World War III : ‘सापाला डोकं वर काढू देऊ नका’; इराणला चारीमुंड्या चीत करण्यासाठी ट्रम्पसोबत आखाती देशांचीही ‘फिल्डिंग’

Middle East Crisis: इराण युद्धाबाबत आखाती देशांची भूमिका बदलली आहे; सौदी अरेबिया आणि संयुक्त अरब अमिरातीसह अनेक देश आता इराणची लष्करी ताकद कमकुवत करण्यासाठी अमेरिका आणि इस्रायलला हल्ले सुरू ठेवण्याचे आवाहन करत आहेत.

• आखाती देशांची यू-टर्न
• इराणचा डाव उलटला
• ओमानची मध्यस्थी

Saudi Arabia UAE stance on Iran War 2026 : मध्य-पूर्वेतील रणसंग्राम (US-Israel Iran War) आता एका अशा वळणावर आला आहे, जिथे मैत्री आणि शत्रूची समीकरणे तासातासाला बदलत आहेत. आत्तापर्यंत तटस्थ राहण्याची भूमिका घेणारे सौदी अरेबिया आणि संयुक्त अरब अमिराती (UAE) आता इराणविरुद्धच्या संघर्षात मोठी भूमिका बजावू शकतात, असा खळबळजनक दावा इस्रायली प्रसारमाध्यमांनी केला आहे. ‘द टाइम्स ऑफ इस्रायल’ने दिलेल्या वृत्तानुसार, आखाती देशांच्या भूमिकेत झालेला हा बदल इराणसाठी सर्वात मोठा धक्का मानला जात आहे.

सुरुवातीचा विरोध अन् आताची आक्रमकता: काय बदललं?

जेव्हा डोनाल्ड ट्रम्प यांनी इराणविरुद्ध लष्करी कारवाईचे संकेत दिले होते, तेव्हा सौदी अरेबिया आणि अमिरातीने या युद्धाला कडाडून विरोध केला होता. त्यांना भीती होती की इराण त्यांच्या तेल विहिरी आणि नागरी वस्त्यांवर हल्ले करेल. झालेही तसेच; युद्ध सुरू झाल्यापासून इराणने आपल्या शेजारील देशांवर वारंवार प्रहार केले. मात्र, इराणच्या याच कृतीने आखाती देशांचा विचार बदलला. आता या देशांचे म्हणणे आहे की, “जर इराणकडे शस्त्रे असताना युद्ध थांबले, तर तो भविष्यात अधिक धोकादायक ठरेल. त्यामुळे आता इराणची लष्करी कणाच मोडणे गरजेचे आहे.”

इस्रायली माध्यमांचा ‘तो’ धाडसी दावा

इस्रायली माध्यमांनी चार वरिष्ठ आखाती अधिकाऱ्यांच्या हवाल्याने म्हटले आहे की, सौदी अरेबिया, यूएई, बहरीन आणि कतार आता अमेरिकेला इराणवर अधिक तीव्र हल्ले करण्यासाठी प्रोत्साहित करत आहेत. इराणची क्षेपणास्त्रे आणि आण्विक क्षमता पूर्णपणे नष्ट झाल्याशिवाय मध्य-पूर्वेत शांतता नांदणार नाही, या निष्कर्षापर्यंत हे देश पोहोचले आहेत. ट्रम्प प्रशासनावर युद्धविराम लादण्याऐवजी, हे देश आता इराणला धडा शिकवण्याच्या बाजूने उभे असल्याचे दिसत आहे.

जागतिक घडामोडी संबंधित बातम्या वाचण्यासाठी येथे क्लिक करा : White House: अमेरिकेत शटडाउनने उडाली धांदल; ट्रम्प म्हटले, ‘इराणची डोकेदुखी संपल्यावर, देशातील ‘या’ शत्रूला ठेचणार’

इराणची रणनीती का फसली?

इराणला अशी आशा होती की, सौदी आणि इतर आखाती देशांवर हल्ले केले की हे देश घाबरतील आणि अमेरिकेला युद्ध थांबवण्यास भाग पाडतील. पण इराणचा हा ‘प्रेशर टॅक्टिक’ उलटा फिरला. आखाती देशांना कळून चुकले की इराण केवळ इस्रायलसाठीच नाही, तर त्यांच्या स्वतःच्या अस्तित्वासाठीही धोका आहे. एका वरिष्ठ राजनयिकाने स्पष्ट केले की, शस्त्रसज्ज इराण हा प्रदेशासाठी शाप आहे आणि हीच संधी आहे जेव्हा या सापाचे डोके ठेचले जाऊ शकते.

See more

🚨 JUST IN
Saudi Aramco CEO Amin Nasser has pulled out of the CERAWeek conference in Houston due to the Iran war, opting to remain in Saudi Arabia as tensions disrupt global energy markets. The conflict has already impacted oil flows, forced output cuts, and threatened key… pic.twitter.com/Tbb6cLARcq — Mossad Commentary (@MOSSADil) March 22, 2026

credit – social media and Twitter

ओमानची वेगळी वाट आणि शांततेचा प्रयत्न

सर्वच आखाती देश युद्धाच्या बाजूने नाहीत. ओमानने आजही आपली मध्यस्थाची भूमिका सोडलेली नाही. ओमानचे परराष्ट्र मंत्री बद्र अल-बुसैदी यांनी आवाहन केले आहे की, अमेरिका आणि इराणमधील हे शत्रुत्व त्वरित संपायला हवे. ओमानला भीती आहे की हा संघर्ष दीर्घकाळ चालल्यास संपूर्ण प्रदेशाची अर्थव्यवस्था कोलमडून पडेल. मात्र, सध्या तरी सौदी आणि यूएईचा आक्रमक पवित्रा ओमानच्या शांततेच्या आवाहनावर भारी पडताना दिसत आहे.

जागतिक घडामोडी संबंधित बातम्या वाचण्यासाठी येथे क्लिक करा : Mojtaba Khamenei: ‘एक पाय कबरमध्ये, दुसरा…’ इराणमध्ये ‘घोस्ट’ राजवट; मोजतबा खामेनींनबाबत CIA आणि Mossad चा ‘हा’ दावा

 भविष्यातील चित्र काय असेल?

सौदी आणि यूएई स्वतः लष्करी रित्या या युद्धात सामील होतील का, हे अद्याप गुलदस्त्यात आहे. मात्र, ते अमेरिका आणि इस्रायलला गुप्तचर माहिती आणि रसद पुरवठा करून इराणला खिंडीत गाठण्याची शक्यता दाट आहे. जर आखाती देशांनी इराणची साथ सोडली, तर इराण जगाच्या नकाशावर एकाकी पडेल आणि ट्रम्प यांचा ‘आर्क्टिक ते गल्फ’ असा पसरलेला गेम यशस्वी होईल.