‘इस्लामिक अणुबॉम्ब’ची साखळी उलगडली; सौदी अरेबियाचा पाकिस्तानला गुप्त पाठिंबा, भारताला अण्वस्त्र धमकीचा गंभीर इशारा

जागतिक घडामोडी संबंधित बातम्या वाचण्यासाठी येथे क्लिक करा : ‘पाकिस्तान भारताला घाबरतो’ 32 वर्षे जुन्या CIA अहवालाचा धक्कादायक खुलासा; पहलगामसारख्या हल्ल्याची आधीच होती शक्यता

सौदी अरेबियाच्या पैशांवर पाकिस्तानचे अणुबॉम्ब तयार

बीबीसी आणि अन्य आंतरराष्ट्रीय माध्यमांच्या अहवालांनुसार, सौदी अरेबियाने पाकिस्तानला अणुबॉम्ब कार्यक्रमासाठी आर्थिक मदत दिली होती. 1990 च्या दशकात सौदी आणि पाकिस्तान यांच्यात एक गोपनीय करार झाला होता. या अनुषंगाने सौदीच्या संरक्षणमंत्र्यांनी पाकिस्तानच्या अणुसंशोधन केंद्रांना भेटी दिल्या आणि सहकार्य वाढवले. विशेषतः सौदी अरेबिया आणि पाकिस्तान दोघेही सुन्नी राष्ट्रे असल्याने त्यांच्यात धार्मिक आणि सामरिक नाते अधिक घट्ट आहे. सौदीच्या संरक्षणासाठी पाकिस्तानी सैनिक रियाधमध्येही तैनात करण्यात आले होते.

इस्लामिक अणुबॉम्ब, गुप्त कार्यक्रम उघड

‘इस्लामिक अणुबॉम्ब’ ही संकल्पना केवळ अफवा नव्हे, तर ही एक सुनियोजित आणि गुप्तपणे राबवलेली अणुकक्षा आहे, असे तज्ज्ञांचे मत आहे. सौदी क्राउन प्रिन्स मोहम्मद बिन सलमान यांनी इराण अणुबॉम्ब बनवत असल्यास सौदीही तेच करेल, असे जाहीरपणे म्हटले आहे. इराणच्या वाढत्या अणुक्षमतांमुळे सौदी अरेबिया अस्वस्थ आहे. त्यामुळे सौदीने चीनकडून CSS-2 लांब पल्ल्याची क्षेपणास्त्रे खरेदी केली आहेत. तज्ज्ञ अमोस याडलिन यांच्या मते, “इराणने अणुबॉम्ब बनवला तर सौदी एक महिनाही थांबणार नाही. त्यांनी पाकिस्तानात गुंतवणूक आधीच केली आहे.”

पाकिस्तानकडील अणुबॉम्ब सौदीसाठी तयार?

अहवालांनुसार, पाकिस्तानमध्ये सौदी अरेबियासाठी विशेषतः अणुबॉम्ब तयार ठेवले आहेत, जेणेकरून सौदी अरेबियाला अधिकृतपणे अण्वस्त्रधारी राष्ट्र म्हणून ओळख दिली जाणार नाही. या योजनेनुसार सर्व जबाबदारी पाकिस्तानकडे राहील आणि सौदीला आंतरराष्ट्रीय अणुकराराचे उल्लंघन करण्याची गरज भासणार नाही.

भारतासाठी धोका, अणुबॉम्बच्या छायेत राजकारण

आज पाकिस्तानकडे अंदाजे १७० अणुबॉम्ब असून, त्यापैकी अनेक सामरिक क्षमतेचे आहेत. सौदी अरेबियाच्या मदतीनेच पाकिस्तानने ही अणुकक्षा विकसित केली आहे. भारतासाठी हा एक गंभीर धोका ठरतो, कारण आता अण्वस्त्रांचा वापर केवळ संरक्षणासाठी नसून धमकी देण्याचे राजकीय शस्त्र बनले आहे.

जागतिक घडामोडी संबंधित बातम्या वाचण्यासाठी येथे क्लिक करा : ‘लादेनचा खात्मा केला त्यापेक्षाही भयानक कारवाई करणार…’ अमेरिकेची पाकिस्तानसाठी उघड घोषणा

 ‘इस्लामिक अणुबॉम्ब’ म्हणजे धोरणात्मक पाऊल

भारत-पाकिस्तान तणावाच्या पार्श्वभूमीवर सौदी अरेबिया आणि पाकिस्तान यांचे अणुबंध पुन्हा चर्चेत आले आहेत. ‘इस्लामिक अणुबॉम्ब’ ही केवळ संज्ञा नसून, ती एक जागतिक स्तरावरील गंभीर धोक्याची शक्यता दर्शवते. भारताने या पार्श्वभूमीवर अधिक दक्ष राहणे अत्यावश्यक आहे, कारण या अणुकथेचा केंद्रबिंदू आता भारताच्या सीमांच्या अगदी उंबरठ्यावर येऊन पोहोचला आहे.

संबंधित बातम्या