फोटो सौजन्य AI
संयुक्त अरब अमिरातीने आपल्या सागरी हद्दीत रोखण्यात आलेल्या इराणी ड्रोन हल्ल्याबाबत तीव्र नाराजी व्यक्त केली आहे . UAE च्या मते , अश्या प्रकारच्या लष्करी कारवायांमुळे आखाती प्रदेशातील आधीच अस्थिर असलेली सुरक्षा परिस्थिती आणखी गंभीर होऊ शकते . ड्रोन हल्ल्याचा प्रयत्न हा देशाच्या सार्वभौमत्वाला आणि प्रादेशिक सुरक्षेला धोका निर्माण करणारा असल्याचे UAE ने स्पष्ट केले आहे .
UAE ने या घटनेचा निषेध करताना आपल्या नागरिकांच्या तसेच देशात राहणाऱ्या नागरिकांच्या सुरक्षेला सर्वोच्च प्राधान्य असल्याचे सांगितले आहे . संभाव्य हल्ले रोखण्यासाठी देशाच्या सुरक्षा यंत्रणा आणि संरक्षण दलाकडून परिस्थितीवर बारकाईने लक्ष ठेवले जात आहे .
या ड्रोन हल्ल्यामुळे इराण आणि आखाती देशांमधील तणाव आणखी वाढण्याची शक्यता आहे . UAE ने या घटनेचे वर्णन धोकादायक वाढ असे केले आहे . आखाती भागात लष्करी हालचाली वाढत असताना ड्रोन आणि क्षेपणास्त्र हल्ल्यांचा धोका देखील वाढला आहे .
UAE ने आपल्या प्रादेशिक हद्दीचे उल्लंघन किंवा देशाच्या सुरक्षेला धोका निर्माण करणाऱ्या कोणत्याही कारवाईला विरोध केला आहे . या पार्श्वभूमीवर इराणकडून होणाऱ्या पुढील हालचालीवर UAE सह इतर आखाती देशांचेही लक्ष असणार आहे .
दरम्यान , UAE ने या घटनेला प्रत्युत्तर देण्याचा पूर्ण अधिकार राखून ठेवला आहे . त्यामुळे परिस्थिती आणखी चिघळल्यास UAE कडून कोणती पाऊले उचलली जातात . याकडे आता आंतरराष्ट्रीय समुदायाचे लक्ष लागले आहे . आखाती प्रदेशातील संघर्षाचा परिणाम केवळ संबंधित देशांच्या सुरक्षेपुरता मर्यादित राहत नाहीत .
या भागातून होणारी ऊर्जा वाहतूक आणि महत्वाचे सागरी मार्ग यामुळे कोणताही लष्करी संघर्षाचा परिणाम जागतिक अर्थ व्यवस्थेवरही होऊ शकतो . त्यामुळे UAE आणि इराणमधील वाढता तणाव कमी करण्यासाठी राजनैतिक पातळीवर प्रयत्न होण्याची गरज आहे . असे जाणकारांचे मत आहे .
.png "Videos"){kind=small}
