फोटो सौजन्य AI
सौदी अरेबियाला इराणच्या संभाव्य अण्वस्त्र क्षमतेची चिंता आहे . पाकिस्तान हा अण्वस्त्रधारी देश असल्यामुळे पाकिस्तान चे अण्वस्त्रीक छत्र हे सौदी अरेबियाला मिळणार का ? असा हा प्रश्न या करारानंतर चर्चेत आला आहे . मात्र पाकिस्तान आपली अण्वस्त्रे सौदीला देणार किंवा तैनात करणार याची अजून अधिकृत माहिती सार्वजनिक झालेली नाही . किंवा याची अजून पुष्टी झालेली नाही .
पेट्रो डॉलर समीकरण असेच नीट चालू ठेवण्यासाठी आणि या माध्यमातून जगात महाशक्ती म्हणून अमेरिकेला काम करण्यासाठी मध्य पूर्वेतील देश हे खूपच महत्वाचे आहेत . त्याच्यातच सौदी हा मध्यपूर्वेतील अमेरिकेचा महत्वाचा सुरक्षा भागीदार आहे . त्यामुळे सौदीची सुरक्षा व्यवस्था पाकिस्तान तुर्कीकडे अधिक झुकणे आणि इराणचा धोका , संभाव्य अण्वस्त्र स्पर्धा हे सर्व अमेरिकेच्या मिडल इस्ट स्ट्रॅटेजी साठी महत्वाचे मुद्दे आहेत .
इराणला रोखण्यासाठी प्रादेशिक प्रतिबंधक शक्ती मजबूत होईल . सौदी पाकिस्तान आणि तुर्की एकत्र आल्याने इराण विरोधात स्वतंत्र प्रादेशिक सुरक्षा वाढू शकेल .अमेरिकेला प्रत्येक वेळी स्वतःची सैन्य शक्ती पुढे करण्याऐवजी स्थानिक भागीदारी क्षमता वापरता येऊ शकते .
सौदीला अमेरिकेपासून पूर्णपणे दूर जाण्यापासून रोखणे सौदी चीन तुर्की आणि पाकिस्तान सोबत संबंध वाढवत असतानाही अमेरिकेशी संबंध कायम ठेवू शकतो . पाकिस्तान हा अण्वस्त्रधारी देश असल्याने सौदीच्या संभाव्य nuclear ambitions वर अमेरिकेची नजर ठेवण्यासाठी हे समीकरण महत्वाचे ठरू शकते . मात्र या करारात सौदीला पाकिस्तानचा अण्वस्त्र पाठिंबा अधिकृतपणे मिळाल्याचे सिद्ध झालेले नाही .
इराणसोबतच्या झालेल्या युद्धात मध्य पूर्वेतील देशांनी या वेळी जवळून पाहिले आहे कि , इराणचे ड्रोन आणि मिसाईल्स हे सहज त्यांच्या जमिनी पर्यंत पोहचून आपले नुकसान करू शकतात . इराणच्या हल्ल्यात मध्यपूर्वेतील पिण्याच्या पाण्याचे केंद्र , विमानतळे , वीजनिर्मिती केंद्र , तेल शुद्धीकरण प्रकल्प तसेच स्वतः अमेरिकेचे सैन्य स्थळ सुद्धा लक्ष स्थानी आले . त्यामुळे इराणच्या ताकदीचा अंदाज घेऊन सौदी ने ही भूमिका घेतली असल्याचे बोलले जात आहे .
.png "Videos"){kind=small}
