फोटो सौजन्य सोशल मीडिया
पोलिसांच्या मते शाळेत जाण्यापूर्वी आरोपी विद्यार्थ्याने आपल्या घरी राहणाऱ्या आजी आणि आजोबांवर गोळ्या झाडून त्यांची हत्त्या केली . त्यानंतर तो ती बंदूक घेऊन शाळेत आला आणि शिक्षक व विद्यार्थ्यांवर त्याने फायरिंग करायला सुरवात केली . सुरवातीच्या काही माहितीवरून असे समजले आहे कि त्याने ती बंदूक घरातल्याच कोना एका सदस्या कडून घेतली आहे . पोलीस आता या पूर्ण प्रकरणाची चौकशी करत असून या हल्ल्यामागील उद्देश शोधण्याचा देखील पोलीस प्रयत्न करत आहेत .
गोळीबार सुरु होताच शाळेत एकच गोंधळ उडाला . विद्यार्थी आपले जीव वाचवण्यासाठी बाहेर पळू लागले . त्याचवेळी जखमी झालेल्या लोकांना त्वरित हॉस्पिटल पोहचवले गेले . घटना घडल्या नंतर शाळेच्या बाहेर शिक्षक आणि विद्यार्थी धायमोकलून रडू लागले . एका अठरा वर्षाच्या विद्यार्थ्याने सांगितले कि सुरवातीला त्याला हा आवाज फटाक्यांचा आहे असा भास झाला . पण नंतर एका पाठोपाठ एक आवाज येऊ लागले आणि सगळ्या शाळेत दहशतीचे वातावरण तयार झाले .
आपत्कालीन अधिकाऱ्यांच्या मते , जखमी झालेल्या लोकांच्या छातीवर आणि पाठीवर तसेच हातावर गोळ्या लागल्या आहेत . एका अधिकाऱ्याने असे हि सांगितले कि जेव्हा त्यांची टीम शाळेत पोहोचली तेव्हा हि फायरिंगचा आवाज त्यांना येत होता . तसेच त्यांना वरच्या एका मजल्यावर एक शिक्षक मृत अवस्थेत सापडले . तर एका दुसऱ्या वर्गात एक महिला शिक्षक गंभीर जखमी अवस्थेत आढळून आल्या . त्यांच्या छातीवर आणि हातावर गोळ्या लागल्या होत्या .
थायलंडचे शिक्षण मंत्री प्रासेर्ट जंतारारुआंगटोंग यांनी सांगितले कि मृतांमध्ये शिक्षक आणि विद्यार्थी आहेत . तर पोलिसांच्या मते या हल्यात अजून १५ लोकं जखमी झाले आहेत . आणि त्यांच्यावर विविध हॉस्पिटल्स मध्ये उपचार सुरु आहेत . सध्या तरी पोलीस या सगळ्या घटनेची सखोल तपासणी करत आहेत . आणि या हल्ल्या मागची कारणे शोधत आहेत .
.png "Videos"){kind=small}
