PIA News: पाकिस्तानच्या आकाशात ‘आर्थिक’ संकट! विमान इंधन 150 टक्क्यांनी महागले; ‘PIA’ कायमची बंद होण्याच्या उंबरठ्यावर

शेजारील देश पाकिस्तान सध्या आपल्या इतिहासातील सर्वात भीषण आर्थिक संकटाचा सामना करत आहे. या संकटाचा मोठा फटका आता पाकिस्तानची राष्ट्रीय विमान कंपनी 'पाकिस्तान इंटरनॅशनल एअरलाईन्स' (PIA) ला बसला आहे.

• पाकिस्तानच्या आकाशात ‘आर्थिक’ संकट!
• विमान इंधन 150 टक्क्यांनी महागले; ‘
• PIA’ कायमची बंद होण्याच्या उंबरठ्यावर

Pakistan International Airlines Crisis: शेजारील देश पाकिस्तान सध्या आपल्या इतिहासातील सर्वात भीषण आर्थिक संकटाचा सामना करत आहे. या संकटाचा मोठा फटका आता पाकिस्तानची राष्ट्रीय विमान कंपनी ‘पाकिस्तान इंटरनॅशनल एअरलाईन्स’ (PIA) ला बसला आहे. परिस्थिती इतकी गंभीर झाली आहे की, ही एअरलाईन पूर्णपणे बंद होण्याची वेळ आली आहे. याचा थेट परिणाम अशा हजारो प्रवाशांवर होणार आहे, जे व्यापार आणि कामासाठी विमान प्रवासावर अवलंबून आहेत.

विमान इंधनाच्या दरात 150 टक्क्यांची भरमसाठ वाढ

गेल्या काही आठवड्यांमध्ये पाकिस्तानात विमान इंधनाच्या (Jet Fuel) किमतीत कमालीची वाढ झाली आहे. ही वाढ किरकोळ नसून तब्बल 150 टक्क्यांचा मोठा उच्चांक आहे. विशेष म्हणजे, या दरवाढीची कोणतीही अधिकृत घोषणा न करता ती गुपचूप लागू करण्यात आली आहे. अधिकृत आकडेवारीनुसार, 1 मार्च रोजी ज्या जेट फ्यूलची (JP-1) किंमत 190 रुपये प्रति लिटर होती, ती 21 मार्चपर्यंत 472 रुपये प्रति लिटरवर पोहोचली आहे. केवळ 21 मार्च रोजीच किमतीत 84 रुपयांची (21.65 टक्के) वाढ करण्यात आली. विमानाचा परिचालन खर्च इतका वाढल्यामुळे आता प्रवाशांच्या तिकीट दरातही मोठी वाढ होण्याची शक्यता असून, हवाई सफर सर्वसामान्यांच्या आवाक्याबाहेर गेली आहे.

MQ9 Reaper: समुद्रात कोसळलं अमेरिकेचं ‘F-16’? US वायुदलाचं कंबरडं मोडलं; वाचा इराणच्या IRGCच्या ‘या’ VIRAL दाव्यामागचं सत्य

PIA अध्यक्षांचा गंभीर इशारा: सेवा थांबवण्याची नामुष्की

या आर्थिक दबावाच्या पार्श्वभूमीवर ‘पीआयए’ कन्सोर्टियमचे अध्यक्ष आरिफ हबीब यांनी अत्यंत गंभीर इशारा दिला आहे. एका वृत्तवाहिनीला दिलेल्या मुलाखतीत त्यांनी स्पष्ट केले की, जर इंधनाचे दर याच वेगाने वाढत राहिले, तर एअरलाईनचे कामकाज सुरू ठेवणे अशक्य होईल. हबीब यांच्या मते, परिस्थिती सुधारली नाही तर पीआयएला आपली सेवा ‘कायमची बंद’ करण्यासाठी मजबूर व्हावे लागेल. कोणत्याही देशाच्या सरकारी विमान कंपनीच्या प्रमुखाकडून असे विधान येणे, हे तिथली परिस्थिती नियंत्रणाबाहेर गेल्याचे लक्षण मानले जात आहे.

अमेरिका-इराण युद्धाचा जागतिक फटका

इंधनाच्या किमतीत अचानक लागलेल्या या आगीचे मुख्य कारण म्हणजे अमेरिका आणि इराण यांच्यात सुरू असलेले युद्ध. या आंतरराष्ट्रीय तणावामुळे जागतिक पुरवठा साखळी पूर्णपणे विस्कळीत झाली आहे. जागतिक स्तरावर निर्माण झालेल्या अनिश्चिततेमुळे विमान इंधनाचा पुरवठा सातत्याने बाधित होत आहे, ज्याचा सर्वाधिक फटका आधीच ‘कंगाल’ झालेल्या पाकिस्तानला बसत आहे.

VIRAL VIDEO: जगाच्या विनाशाचे संकेत? इस्रायलच्या आकाशात पसरलं काळं सावट; हजारो कावळ्यांनी सोडलं शहर; कॅमेऱ्यात कैद झाले थरारक क्षण