S. Jaishankar and Marco Rubio
Jaishankar Rubio Meeting News in Marathi : नवी दिल्ली/वॉशिंग्टन : भारताचे परराष्ट्र मंत्री एस. जयशंकर (S. Jaishankar) यांनी बुधवारी (१२ नोव्हेंबर) अमेरिकेचे परराष्ट्र मंत्री मार्को रुबियो यांची भेट घेतली आहे. कॅनडा येथे झालेल्या G-7 परराष्ट्र मंत्र्यांच्या बैठकीत ही भेट झाली. यावेली दोन्ही मंत्र्यांमध्ये दिल्ली स्फोटावर (Delhi Blast) चर्चा झाली. तसेच अमेरिका (America) आणि भारताच्या द्विपक्षीय संबंधावरही चर्चा करण्यात आली.
दिल्ली बॉम्बस्फोटावर काय म्हणाले रुबियो?
जयशंकर यांच्याशी बैठकीदरम्यान रुबियो यांनी दिल्लीतील लाल किल्ल्याबाहेर झालेल्या स्फोटावर दु:ख व्यक्त केले. त्यांनी स्फोटात मृत्यूमुखी पडलेल्यांबद्दल शोक व्यक्त केला. तसेच जखमींच्या पुन्हा बरे होण्यासाठी प्रार्थना केली. यावर परराष्ट्र मंत्री एस. जयशंकर यांनी आभार मानले. तसेच जयशंकर यांनी सोशल मीडिया प्लॅटफॉर्म एक्सवर एक पोस्ट केली आहे. यामध्ये त्यांनी म्हटले की, आज अमेरिकेच्या परराष्ट्र मंत्री मार्को रुबियो यांची G-7 दरम्यान भेट झाली. त्यांना भेटून आनंद झाला. दिल्ली स्फोटात मृत्यूमुखी पडलेल्या त्यांनी दिलेल्या शोकसंदेशाचे मी कौतुक करतो.
जयशंकर यांनी असेही सांगितले की, रुबियो यांच्याशी अमेरिका-भारताच्या द्विपक्षीय संबंधावर सविस्तर चर्चा झाला. यामध्ये व्यापार, पुरवठासाखळी या विषयांचा आढावा घेण्यात आला. तसेच आंतरराष्ट्रीय स्तरावर युक्रेन युद्ध, मध्यपूर्व, पश्चिम आशिया आणि इंडो-पॅसिफिक प्रदेशातील परिस्थितींवरही चर्चा झाली.
Good to meet @SecRubio this morning at #G7 FMM. Appreciate his condolences on the loss of lives in the blast in Delhi. Discussed our bilateral ties, focusing on trade and supply chains. Exchanged views on the Ukraine conflict, the Middle East/West Asia situation and… pic.twitter.com/W4ps4E7D4L — Dr. S. Jaishankar (@DrSJaishankar) November 12, 2025
सध्या या स्फोटानंतर पुन्हा एकदा अमेरिकेचा दुहेरी चेहरा समोर आला आहे. दिल्ली स्फोटानंतर पाकिस्तानची राजधानी इस्लामाबादमध्येही स्फोट झाला होता. या दोन्ही स्फोटांवर अमेरिकेने वेगवेगळी प्रतिक्रिया दिली आहे. अमेरिकेने पाकिस्तानला स्फोटावर सहानुभूती दर्शवली आहे, तसेच दहशतवाविरोधी प्रयत्नांबाबत पाठिंबा दिला आहे. तर भारताबाबत केवळ औपचारिक शोक व्यक्त करण्यात आला आहे. एकीकडे ट्रम्प भारताशी संबंध पुन्हा सुधारण्याचे भाष्य करत आहेत, तर दुसरीकडे पाकिस्तानचे कौतुक करत आहे. यावरुन अमेरिकेचा दुहेरी खेळ सुरु असल्याचे लक्षात घेण्यासारखे आहे.
Ans: परराष्ट्र मंत्री एस. जयशंकर यांनी अमेरिकेचे परराष्ट्र मंत्री मार्को रुबियो यांची कॅनडाच्या ओंटारियो येथील G-7 परिषदेत भेट घेतली.
Ans: एस. जयशंकर आणि मार्को रुबियो यांच्यात दिल्ली बॉम्बस्फोटावर आणि अमेरिका-भारतातील द्विपक्षीय संबंधावर चर्चा केली.
.png "Videos"){kind=small}
