Pakistan Breaking : पाकिस्तान बुडाला दुप्पट कर्जात; १३५ अब्ज डॉलर पार,चीन सर्वात मोठा कर्जदाता

Pakistan Breaking : पाकिस्तानचे परकीय कर्ज २०२५ अखेर १३५.१ अब्ज डॉलरवर पोहोचले असून दशकभरात त्यात जवळपास ९६.७ टक्क्यांची वाढ झाली आहे. चीन हा पाकिस्तानचा सर्वात मोठा स्वतंत्र कर्जदाता ठरला आहे. खासगी कर्जावरील ८.६ टक्के व्याजदरामुळे पाकिस्तानसमोरील आर्थिक आव्हाने वाढली आहेत.

• दहा वर्षात परकीय कर्जात ९६ टक्क्याची वाढ
• चीन सर्वात मोठा कर्जदाता ;जागतिक बँक आणि एडीबीचाही मोठा वाटा
• खाजगी कर्ज महाग

Pakistan Breaking : ज्या देशात फक्त नावाला लोकशाही असते . सत्तेत बसलेल्या लोकांना जनतेशी काही देणेघेणे नसते . देशाची आर्मीच जर देश चालवत असेल , तर त्या देशाची हालत काय होईल याचे उदाहरण म्हणून आपण पाकिस्तानकडे पाहिले पाहिजे . पाकिस्तानमध्ये झालेल्या सत्तेच्या आणि लोकशाहीच्या बोजवाऱ्यामुळे पाकिस्तानची वाट लागली आहे . गरिबी , बेरोजगारी , महागाई ,भ्रष्टचार ,आतंकवाद , सतत कुठे ना कुठे तरी फुटणारे बॉम्ब यासगळ्यामुळे आधीच पाकिस्तानची जनता संकटात आहे .

अशातच अजून एक भर पडली आहे . पाकिस्तानच्या आर्थिक संकटात एक चिंताजनक बाब समोर आली आहे . जागतिक बँकेच्या इंटरनॅशनल डेट रिपोर्ट २०२६ नुसार पाकिस्तानचे परकीय कर्ज १३५.१ अब्ज डॉलरवर पोहोचले आहे . विशेष म्हणजे गेल्या दहा वर्षात या कर्जात जवळपास दुप्पट वाढ झाली आहे .

चीनने आजपर्यंत पाकिस्तानला सर्वात जास्त कर्ज दिले आहे . असे या अहवालात नमूद करण्यात आले आहे . वाढते कर्ज , वाढणाऱ्या व्याजाचा बोजा आणि परतफेडीची जबाबदारी यामुळे पाकिस्तानसमोरील आर्थिक आव्हाने अधिक गंभीर बनली आहेत .

दहा वर्षात परकीय कर्जात ९६ टक्क्याची वाढ

पाकिस्तानचे परकीय कर्ज २०१५ मध्ये ६८ . ६३७ डॉलर होते . त्यात वाढ होऊन २०२५ अखेर हा आकडा १३५.१०७ अब्ज डॉलरवर पोहोचला आहे . म्हणजेच जवळजवळ गेल्या दहा वर्षात ९६.७ टक्क्यांची वाढ झाली आहे . २०२४ मध्ये पाकिस्तानचे परकीय चलन १२९. ९२ अब्ज डॉलर होते .

या सगळ्या कर्जामध्ये सार्वजनिक आणि सरकारी हमी असलेले १०७ .०७६ अब्ज डॉलरचे कर्ज , खाजगी क्षेत्रात १७ .५८ अब्ज डॉलरचे कर्ज आणि कमी मुदतीचे १०.४५ अब्ज डॉलरचे कर्ज समाविष्ट आहे . त्यामुळे देशाच्या अर्थव्यवस्थेवर परकीय कर्जाचा मोठा भार असल्याचे भयानक चित्र समोर आले आहे .

Michigan House : अमेरिकेत भारतीय वंशाचा बोलबाला; रणजीव पुरी यांची मिशिगन हाऊसच्या अध्यक्षपदी ऐतिहासिक निवड

चीन सर्वात मोठा कर्जदाता ;जागतिक बँक आणि एडीबीचाही मोठा वाटा

पाकिस्तानला कर्ज देणाऱ्या देशांमध्ये आणि संस्थांमध्ये सर्वात पुढे कोण आहे तर चीन आहे . चीनकडून पाकिस्तानला देण्यात आलेले थकीत कर्ज २२.४ अब्ज डॉलर इतके आहे . त्यानंतर जागतिक बँकेचे १९.२ अब्ज डॉलर आणि आशियाई विकास बँकेचे १६.८३ अब्ज डॉलरचे कर्ज आहे . सार्वजनिक आणि सरकारची हमी असलेल्या कर्जापैकी ५६ .८३ अब्ज डॉलर बहुपक्षीय वित्तीय संस्थांकडून ४२.४३ अब्ज डॉलर विविध देशांकडून तर ७.८ अब्ज डॉलर खाजगी कर्जदात्यांकडून घेतलेले आहेत . चीनने २०२५ मध्ये पाकिस्तानच्या दोन अब्ज डॉलरच्या कर्जाची मुदत वाढवली होती . त्यामुळे तातडीच्या परतफेडीचा काहीसा दबाव कमी झाला आहे .

Paraguay Crisis : ‘आमचे पैसे परत द्या!’ बँकिंग संकटामुळे पॅराग्वे देशात आणीबाणीसारखी परिस्थिती; राष्ट्रपतींना सोडावे लागले पद

खाजगी कर्ज महाग

पाकिस्तानसाठी कर्ज उभारणीचा खर्चही चिंतेचा विषय ठरला आहे . २०२५ मध्ये अधिकृत कर्जदात्यांकडून घेतलेल्या नव्या कर्जाचा सरासरी व्याजदर ३.६ टक्के होता . तर खाजगी कर्जदात्यांकडील नव्या कर्जाचा व्याजदर ८.६ टक्के होता . अधिकृत कर्जाची सरासरी मुदत १६ वर्ष आणि चार वर्षाचा सवलत कालावधी होता . खाजगी कर्जाची मुदत मात्र सरासरी तीन वर्ष आणि सवलत कालावधी केवळ एक वर्ष होता .

तर दुसरीकडे पाकिस्तानच्या परकीय कर्जाचे राष्ट्रीय उत्पन्नाशी असलेले प्रमाण २०२४ मधील ३५.८ टक्क्यांवरून २०२५ मध्ये ३३.९ टक्क्यांवर आले . तरीही कर्जाचा एकूण आकडा वाढत असल्याने भविष्यातील आर्थिक व्यवस्थापनाचे आव्हान कायम आहे . आता पाकिस्तान यातून स्वतःला सावरतोय कि आणखीन आर्थिक खड्ड्यात जातोय हे येत्या काळात कळेल .