बांगलादेशात हिंदूवरील हिंसाचारावर संयुक्त राष्ट्राची प्रतिक्रिया ; ढाकातील अल्पसंख्यांकाबाबत केली चिंता व्यक्त

UN on Bangladesh Violence : सध्या बांगलादेशात अस्थिरतेचे वातावरण निर्माण झाले आहे. यामुळे आंतरराष्ट्रीय स्तरावर चिंता व्यक्त केली जात आहे.संयुक्त राष्ट्रा संघाने हिंदूवरील वाढत्या अत्याचारा बाबत चिंता व्यक्त केली आहे.

• बांगलादेशमधील हिंसाचारावर संयुक्त राष्ट्राची प्रतिक्रिया
• ढाकातील अल्पसंख्यांकाबाबत केली चिंता व्यक्त
• हिंसाचार थांबवण्याचा इशारा

UN on Bangladesh Violence : ढाका : भारताचा शेजारी देश बांगलादेशमध्ये (Bangladesh) सध्या अस्थिरता आणि हिंसाचाराचे वातावरण आहे. यामुळे आंतरराष्ट्रीय स्तरावर खळबळ उडाली आहे. आंतरराष्ट्री स्तरावर बांगलादेशात हिंदूविरोधी वाढत्या अत्याचारावर चिंता व्यक्त केली जात आहे. तसेच इतर अल्पसंख्यांकांच्या सुरक्षेबाबतही प्रश्न उपस्थित केले जात आहे. नुकतेच संयुक्त राष्ट्रसंघाने अल्पसंख्याकांवरील अत्याचारावर कठोर भूमिका घेतले हे प्रकरणे सोडवण्याचा इशारा दिला आहे.

Bangladesh Election: बांगलादेशात राजकीय अस्थिरतेदरम्यान युनूस यांची मोठी घोषणा; ‘या’ तारखेला होणार निवडणुका

गेल्या आठवड्यात बांगलादेशचा विद्यार्थी नेता उस्मान हादीची हत्या करण्यात आली होती. त्याच्या हत्येनंतर बांगलादेशात प्रचंड मॉब लिंचिंगच्या घटना घडल्या. यामध्ये एका व्यक्तीचे जाळून हत्याही करण्यात आली आहे. या परिस्थितीवर भारतासह, अमेरिका, संयुक्त राष्ट्र संघाने देखील चिंता व्यक्त केली आहे.

UN ची बांगलादेशातील हिंसाचारावर प्रतिक्रिया

संयुक्त राष्ट्र संघराने स्पष्ट केले आहे की, कोणत्याही लोकशाही समाजात सूड आणि सूड घेण्यास जागा नाही. अल्पसंख्यांक लोकांची सुरक्षा तितकीच महत्त्वाची आहे, जेवढी बहुसांख्यिक लोकांची. संयुक्त राष्ट्र संघाचे सरचिटणीस अँटोनियो गुटेरस यांनी पत्रकार परिषेदत बोलताना बांगलादेशच्या अंतरिम सरकारला इशारा दिला आहे. बांगलादेशातील हिंदू आणि इतर अल्पसंख्याकांवरील अत्याचार चिंताजनक असून ते थांबवले पाहिजेत असे गुटेरस यांनी म्हटले आहे. त्यांनी सर्व बांगलादेशींना सुरक्षित वाटावे अशा इशारा दिला आहे. याशिवाय गुटेरस यांनी असेही स्पष्ट केले आहे की, केवळ बांगलादेशच नव्हे, इतर इतर कोणत्याही देशाच बहुसांख्यिक लोकांनी अल्पसंख्याकाना असुरक्षित वाटा नये हे सुनिश्चित केले पाहिजे.

अमेरिकेची प्रतिक्रिया 

याच वेळी भारतीय-अमेरिकन खासदार राजा कृष्णमूर्ती आणि सुहास सुब्रमण्यम यांनी बांगलादेशात हिंदूवरील अत्याचाराचा तीव्र निषेध नोंदवला आहे. दीप चंद्र दास याच्या हत्येवर त्यांनी दु:ख व्यक्त केले आहे. याशिवाय संयुक्त राष्ट्रांच्या मानवाधिकार उच्चायुक्त व्होल्कर टर्क यांनी देखील निवडणुकांसाठी युनूस सरकारला शांतता प्रस्थापित करण्याचे आणि हिंसाचार थांबवण्याचे आवाहन केले आहे.

बांगलादेशात फेब्रुवारीत होणार निवडणुका

याच वेळी बांगलादेशच्या अंतरिम सरकारचे मुख्य सल्लागार मोहम्मद युनूस यांनी देखील सार्वत्रिक निवडणुकांबाबत मोठी घोषणा केली आहे. त्यांनी स्पष्ट केले आहे की, फेब्रुवारीत १२ तारखेला ठरलेल्या वेळापत्रकानुसार निवडणुका होती. तसेच सरकारचा निवडणुका मुक्त, निष्पक्ष आणि शांततापूर्ण वातावरणात घेण्याचा हेतू असल्याचेही युनूस यांनी स्पष्ट केले आहे.

Bangladesh News : बांगलादेशी नेत्यांची उडाली भंबेरी! हादीच्या हत्येनंतर गन लायसन्ससाठी झुंबड