Maharashtra breaking News Marathi
13 Feb 2026 12:35 PM (IST)
कांदा पिकामध्ये अफूची शेती करणाऱ्या शिवसेना उद्धव बाळासाहेब ठाकरे सेने पदाधिकाऱ्यांची पक्षातून हकालपट्टी करण्यात आली आहे. ठाकरे सेनेचे वाशी उपतालुकाप्रमुख समाधान उघडे यांच्या शेतात 485 किलो अफूची झाडे स्थानिक गुन्हे शाखेच्या पथकाने जप्त केली. बेकायदेशीर कृत्यामुळे पक्षाची प्रतिमा मलिन होऊन संघटनेच्या शिस्तीला धक्का बसल्याचा ठपका ठेवत पक्षातून केली. हकालपट्टी, उपजिल्हाप्रमुख प्रदीप मेटे यांनी अधिकृत पञक काढून हकालपट्टी केली. पक्षप्रमुख उध्दव ठाकरे यांच्या आदेशानुसार समाधान उघडे यांची पक्षातून हकालपट्टी केल्याची खासदार ओमराजे निंबाळकर यांनी माहिती दिली.
13 Feb 2026 12:29 PM (IST)
विधानपरिषदेतील राज्यपाल कोट्यातील पाच रिक्त जागांसंदर्भात लवकरच भरल्या जाणार असल्याची सूत्रांची माहिती आहे. स्थानिक स्वराज्य संस्थांच्या निवडणुकांमध्ये उल्लेखनीय कामगिरी करणाऱ्या व्यक्तींना यात प्राधान्य दिले जाण्याची शक्यता आहे. त्यामुळे या 5 जागांवर नेमकी कोणाची वर्णी लागते हे पाहणे महत्वाचे ठरणार आहे.
13 Feb 2026 12:24 PM (IST)
'चंद्रपूरमध्ये ज्यांनी शेण खाल्लं त्यांच्यावर कारवाई होईल. चंद्रपूरमध्ये जे आमच्या पक्षाने स्थानिक पातळीवर निर्णय घेतला ती आमची भूमिका नाही. त्यांचं आम्ही समर्थन करत नाही. स्थानिक नेत्यांनी त्यांच्या स्वार्थासाठी काही निर्णय घेतले असतील, तर त्यांच्यावर कारवाई होईल,' असंही शिवसेना उद्धव ठाकरे सेना पक्षाचे खासदार संजय राऊतांनी सांगितले.
13 Feb 2026 12:17 PM (IST)
कोकण आणि पश्चिम महाराष्ट्र वगळता, एकनाथ शिंदे शिवसेनेला स्थानिक स्वराज्य संस्थांमध्ये चांगली कामगिरी केलेली नाही. त्यामुळे शिवसेनेचे मुख्य नेते एकनाथ शिंदे यांनी संघटनेत भाकरी फिरवण्याची तयारी सुरू केली आहे. यात काहींचे मंत्रिपद देखील जाण्याची शक्यता आहे. तर जिल्हा संपर्कप्रमुखांना देखील डिच्चू मिळण्याची शक्यता आहे.
13 Feb 2026 12:08 PM (IST)
देशाची राजधानी दिल्लीतील शाळांना बॉम्बने उडवून देण्याच्या धमक्यांचे सत्र सुरूच आहे. शुक्रवारी सकाळी दिल्लीतील अनेक नामांकित शाळांना धमकीचे ईमेल मिळाल्याने एकच खळबळ उडाली. या घटनेनंतर पोलिसांनी तातडीने पावले उचलत शाळांमधील विद्यार्थी आणि शिक्षकांना सुरक्षितपणे बाहेर काढले आहे. दिल्ली पोलीस, अग्निशमन दल आणि बॉम्ब शोधक पथक (BDS) विविध शाळांच्या परिसरात दाखल झाले असून कसून तपासणी केली जात आहे.
13 Feb 2026 12:00 PM (IST)
जावळी तालुक्यातील म्हसवे जिल्हा परिषद गटाची निवडणूक यंदा प्रतिष्ठेची ठरली. जिल्हा परिषदेचे माजी उपाध्यक्ष वसंतराव मानकुंबरे यांच्या नेतृत्वाखाली भाजपने ही लढत लढवली, तर शिवसेनेचे संदीप पवार यांनी काट्याची टक्कर दिली, अखेर निकालात मानकुंबरे यांना ९८९८ मते मिळाली आणि संदीप पवार यांचा अवघ्या २२०० मतांनी पराभव झाला. कागदोपत्री हा विजय असला तरी मतपेटी उघडताच अनेक नेत्यांच्या गावातील आकडे पाहून भाजप पदाधिकाऱ्यांच्या कपाळावर आठ्या उमटल्या.
ज्या गावांतून ‘सगळं पैक आहे अशी हमी दिली जात होती, त्याच गावांनी वेगळाच कौल दिला. निवडणुकीच्या प्रचारात अनेक गावपुढारी, माजी पदाधिकारी, साखर कारखान्याचे संचालक, पंचायत समिती सभापती, सरपंच परिषद नेते व्यासपीठावर खुर्चा लावून बसत होते. ‘बाबा, दादा, भाऊ, अण्णा काळजी करू नका, गाव शंभर टक्के तुमचंच!’ अशा विश्वासाच्या घोषणा होत होत्या, पण निकालाने दाखवून दिले की मतदारांनी कोणालाही गृहीत धरले नाही.
13 Feb 2026 11:50 AM (IST)
टी-२० विश्वचषकात झिम्बाब्वे आणि ऑस्ट्रेलिया आमनेसामने येतील. हा सामना कोलंबोच्या प्रेमदासा स्टेडियमवर खेळला जाईल. हा सामना जिंकणे दोन्ही संघांसाठी महत्त्वाचे असेल. ऑस्ट्रेलियाने अद्याप विश्वचषकात पूर्णपणे भाग घेतलेला नाही. ऑस्ट्रेलियाचा कर्णधार मिशेल मार्श या सामन्यात खेळण्याची शक्यता कमी आहे. हा सामना जिंकल्याने झिम्बाब्वेला इतिहासाची पुनरावृत्ती करण्याची उत्तम संधी मिळेल. शिवाय, विजय त्यांना गुणतालिकेत पहिल्या क्रमांकावर आणू शकतो. जर झिम्बाब्वे ऑस्ट्रेलियाला हरवण्यात यशस्वी झाला तर तो टी-२० विश्वचषकात एक मोठा अपसेट मानला जाईल.
13 Feb 2026 11:40 AM (IST)
सांख्यिकी आणि कार्यक्रम अंमलबजावणी मंत्रालयाने नवीन ग्राहक किंमत निर्देशांक (सीपीआय) मालिकेअंतर्गत जानेवारी २०२६ साठी किरकोळ महागाई दर २.७५% वर जाहीर केला आहे. २०१२ ऐवजी २०२४ या आधार वर्षाचा वापर करून महागाईचे मूल्यांकन करण्याची ही पहिलीच वेळ आहे. ग्रामीण भागात महागाई २.७३% होती, तर शहरी भागात ती २.७७% वर थोडी जास्त होती, ज्यामुळे महागाई नियंत्रणात असल्याचे दिसून येते. अन्न आणि गृहनिर्माण महागाईवर जानेवारीच्या आकडेवारीनुसार, ग्राहक अन्न किंमत निर्देशांकाखाली अन्न महागाई राष्ट्रीय स्तरावर २.१३% होती. अन्न महागाई ग्रामीण भागात १.९६% आणि शहरी भागात २.४४% नोंदवली गेली. तसेच, गृहनिर्माण महागाई २.०५% होती, ग्रामीण भागात २.३९% आणि शहरी भागात १.९२% वाढ झाली. सध्या गृहनिर्माण आणि अन्नधान्याच्या किमतींवर कोणताही महत्त्वपूर्ण दबाव नाही.
13 Feb 2026 11:30 AM (IST)
Honor ने UAE मध्ये कोणताही गाजावाजा न करता एक नवीन स्मार्टफोन लाँच केला आहे. हा स्मार्टफोन Honor X6d या नावाने लाँच केला आहे. कंपनीने या नवीन स्मार्टफोनच्या लाँचिंगसह बजेट 5G लाइनअपचा विस्तार केला आहे. गेल्यावर्षी कंपनीने चीनमध्ये लाँच केलेल्या Honor Play 60A सारखेच नवीन मॉडेल दुसऱ्या मार्केटमध्ये एंट्री-लेवल स्पेसिफिकेशन्ससह लाँच केले होते. आता कंपनीने पुन्हा एकदा बजेट सेगमेंटमध्ये एक नवीन स्मार्टफोन मॉडेल लाँच केले आहेत. कंपनीने लाँच केलेल्या नवीन Honor X6d मध्ये 6.75-इंच HD+ डिस्प्ले, मीडियाटेक डेमेन्सिटी 6300 प्रोसेसर, 4GB रॅम आणि 50-मेगापिक्सेलचा रियर कॅमेरा आहे. या डिव्हाईसमध्ये 5,260mAh बॅटरी देखील देण्यात आली आहे. या नव्या स्मार्टफोनची किंमत आणि याचे फीचर्स सविस्तर जाणून घेऊया.
13 Feb 2026 11:20 AM (IST)
राजपाल यादव सध्या दीर्घकाळ चालणाऱ्या चेक बाउन्स प्रकरणात तिहार तुरुंगात आहेत. गुरुवारी दिल्ली उच्च न्यायालयात त्यांच्या जामिन अर्जावर सुनावणी झाली. परंतु, त्यांना न्यायालयाकडून दिलासा मिळालेला नाही आणि पुढील सुनावणी येत्या १६ फेब्रुवारी रोजी होणार आहे. न्यायालयाने तक्रारदार मुरली प्रोजेक्ट कंपनीला नोटीस देखील बजावली आहे. राजपाल यादव यांचे वकील भास्कर उपाध्याय यांनी सांगितले की, जामिनाची सुनावणी पुढे ढकलण्याचे कारण म्हणजे त्यांना दुसऱ्या पक्षाला उत्तर देणे आवश्यक आहे. त्यांनी असेही सांगितले की, अभिनेत्याचे अर्धे कर्ज फेडले गेले आहे.
13 Feb 2026 11:10 AM (IST)
जिल्हा परिषदेत सत्ता स्थापन करताना शिवसेनेची भूमिका ठरवणारा भाजप कोण, असा थेट सवाल राज्याचे पर्यटनमंत्री तथा शिवसेनेचे नेते शंभूराजे देसाई यांनी केला. महापालिका निवडणुकीवेळी भाजपने फसवणूक केल्याचा आरोप करत त्यांनी भाजपवर टीकास्त्र सोडले. सांगली येथे आयोजित पत्रकार परिषदेत ते बोलत होते.
13 Feb 2026 11:00 AM (IST)
आरबीआय अर्थात भारतीय रिझव्हें बँकने (Reserve Bank Of India) ग्राहकांच्या हिताचे रक्षण करण्यासाठी आणि बँकांकडून चुकीच्या विक्रीवर कारवाई करण्यासाठी नवीन मसुदा नियम जारी केले आहेत. हा मसुदा, आरबीआय कमर्शियल बँक्स जबाबदार व्यवसाय आचारसंहिता सुधारणा निर्देश २०२६, १ जुलै २०२६ पासून लागू होईल. या मसुद्यानुसार, जर एखाद्या बँकेने उत्पादन किंवा सेवा चुकीच्या पद्धतीने विकल्याचे आढळले तर बँकेला ग्राहकांना पूर्ण रक्कम परत करावी लागेल आणि झालेल्या कोणत्याही नुकसानाची भरपाई करावी लागेल. मार्केटिंगसाठी आरबीआयची नवी आचारसंहिता लागू केली आहे यात ग्राहकांची स्पष्ट संमती अनिवार्य असेल.
13 Feb 2026 10:47 AM (IST)
शहर प्रतिनिधी जिल्ह्यात सुरू असलेले प्रकल्प दर्जेदार पद्धतीने आणि ठरलेल्या कालमर्यादेत पूर्ण करण्याची जबाबदारी सर्व यंत्रणांनी स्वीकारावी, असे निर्देश उपमुख्यमंत्री तथा पालकमंत्री सुनेत्रा पवार यांनी दिले. २०२५-२६ या वर्षासाठी मंजूर झालेल्या निधीचा पूर्ण व वेळेत उपयोग होईल याची दक्षता घेण्याचेही त्यांनी स्पष्ट केले. विधानभवन येथे आयोजित जिल्हा नियोजन समितीच्या बैठकीत त्यांनी दूरदृश्यप्रणालीद्वारे मार्गदर्शन केले. २०२५-२६ या वर्षातील जानेवारी २०२६ अखेरच्या खर्चाचा आढावा घेऊन २०२६-२७ च्या प्रारूप आराखड्यास मान्यता देण्यासाठी ही बैठक झाली. क्रीडा व युवक कल्याण मंत्री दत्तात्रय भरणे, नगरविकास राज्यमंत्री माधुरी मिसाळ, डॉ. नीलम गो-हे, तसेच विविध खासदार, आमदार आणि वरिष्ठ प्रशासकीय अधिकारी उपस्थित होते.
13 Feb 2026 10:39 AM (IST)
टेक कंपनी Realme त्यांच्या भारतीय ग्राहकांसाठी एक खास सरप्राईज घेऊन आली आहे. कंपनीने Realme Narzo 90x 5G स्मार्टफोनचा एक नवीन कलर व्हेरिअंट भारतात लाँच केला आहे. कंपनीने हा 5G स्मार्टफोन गेल्यावर्षी डिसेंबर महिन्यात भारतात 2 रंगांच्या पर्यायांमध्ये लाँच केला होता. ज्यामध्ये फ्लॅश ब्लू आणि नाइट्रो ब्लू यांचा समावेश होता. त्यानंतर आता हा स्मार्टफोन एका नव्या रंगाच्या पर्यायात लाँच करण्यात आला आहे. व्हॅलेंटाईन डे पासून ग्राहक या स्मार्टफोनचा नवा कलर ऑप्शन खरेदी करू शकणार आहेत.
13 Feb 2026 10:30 AM (IST)
पत्नीला कॉन्स्टेबलने शिवीगाळ करून ठार मारण्याची धमकी दिली. याची तक्रार दाखल करण्यासाठी आलेल्या पत्नीला समजवण्याचा प्रयत्न करणाऱ्या उपनिरीक्षकाला आणि इतर कर्मचाऱ्यांना कॉन्स्टेबलने मारहाण केली. इतकेच नाहीतर या कॉन्स्टेबलने कपडे काढून थेट लढण्याचेच आव्हान दिले. याप्रकरणी पोलिसांत गुन्हा दाखल झाला आहे.
13 Feb 2026 10:21 AM (IST)
नामिबियाविरुद्धच्या सामन्यानंतर पत्रकारांशी संवाद झाला. दरम्यान, जागतिक क्रमवारीत पहिल्या क्रमांकाचा टी-२० गोलंदाज वरुण चक्रवर्तीने अभिषेक शर्माबद्दल बोलले आणि पाकिस्तानविरुद्धच्या पुढच्या सामन्यासाठी तो परत येऊ शकतो असे सुचवले. तो म्हणाला, “मला वाटते की तो पुढचा सामना खेळेल. मला तपशील माहित नाहीत. तथापि, मी त्याच्याशी जे बोललो त्यावरून तो चांगला दिसतोय आणि त्याने आज थोडा सरावही केला. तो म्हणाला की तो परतण्याच्या जवळ आहे.”
13 Feb 2026 10:12 AM (IST)
राम चरण आणि उपासना कोनिडेला यांनी ३१ जानेवारी रोजी जुळ्या मुलांचे, एक मुलगा आणि एक मुलगी यांचे स्वागत केले. आता, त्यांनी यांच्या मुलांचे नाव देखील जाहीर केले आहे, आणि त्यांची सुनंदा झलक चाहत्यांना दाखवली आहे. या जोडप्याने अलीकडेच त्यांच्या हैदराबाद येथील घरी एक नामकरण समारंभ आयोजित केला आणि त्यांच्या मुलाचे नाव ‘शिवराम’ आणि मुलीचे नाव ‘अन्वीरा’. ‘अन्वीरा’ या नावाचा अर्थ देवी असल्याचे म्हटले जात आहे.
13 Feb 2026 09:50 AM (IST)
मुंबई: भारतीय संस्कृतीत सोने आणि चांदी या धातूंना केवळ दागिन्यांच्या स्वरूपातच नव्हे, तर गुंतवणुकीचा एक सुरक्षित पर्याय आणि मांगल्याचे प्रतीक म्हणून पाहिले जाते. मात्र, गेल्या वर्षभरापासून सोन्याच्या दरात सुरू असलेली सातत्यपूर्ण वाढ आता सर्वसामान्यांच्या खिशाला परवडणारी उरलेली नाही. सोन्याचे भाव खाली येण्याचे नाव घेत नसल्याने, सण-उत्सवाच्या काळातही खरेदी करताना ग्राहकांना दहावेळा विचार करावा लागत आहे.
किंमतींचा वाढता आलेख जागतिक बाजारपेठेतील घडामोडी आणि वाढती मागणी यामुळे सोन्याच्या किंमतींनी उच्चांक गाठला आहे. आजचे सोन्याचे भाव पाहून सर्वसामान्य नागरिक चकित होत असून, सततच्या दरवाढीमुळे मध्यमवर्गीय कुटुंबांचे बजेट पूर्णपणे कोलमडले आहे. गेल्या वर्षीच्या तुलनेत सोन्याच्या दरात मोठी झेप पाहायला मिळत असल्याने 'मौल्यवान' सोने आता सर्वसामान्यांसाठी दुरापास्त झाले आहे.
13 Feb 2026 09:45 AM (IST)
छत्रपती संभाजीनगर: महानगरपालिका निवडणुकीत निर्भेळ यश मिळवून भाजपचा महापौर विराजमान झाल्यानंतर, आता स्वीकृत सदस्य (Co-opted Members) पदासाठी पक्षात मोठी चुरस निर्माण झाली आहे. स्वीकृत सदस्यांच्या ५ जागांसाठी तब्बल १५० हून अधिक इच्छुकांनी अर्ज दाखल केल्याने भाजप नेत्यांसमोर निवडीचे मोठे आव्हान उभे ठाकले आहे. मात्र, यावेळी मंत्र्यांच्या किंवा खासदारांच्या आप्तेष्टांना डावलून केवळ निष्ठावान कार्यकर्त्यांनाच संधी दिली जाणार असल्याची जोरदार चर्चा राजकीय वर्तुळात आहे.
निष्ठावंतांची कदर, घराणेशाहीला लगाम भाजपने यावेळेस 'एक व्यक्ती, एक पद' आणि घराणेशाहीला आळा घालण्याचे धोरण स्वीकारल्याचे समजते. त्यामुळे अनेक दिग्गज नेत्यांच्या नातेवाईकांनी या पदासाठी मोर्चेबांधणी सुरू केली असली तरी, पक्षश्रेष्ठींनी त्यांना स्पष्ट शब्दांत नकार दिला आहे. ज्या कार्यकर्त्यांनी गेल्या अनेक वर्षांपासून पक्षासाठी जमिनीवर काम केले आहे, अशा निष्ठावंतांनाच महापालिकेत संधी देऊन त्यांना सन्मानित करण्याचा विचार सुरू आहे.
13 Feb 2026 09:40 AM (IST)
महाराष्ट्र: फेब्रुवारी महिना सुरू होऊन अवघे काही दिवस झाले असतानाच राज्याच्या तापमानात मोठी वाढ झाली आहे. उन्हाच्या तीव्र झळांमुळे नागरिक आत्तापासूनच हैराण झाले असून, येत्या काही तासांत राज्याच्या वातावरणात वेगाने बदल होण्याची चिन्हे दिसत आहेत. उत्तर भारतात सतत निर्माण होणाऱ्या 'वेस्टर्न डिस्टर्बन्स'मुळे (पश्चिमी विक्षोभ) देशाच्या हवामानावर परिणाम होत असून, त्याचे पडसाद महाराष्ट्रातही उमटण्याची शक्यता आहे.
वातावरणातील बदल आणि पावसाचा अंदाज सध्या सकाळी काहीसा गारवा जाणवत असला तरी सूर्य माथ्यावर आल्यावर तापमानाचा पारा चांगलाच चढत आहे. मात्र, फेब्रुवारीचे पहिले १२-१३ दिवस पूर्णपणे कोरडे गेल्यानंतर आता हवामान तज्ज्ञांनी पावसाचा अंदाज वर्तवला आहे. येत्या १७ आणि १८ फेब्रुवारीला महाराष्ट्रातील काही जिल्ह्यांमध्ये पावसाचे आगमन होऊ शकते.
13 Feb 2026 09:30 AM (IST)
बेंगळुरू: आगामी आयपीएल २०२६ (IPL 2026) च्या हंगामापूर्वी गतविजेत्या रॉयल चॅलेंजर्स बेंगळुरू (RCB) संघासाठी आणि त्यांच्या लाखो चाहत्यांसाठी एक मोठी आनंदाची बातमी समोर आली आहे. बेंगळुरूचे ऐतिहासिक एम. चिन्नास्वामी स्टेडियम आयपीएल सामन्यांच्या आयोजनासाठी पुन्हा उपलब्ध होणार असून, कर्नाटक राज्य सरकारने काही कडक अटींच्या अधीन राहून आरसीबीला त्यांच्या घरच्या मैदानावर सामने खेळवण्यास हिरवा कंदील दाखवला आहे.
13 Feb 2026 09:25 AM (IST)
वर्धा : गेल्या काही दिवसांपासून गुन्हेगारीच्या घटनांमध्ये वाढ होताना दिसत आहे. किरकोळ कारणावरून खून, खुनाचा प्रयत्न यांसारख्या घटना घडत आहेत. असे असताना आता वर्ध्याच्या आर्वी येथील रहिवासी असलेल्या शेख शाहरुख शेख रऊफ याची हत्या करण्यात आली. पूर्ववैमनस्यातून ही हत्या झाल्याचे समोर आले आहे. आर्वी येथील शेख शाहरूख याची हत्या झाली. जुन्या वादाचा वचपा काढण्यासाठी नियोजनबद्ध कट रचून हत्या करण्यात आली. आरोपी इतक्यावरच थांबले नाही तर त्यांनी कुणालाही या घटनेची माहिती मिळू नये, या हेतूने अमरावती जिल्ह्यात मृतदेह नेत जाळून पुरावेही नष्ट केले.
13 Feb 2026 09:20 AM (IST)
नागपूर: केंद्र सरकारच्या 'पीएम ई-बस' (PM e-Bus) योजनेंतर्गत नागपूर महानगरपालिकेला प्राप्त झालेल्या ५० अत्याधुनिक ई-बसेसचा प्रतीक्षेचा काळ अखेर संपला आहे. उद्या, शनिवारी या बसेसचे लोकार्पण पंतप्रधान नरेंद्र मोदी यांच्या हस्ते दूरदृश्य प्रणालीद्वारे (Video Conferencing) होणार आहे. मागील दीड महिन्यांपासून या बसेस लोकार्पणाच्या प्रतीक्षेत आगारात उभ्या होत्या.
प्रमुख उपस्थिती आणि कार्यक्रम कोराडी आगार येथे दुपारी १२:३० वाजता या लोकार्पण सोहळ्याचे आयोजन करण्यात आले आहे. या कार्यक्रमाला केंद्रीय मंत्री नितीन गडकरी, मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यासह अनेक मान्यवर दूरदृश्य प्रणालीच्या माध्यमातून उपस्थित राहणार आहेत.
13 Feb 2026 09:15 AM (IST)
मुंबई विद्यापीठाने आपल्या संलग्न महाविद्यालयांमधील जुन्या आणि कालबाह्य झालेल्या अभ्यासक्रमांबाबत एक ऐतिहासिक निर्णय घेतला आहे. गेल्या अनेक वर्षांपासून विद्यार्थी नसलेले आणि दहा वर्षांपूर्वीच बंद झालेले एकूण ३०४ अभ्यासक्रम आता परीक्षेच्या कचाट्यातून मुक्त करण्यात आले आहेत. विद्यापीठाच्या परीक्षा व मूल्यमापन मंडळाने १० फेब्रुवारी २०२६ रोजी यासंदर्भात अधिकृत परिपत्रक जारी केले आहे.
दोन श्रेणींमध्ये परीक्षांची विभागणी: विद्यापीठाने या ३०४ परीक्षांची विभागणी दोन मुख्य गटांत केली आहे:
१. शून्य नोंदणी असलेल्या १२५ परीक्षा: मागील २ ते ३ शैक्षणिक वर्षांत या अभ्यासक्रमांसाठी एकाही विद्यार्थ्याने नोंदणी केलेली नाही. यामध्ये विज्ञान व तंत्रज्ञान विद्याशाखेच्या सर्वाधिक ४५, तर आंतरविद्याशाखीय ४२ परीक्षांचा समावेश आहे. वाणिज्य शाखेच्या २३ आणि मानवविज्ञान शाखेच्या १५ परीक्षाही आता बंद होतील.
13 Feb 2026 09:10 AM (IST)
प्योंगयांग : उत्तर कोरियाचे नेते किम जोंग उन यांनी त्यांची मुलगी किम जू ए हिला त्यांचा उत्तराधिकारी म्हणून निवडले आहे. दक्षिण कोरियाच्या राष्ट्रीय गुप्तचर सेवा (एनआयएस) ने संसद सदस्यांना बंद दाराआड दिलेल्या ब्रीफिंगमध्ये ही घोषणा केली. किम जू ए आता उत्तराधिकारी नियुक्तीच्या टप्प्यावर पोहोचली आहे. पूर्वी, एनआयएसने तिला उत्तराधिकारी प्रशिक्षणात असल्याचे वर्णन केले होते, परंतु आता मूल्यांकन बदलले आहे. आता उत्तर कोरियातील किम कुटुंबाच्या चौथ्या पिढीकडे सत्ता हस्तांतरित करण्याची प्रक्रिया सुरू झाली आहे. किम जू ए १३ वर्षांची आहे. किम जू ए बद्दल सार्वजनिकरित्या फारसे माहिती नाही. तिचा जन्म २०१३ मध्ये झाला. ती पहिल्यांदा नोव्हेंबर २०२२ मध्ये एका लांब पल्ल्याच्या क्षेपणास्त्र चाचणी दरम्यान दिसली.
13 Feb 2026 09:00 AM (IST)
लग्नानंतर प्रत्येक जोडप्यासाठी सर्वात खास क्षण म्हणजे हनिमून. हा फक्त फिरायला जाण्याचा प्रवास नसून दोन मनांच्या नव्या आयुष्याची सुंदर सुरुवात असते. आजकाल हनिमून म्हटलं की गोवा, मनाली किंवा शिमला यांची नावं पटकन आठवतात. मात्र जर तुम्हाला गर्दीपासून दूर, शांत आणि निवांत वातावरणात एकमेकांसोबत खास वेळ घालवायचा असेल, तर भारतात अशी अनेक ठिकाणं आहेत जी रोमँटिक आणि निसर्गरम्य अनुभव देतात. चला तर मग, अशाच काही शांत आणि सुंदर हनिमून डेस्टिनेशनबद्दल जाणून घेऊया. वाचा सविस्तर
13 Feb 2026 08:55 AM (IST)
फ्री फायर मॅक्स हा एक लोकप्रिय बॅटल रॉयल गेम आहे. या गेममध्ये मिळणारे गेमिंग आयटम्स जसे वेपन स्किन, ग्लू वॉल, पेट, कॅरेक्टर, इमोट आणि बंडल अत्यंत लोकप्रिय आहेत. फ्री फायर मॅक्स खेळणाऱ्या प्रत्येक प्लेअरला असं वाटतं की हे गेमिंग आयटम्स त्यांच्याकडे असावेत. पण गेमिंग आटम्स खरेदी करण्यासाठी प्लेअर्सना डायमंड्स खर्च करावे लागतात. त्यामुळे प्लेअर्स ही खरेदी करण्यापूर्वी 10 वेळा विचार करतात. पण जर तुम्ही फ्री फायर मॅक्स प्लेअर असाल आणि हे गेमिंग आयटम्स खरेदी करण्यासाठी तुमच्याकडे डायमंड्स नसतील, तर चिंता करू नका. तुम्ही गेममधील विविध ईव्हेंटमध्ये सहभागी होऊन गेमिंग आयटम्स फ्रीमध्ये क्लेम करू शकता. आता आम्ही तुम्हाला गेममध्ये लाईव्ह असलेल्या काही ईव्हेंट्सबद्दल सांगणार आहोत.
13 Feb 2026 08:51 AM (IST)
२०२६ मधील सर्वाधिक प्रतिक्षित चित्रपटांपैकी एक म्हणून द पॅराडाईजने ओळख निर्माण केली आहे. अभिनेता नानीच्या आगामी “द पॅराडाईज” या चित्रपटाची रिलीज डेट जाहीर झाली आहे. हा चित्रपट २०२६ मधील सर्वात अपेक्षित चित्रपटांपैकी एक आहे. त्याच्या घोषणेपासून प्रेक्षक हा चित्रपट पाहण्यासाठी उत्सुक आहेत. ब्लॉकबस्टर “दसरा” चित्रपटाच्या यशानंतर दिल्यानंतर, नानी आणि ओडेला पुन्हा एकत्र येत आहेत.
ढाका : बांगलादेशातील राजकारणात मोठ्या घडामोडी घडत आहेत. गुरुवारीच (दि.१२) संपूर्ण देशभरात मतदान झाले. १३ व्या संसदीय निवडणुकीसाठी २९९ जागांसाठी मतदान झाले. आता या निवडणुकीचे निकाल आज जाहीर होत आहेत. निकालांमध्ये बांगलादेश नॅशनलिस्ट पार्टी (BNP) ला पूर्ण बहुमत मिळाले आहे. त्यानुसार, आता तारिक रहमान हे बांगलादेशच्या पंतप्रधानपदावर विराजमान होतील, हे स्पष्ट झाले आहे.
.png "Videos"){kind=small}
