रतन टाटा यांच्या निधनावर इस्त्रायलच्या पंतप्रधानांनीही केला शोक व्यक्त; पंतप्रधान मोदींना पाठवला खास संदेश

इस्रायलचे पंतप्रधान बेंजामिन नेतन्याहू यांनी भारतातील प्रसिद्ध उद्योगपती रतन टाटा यांच्या निधनाबद्दल तीव्र शोक व्यक्त केला आहे. पंतप्रधान नरेंद्र मोदींना त्यांनी एक खास संदेश पाठवला आहे. मोदींना पाठवलेल्या संदेशात नेतन्याहू यांनी रतन टाटा यांचे वर्णन भारताच्या महान सुपुत्रांपैकी एक आणि भारत-इस्रायल मैत्रीचे समर्थक म्हणून केले आहे.

जेरूसेलम: इस्रायलचे पंतप्रधान बेंजामिन नेतन्याहू यांनी भारतातील प्रसिद्ध उद्योगपती रतन टाटा यांच्या निधनाबद्दल तीव्र शोक व्यक्त केला आहे. पंतप्रधान नरेंद्र मोदींना त्यांनी एक खास संदेश पाठवला आहे. मोदींना पाठवलेल्या संदेशात नेतन्याहू यांनी रतन टाटा यांचे वर्णन भारताच्या महान सुपुत्रांपैकी एक आणि भारत-इस्रायल मैत्रीचे समर्थक म्हणून केले आहे. त्यांनी पंतप्रधान मोदींना रतन टाटा यांच्या कुटुंबीयांना त्यांच्या संवेदना व्यक्त करण्याचे आवाहन केले आहे.

टाटा समूहाचे माजी अध्यक्ष रतन टाटा यांचे वयाच्या 86 व्या वर्षी मुंबईतील रुग्णालयात उपचारादरम्यान निधन झाले. यामुळे भारतातील उद्योग विश्वात शोककळा पसरली होती. टाटा समूहाचे माजी अध्यक्ष असलेल्या रतन टाटा यांनी भारताला जागतिक स्तरावर प्रतिष्ठा मिळवून दिली होती. त्यांनी केवळ भारतीय उद्योग क्षेत्राला बळकट केले नाही, तर आंतरराष्ट्रीय संबंधांमध्येही आपला ठसा उमटवला. इस्रायलचे पंतप्रधान नेतन्याहू यांनी त्यांच्या श्रद्धांजलीत टाटा यांचे भारत-इस्रायल संबंध वाढवण्यात मोलाचे योगदान असल्याचे नमूद केले.

See more

To my friend, Prime Minister @narendramodi.
I and many in Israel mourn the loss of Ratan Naval Tata, a proud son of India and a champion of the friendship between our two countries. 🇮🇱🇮🇳

Please convey my condolences to Ratan’s family.

In sympathy,
Benjamin Netanyahu

— Benjamin Netanyahu – בנימין נתניהו (@netanyahu) October 12, 2024

हे देखील वाचा- उद्योगपती रतन टाटा यांच्या निधनावर परदेशी मीडियाच्याही प्रतिक्रिया; जाणून घ्या कोण काय म्हणाले ते

इतर देशांनीही शोक व्यक्त केला

रतन टाटा यांच्या निधनानंतर जगभरातून शोकसंवेदना व्यक्त केल्या जात आहेत. सिंगापूरचे पंतप्रधान लॉरेन्स वँग यांनी गुरुवारी रतन टाटा यांना श्रद्धांजली वाहताना, टाटा यांना सिंगापूरचा खरा मित्र म्हटले. फ्रान्सचे अध्यक्ष इमॅन्युएल मॅक्रॉन यांनीही रतन टाटा यांच्या नाविन्यपूर्ण विचारसरणीचे आणि उत्पादन क्षेत्रातील योगदानाचे कौतुक केले. त्यांनी भारत-फ्रान्स संबंधांना बळकटी देण्यासाठी रतन टाटा यांच्या भूमिकेला विशेष महत्त्व दिले.

अमेरिका, ब्रिटन आणि फ्रान्ससह सिंगापूरच्या अनेक नेत्यांनी रतन टाटा यांच्या निधनाबद्दल शोक व्यक्त केला आहे. मॅक्रॉन यांनी टाटा यांच्या नवोन्मेषी दृष्टिकोनाचे आणि जागतिक उद्योग जगतातील त्यांच्या अमूल्य योगदानाचे कौतुक केले आहे. रतन टाटा यांनी त्यांच्या दूरदर्शी नेतृत्वाने भारताचे नाव जागतिक उद्योग क्षेत्रात उज्ज्वल केले होते. त्यांच्या जाण्याने भारत आणि जगभरातील उद्योग आणि समाजकारणात एक मोठी पोकळी निर्माण झाली आहे.

हे देखील वाचा- इस्रायलचा दक्षिण लेबनॉनमधे कब्जा करण्याचा प्रयत्न; IDF ने गाझावरही केला हल्ला