Pakistani Defense Minister admits US leaders take bribes openly
Khawaja Asif US bribery allegations : पाकिस्तानचे संरक्षण मंत्री ख्वाजा आसिफ हे त्यांच्या वादग्रस्त आणि अनेकदा विचित्र विधानांसाठी ओळखले जातात. नुकतेच त्यांनी दिलेल्या एका मुलाखतीत त्यांनी जे विधान केले त्याने संपूर्ण आंतरराष्ट्रीय माध्यमांचे लक्ष वेधले आहे. पाकिस्तानात भ्रष्टाचाराचे आरोप नवे नाहीत, पण यावेळी आसिफ यांनी टीकेची दिशा बदलली थेट अमेरिकन नेत्यांकडे.
जिओ न्यूज या पाकिस्तानी टीव्ही चॅनेलवरील मुलाखतीत ख्वाजा आसिफ म्हणाले “आम्हाला सतत लाचखोरीच्या आरोपांनी बदनाम केले जाते. पण अमेरिकन राजकारणी उघडपणे इस्रायलकडून पैसे घेतात. जर मला लाच घ्यायची वेळ आली, तर मी मागच्या खोलीत घेईन, पण ते दिवसाढवळ्या पैसे उकळतात.” त्यांच्या या विधानावर स्टुडिओतील अँकरही हसू आवरू शकले नाहीत. अँकरने स्पष्टपणे सांगितले की हे विधान निश्चितच व्हायरल होईल. त्यावर आसिफ यांनी सहजपणे उत्तर दिले “होऊ दे मग व्हायरल.”
जागतिक घडामोडी संबंधित बातम्या वाचण्यासाठी येथे क्लिक करा : Zapad 2025 : ‘भारताच्या ‘अशा’ निर्णयाने अमेरिका अवाक्…’ पुतिन स्वतः पोहोचले ग्राउंड झिरोवर; संपूर्ण जगभर हलकल्लोळ
मात्र, इथे एक मोठा विरोधाभास आहे. ख्वाजा आसिफ अमेरिकन-इस्रायली लॉबींवर भ्रष्टाचाराचे आरोप करत असताना, पाकिस्तान स्वतः त्या लॉबींवर कोट्यवधी रुपये खर्च करत आहे. अहवालांनुसार, डोनाल्ड ट्रम्प यांनी अमेरिकेचे राष्ट्राध्यक्षपद स्वीकारल्यानंतर २०२५ च्या पहिल्या आठ महिन्यांत पाकिस्तानने अमेरिकेतील किमान सात लॉबिंग आणि कायदेशीर फर्म्ससोबत करार केले आहेत. या फर्म्सची निवडही साधी नव्हती त्यामध्ये व्हाईट हाऊसशी थेट संबंध असलेले माजी अधिकारी, कॅपिटल हिलवरील प्रभावशाली रणनीतिकार, आंतरराष्ट्रीय खटल्यांशी निगडीत वकील यांचा समावेश होता. म्हणजेच, बाहेरून अमेरिकन नेत्यांवर लाचखोरीचे आरोप करत असतानाच, आतून पाकिस्तान त्याच लॉबिंग नेटवर्कचा भाग बनत होता.
ख्वाजा आसिफ यांनी अमेरिकन राजकारणाविषयी आणखी एक उपहासात्मक विधान केले. ते म्हणाले, “आम्हाला पैसे उकळणारे म्हणून ओळखले जाते. पण खरी गोष्ट अशी आहे की अमेरिकन राजकारणी दिवसाढवळ्या हे काम करतात. ते सर्वजण पगारावर आहेत. मी तरी गुप्त खोलीत जाईन. अन्यथा जर अँकर शाहबाजतेला कळले तर तो लगेच कार्यक्रम करेल.” ही टिप्पणी ऐकून संपूर्ण स्टुडिओ हसून गेला. मात्र या विधानातून अमेरिकन-इस्रायली संबंधांवरील आसिफ यांचा रोष स्पष्ट दिसत होता.
Bizzare admission, Pakistan’s Defence Minister Khwaja Asif says: “We are being defamed for taking bribes. American politicians accept bribes from Israel openly. If I have to take bribes, I will do it in a backroom somewhere. pic.twitter.com/Yggc8840Fd — Yeshi Seli (@YeshiSeli) September 17, 2025
credit : social media
या विधानाने पाकिस्तानातील सामान्य नागरिक मात्र अधिक गोंधळात पडले आहेत. एकीकडे पाकिस्तानची आर्थिक परिस्थिती दिवसेंदिवस खालावत चालली आहे, कर्जाच्या विळख्यातून बाहेर पडण्यासाठी देश झगडतो आहे. दुसरीकडे त्यांच्या नेत्यांची अशी विधानं जागतिक स्तरावर पाकिस्तानची खिल्ली उडवतात. सामान्य पाकिस्तान्यांच्या दृष्टीने, प्रश्न फक्त अमेरिकन भ्रष्टाचाराचा नाही, तर त्यांच्या स्वतःच्या सरकारच्या दुहेरी भूमिकेचाही आहे. कारण पाकिस्तान स्वतः इस्रायली लॉबींवर पैसे खर्च करत असल्याचे उघड झाले आहे.
आंतरराष्ट्रीय स्तरावरही ख्वाजा आसिफ यांचे हे विधान एक विचित्र कबुली मानले जात आहे. कारण एका बाजूला ते स्वतः कबूल करतात की “मी मागच्या खोलीत लाच घेईन”, तर दुसरीकडे ते अमेरिकन नेत्यांना उघडपणे लाच घेणारे ठरवतात. राजकीय विश्लेषकांच्या मते, हे विधान फक्त एक पॉप्युलिस्ट स्टाईल आहे. पाकिस्तानच्या अंतर्गत राजकारणात “अमेरिकन विरोध” विक्रीस येतो. त्यामुळे अमेरिकन नेत्यांवर टीका करून ख्वाजा आसिफ यांनी आपल्या मतदारांमध्ये लोकप्रियता मिळवण्याचा प्रयत्न केला आहे.
जागतिक घडामोडी संबंधित बातम्या वाचण्यासाठी येथे क्लिक करा : modi @75 : Thank You माझ्या मित्रा… ट्रम्प यांनी मोदींना वाढदिवसानिमित्त दिल्या शुभेच्छा; पंतप्रधानांनीही दिले ‘असे’ उत्तर
या संपूर्ण प्रकरणाने दोन गोष्टी स्पष्ट झाल्या –
म्हणूनच, ख्वाजा आसिफ यांचे हे विधान केवळ “विचित्र” नाही, तर ते पाकिस्तानच्या परराष्ट्र धोरणातील दुटप्पीपणाही उघड करते.
.png "Videos"){kind=small}
