Iran-US War : पश्चिम आशियात युद्ध सुरु असतानाच डोनाल्ड ट्रम्प यांचा पंतप्रधान मोदींना फोन; सुमारे 40 मिनिटे झाली चर्चा...
Trump statement on PM Modi Iran War : मध्य-पूर्वेतील (Us-Israel Iran War) आकाश क्षेपणास्त्रांनी झगमगत असताना आणि जगावर तिसऱ्या महायुद्धाचे सावट असताना, अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी एक असे विधान केले आहे ज्याने जागतिक राजकारणात भारताचे वजन पुन्हा एकदा सिद्ध केले आहे. इराण आणि इस्रायलमधील संघर्ष शिगेला पोहोचलेला असताना ट्रम्प यांनी चक्क पंतप्रधान नरेंद्र मोदी यांची मदत घेण्याचे संकेत दिले आहेत. ट्रम्प यांच्या या वक्तव्यामुळे आता एकच चर्चा सुरू आहे – इराण युद्धाचा शेवट भारत करणार का?
मंगळवारी रात्री पंतप्रधान मोदी आणि डोनाल्ड ट्रम्प यांच्यात एक अत्यंत महत्त्वाची दूरध्वनी चर्चा झाली. या संभाषणांनंतर ट्रम्प यांनी ‘ट्रुथ सोशल’वर आणि भारतातील अमेरिकन दूतावासाने त्यांच्या अधिकृत हँडलवर एक संदेश पोस्ट केला. ट्रम्प यांनी लिहिले, “पंतप्रधान मोदी आणि मी अशी दोन माणसे आहोत जी प्रत्यक्षात कामे मार्गी लावतात (Get things done). ही गोष्ट जगातल्या बहुतेक नेत्यांबद्दल म्हणता येत नाही.” ट्रम्प यांच्या या विधानाचा सरळ अर्थ असा आहे की, इराणसारख्या जटिल प्रश्नावर तोडगा काढण्यासाठी त्यांना मोदींच्या मुत्सद्दीपणावर पूर्ण विश्वास आहे.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : युद्धविराम म्हणजे आत्महत्या! Saudi Arabia आणि UAE आता थेट मैदानात; अमेरिकेला दिलं विनाशाचं निमंत्रण
इराणने होर्मुझची सामुद्रधुनी (Strait of Hormuz) बंद करण्याची धमकी दिल्याने जागतिक अर्थव्यवस्थेचे कंबरडे मोडले आहे. भारतासाठी हा मार्ग अत्यंत महत्त्वाचा आहे कारण आपल्या कच्च्या तेलाचा मोठा पुरवठा याच मार्गाने होतो. पंतप्रधान मोदींनी ट्रम्प यांच्याशी बोलताना स्पष्ट केले की, हा सागरी मार्ग सुरक्षित आणि खुला ठेवणे केवळ भारतासाठी नाही तर संपूर्ण जगासाठी आवश्यक आहे. भारत या युद्धात थेट सहभागी नसला तरी, इराण आणि अमेरिका या दोन्ही देशांशी भारताचे असलेले सलोख्याचे संबंध पाहता, मोदी ‘शांतीदूत’ म्हणून मोठी भूमिका बजावू शकतात.
PM Modi and I get things done: Trump’s message as Iran invasion fears grow https://t.co/ugjd38p4HJ — IndiaTodayFLASH (@IndiaTodayFLASH) March 27, 2026
credit – social media and Twitter
२८ फेब्रुवारी २०२६ रोजी इराण आणि इस्रायलमध्ये प्रत्यक्ष युद्धाला सुरुवात झाली. तेव्हापासून आजपर्यंत अमेरिकेने इराणवर अनेक लष्करी हल्ले केले आहेत. मात्र, लष्करी कारवाईने प्रश्न सुटण्याऐवजी गुंता अधिक वाढत चालला आहे. अशा वेळी ट्रम्प यांना मोदींची साथ हवी आहे. ट्रम्प यांना माहित आहे की रशिया-युक्रेन वादात ज्याप्रमाणे मोदींनी “हे युद्धाचे युग नाही” असे ठणकावून सांगितले होते, तसेच काहीतरी ठोस ते इराणच्या बाबतीतही करू शकतात.
जागतिक घडामोडी संबंधित बातम्या वाचण्यासाठी येथे क्लिक करा : Viral Rap: नेपाळमध्ये रॅपर राज! PM बालेन शहांचा माईक ड्रॉप; शपथविधीपूर्वी ‘जय महाकाली’ गाण्याला 2 तासांत लाखो Views
ट्रम्प यांचे हे विधान दर्शवते की अमेरिका आता इराण प्रकरणाकडे केवळ लष्करी नजरेतून पाहत नाहीये. त्यांना भारतासारख्या एका विश्वासार्ह भागीदाराची गरज आहे जो इराणला चर्चेच्या टेबलावर आणू शकेल. ट्रम्प आणि मोदी यांची मैत्री सर्वश्रुत आहे, पण ही मैत्री आता जगाला महायुद्धाच्या खाईतून बाहेर काढणार का, हे येणारा काळच ठरवेल.
Ans: ट्रम्प म्हणाले की, मोदी आणि ते स्वतः अशी दोन माणसे आहेत जी कठीण कामे मार्गी लावतात, जे इतर बहुतेक नेत्यांना जमत नाही.
Ans: भारत थेट युद्धात सामील नाही, परंतु होर्मुझची सामुद्रधुनी खुली ठेवण्यासाठी आणि मध्य-पूर्वेत शांतता प्रस्थापित करण्यासाठी भारत मध्यस्थीच्या भूमिकेत असू शकतो.
Ans: इराण युद्ध सुरू झाल्यानंतर पहिल्यांदाच मंगळवारी (मार्च २०२६ मध्ये) दोन्ही नेत्यांमध्ये सविस्तर दूरध्वनी चर्चा झाली.
.png "Videos"){kind=small}
