NepalNews #NepalFlashFlood (Source: Third Party) (Full video available on PTI Videos – https://t.co/d8jp61yd2p) pic.twitter.com/QQmU1advuw — Press Trust of India (@PTI_News) August 26, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : Indian Navy: आयएनएस सुदर्शनीचा लिस्बन दौरा संपला; पोर्तुगालहून पुढील थांब्याकडे कूच, जाणून घ्या ‘Lokayan 26’ मोहिमेचे महत्त्व
घटनेचे गांभीर्य ओळखून नेपाळ सरकारने रसुवा, नुवाकोट आणि धाडिंग या तीन जिल्ह्यांना आपत्तीग्रस्त भाग म्हणून घोषित केले आहे. नेपाळी लष्कर, सशस्त्र पोलीस बल आणि स्थानिक प्रशासनाने तातडीने ३५ हून अधिक लष्करी जवान आणि १४ हून अधिक हेलिकॉप्टर (४ लष्करी व ८-१० खाजगी) या परिसरात तैनात केले आहेत. प्रतिकूल वातावरण असतानाही हेलिकॉप्टरद्वारे दुर्गम भागात अडकलेल्या १२ जणांची यशस्वी सुटका करण्यात आली आहे, ज्यामध्ये स्याफ्रुबेसीमधून सहा, मैलुंगमधून दोन आणि धुंचेमधून चार जणांना सुरक्षित स्थळी हलवण्यात आले आहे.
आपत्ती व्यवस्थापन यंत्रणेने पुराच्या चिखलात अडकलेल्या इतर नागरिकांचा शोध घेण्यासाठी स्निफर डॉग्स आणि अत्याधुनिक ड्रोन कॅमेऱ्यांची मदत घेतली आहे. भारत सरकार आणि नेपाळमधील भारतीय दूतावास या बचावकार्यावर सतत लक्ष ठेवून असून पर्यटकांच्या नातेवाईकांसाठी नेपाळ सरकारने ११४४ हा आपत्कालीन हेल्पलाइन क्रमांक जारी केला आहे. नद्यांच्या काठी राहणाऱ्या नागरिकांना तातडीने सुरक्षित आणि उंच भागात हलण्याचे आवाहन प्रशासनाकडून करण्यात आले आहे.
.png "Videos"){kind=small}
