UAE visa new rules: सावधान! युएई व्हिसा नियमात मोठा बदल; प्रवास करण्यापूर्वी ‘हे’ नक्की वाचा

UAE visa new rules: यूएई व्हिसा प्रक्रियेत नवीन नियम लागू करण्यात आले आहेत. प्रत्येक व्हिसा अर्जदाराला आता त्यांच्या पासपोर्टचे बाह्य कव्हर पेज सादर करावे लागेल.

• यूएईने व्हिसा प्रक्रियेत मोठा बदल केला असून, आता पासपोर्टचे बाह्य कव्हर पेज सादर करणे बंधनकारक केले आहे.

• हा नियम सर्व प्रकारच्या व्हिसा आणि सर्व राष्ट्रीयत्वांवर लागू असून, कव्हर पेज न दिल्यास अर्ज नाकारला जाईल.

• नवीन नियमामुळे अर्जदाराचे राष्ट्रीयत्व पडताळणे सोपे होणार असून, व्हिसा प्रक्रिया अधिक पारदर्शक व सुरक्षित होईल.

UAE visa new rules : संयुक्त अरब अमिराती (UAE) हा देश भारतीयांसह जगभरातील प्रवाशांचा, पर्यटकांचा आणि रोजगार शोधणाऱ्यांचा नेहमीच आवडता ठिकाण राहिला आहे. पण आता व्हिसा (Visa) प्रक्रियेत एक महत्त्वाचा बदल करण्यात आला आहे. यूएईने ताज्या नियमांनुसार प्रत्येक व्हिसा अर्जदाराला पासपोर्टचे बाह्य कव्हर पेज (ज्यावर देशाचे नाव आणि चिन्ह असते) सादर करणे अनिवार्य केले आहे.

 काय आहे हा नवा नियम?

पूर्वी व्हिसा अर्ज करताना पासपोर्ट बायोडाटा पेज, फोटो, तिकिटे किंवा इतर कागदपत्रे सादर करावी लागत होती. परंतु पासपोर्टचे बाह्य कव्हर पेज अनिवार्य नव्हते. आता मात्र हा नियम कडक करण्यात आला आहे.

• अर्ज करताना हे कव्हर पेज अपलोड करणे आवश्यक असेल.

• कव्हर पेज नसल्यास अर्ज प्रक्रियेत पुढे जाता येणार नाही.

• अर्ज नाकारले जाण्याची शक्यता असेल.

जागतिक घडामोडी संबंधित बातम्या वाचण्यासाठी येथे क्लिक करा : AI वर बोलताना पाकिस्तानी संरक्षण मंत्री ख्वाजा आसिफ यांची जीभ घसरली; ‘ही’ लाजिरवाणी बाब सोशल मीडियावर VIRAL

 कोणाला लागू होणार नियम?

हा नियम फक्त पर्यटक व्हिसासाठीच नाही तर –

• पर्यटक व्हिसा

• प्रवास व्हिसा

• मल्टी-एंट्री परवाने

• पासपोर्ट दुरुस्ती अर्ज

अशा सर्व प्रकारच्या अर्जांवर लागू होणार आहे. म्हणजेच, यूएईला भेट देऊ इच्छिणाऱ्या प्रत्येकाने हा बदल गांभीर्याने घेणे आवश्यक आहे.

 आवश्यक कागदपत्रांची यादी

नव्या नियमानुसार अर्जदारांनी खालील कागदपत्रे तयार ठेवावीत:

1. पासपोर्टचे बाह्य कव्हर पेज – देशाचे नाव व चिन्ह असलेले पान.

2. पासपोर्ट बायोडाटा पेज – वैयक्तिक माहिती व फोटो असलेले मुख्य पान.

3. नुकताच काढलेला पासपोर्ट आकाराचा फोटो – उच्च-गुणवत्तेचा, स्पष्ट फोटो.

4. राउंड-ट्रिप तिकिटे – जाण्याचे व परतीचे तिकीट दोन्ही.

5. हॉटेल बुकिंग माहिती – मुक्कामासाठी वैध बुकिंग.

6. प्रवास विमा – आवश्यक असल्यास.

जागतिक घडामोडी संबंधित बातम्या वाचण्यासाठी येथे क्लिक करा : India Russia US: युक्रेनबाबत काय योजना आहे? संशयाच्या सावटाखाली Modi-Putin यांच्यात फोन कॉल

 यूएईने हा नियम का आणला?

यूएईच्या इमिग्रेशन अधिकाऱ्यांनी अद्याप अधिकृत निवेदन जाहीर केलेले नाही. परंतु काही प्रवास एजंट्सच्या मते, यामागचे मुख्य कारण अर्जदाराचे राष्ट्रीयत्व स्पष्टपणे पडताळणे हे आहे. अनेकदा अर्जदार चुकून किंवा मुद्दाम आपले राष्ट्रीयत्व चुकीचे लिहितात. तसेच पासपोर्टवरील माहिती खूप लहान अक्षरांत असते. अशावेळी तपासणी करणाऱ्या अधिकाऱ्यांना अडचण होते. परंतु पासपोर्टचे कव्हर पेज पाहिल्यास लगेचच देशाची ओळख पटते.

यामुळे:

• पडताळणी सोपी होईल

• फसवणूक थांबेल

• व्हिसा प्रक्रिया अधिक पारदर्शक व जलद बनेल

 प्रवाशांसाठी काय अर्थ?

भारतीयांसह लाखो प्रवासी दरवर्षी यूएईला जातात. विशेषतः दुबई, अबुधाबी यांसारख्या शहरांमध्ये रोजगार, व्यवसाय व पर्यटनासाठी मोठ्या प्रमाणावर लोक जातात. नवीन नियमामुळे:

• अर्जदारांनी पासपोर्टचे कव्हर पेज स्कॅन करून ठेवणे आवश्यक आहे.

• अर्ज प्रक्रियेत अडथळे टाळण्यासाठी सर्व कागदपत्रे पूर्णपणे सादर करणे आवश्यक आहे.

• चुकीची माहिती टाकण्याची शक्यता कमी होईल.

 प्रवाशांनी काय काळजी घ्यावी?

• पासपोर्टचे सर्व पान व्यवस्थित स्कॅन करून घ्यावेत.

• एजंटमार्फत अर्ज करत असल्यास, त्यांना स्पष्टपणे सर्व पानांची कॉपी द्यावी.

• अर्ज करण्यापूर्वी आवश्यक कागदपत्रांची यादी तपासून घ्यावी.

• जर पासपोर्टचे कव्हर पेज खराब झालेले असेल किंवा वाचता न येण्याजोगे असेल, तर नवा पासपोर्ट काढून घ्यावा.

 भारतातील अर्जदारांसाठी महत्त्वाचे

भारतातून यूएईला प्रवास करणाऱ्यांची संख्या सर्वाधिक आहे. त्यामुळे भारतीय अर्जदारांनी हा बदल तातडीने लक्षात घ्यावा. अन्यथा, अपूर्ण कागदपत्रांमुळे व्हिसा अर्ज फेटाळला जाऊ शकतो आणि प्रवासाची संधी गमावली जाऊ शकते. यूएई हा देश नेहमीच आपली नियमावली सुधारत असतो, जेणेकरून प्रक्रिया अधिक सुरक्षित व सोयीस्कर बनेल. नवीन नियमामुळे थोडा त्रास वाढू शकतो, पण यामुळे पारदर्शकता व अचूकता येईल. त्यामुळे प्रवाशांनी काळजीपूर्वक सर्व कागदपत्रे तयार ठेवूनच अर्ज करावा