Bounty: माहिती देऊन कोट्यधीश व्हा! इराणचा ‘शहजादा’ रडारवर; मोज्तबा खामेनी, 10 ‘मोस्ट वाँटेड’ नेत्यांवर अमेरिकेने लावलं मोठं बक्षीस

10 Million Dollars Reward: अमेरिकेने मोज्तबा खामेनी यांच्यासह १० इराणी नेत्यांवर १० दशलक्ष डॉलर्सचे बक्षीस ठेवले आहे. आयआरजीसीशी संबंधित या नेत्यांची माहिती देणाऱ्यांनाही सुरक्षित आश्रयाला हलवता येईल.

• मोठ्या बक्षिसाची घोषणा
• सुरक्षित आश्रयाचे आश्वासन
• दहशतवादावर प्रहार

Mojtaba Khamenei Reward $10 Million : इराण आणि अमेरिका यांच्यातील (US-Israel Iran War) शीतयुद्ध आता एका अत्यंत स्फोटक वळणावर आले आहे. अमेरिकेच्या परराष्ट्र विभागाने त्यांच्या ‘रिवॉर्ड्स फॉर जस्टिस’ (Rewards for Justice) कार्यक्रमांतर्गत एक मोठी घोषणा केली असून, यामुळे तेहरानमध्ये खळबळ माजली आहे. इराणचे सर्वोच्च नेते अयातुल्ला अली खामेनी यांचे पुत्र मोज्तबा खामेनी यांच्यासह इराणच्या १० शक्तिशाली नेत्यांना अमेरिकेने ‘दहशतवादी’ घोषित करत त्यांच्यावर प्रत्येकी १० दशलक्ष डॉलर्सचे बक्षीस लावले आहे. अमेरिकेच्या या निर्णयामुळे मध्यपूर्वेतील राजकारण अधिकच तापले आहे.

बक्षीस, पैसा आणि नवी ओळख!

अमेरिकेच्या परराष्ट्र विभागाने स्पष्ट केले आहे की, ज्या व्यक्तीकडे या १० इराणी नेत्यांच्या ठावठिकाण्याबद्दल किंवा त्यांच्या आर्थिक व्यवहारांबद्दल विश्वासार्ह माहिती असेल, तिला १० दशलक्ष डॉलर्सपर्यंतचे बक्षीस दिले जाईल. ही रक्कम इतकी मोठी आहे की, कोणतीही व्यक्ती एका रात्रीत कोट्यधीश होऊ शकते. मात्र, अमेरिकेने केवळ पैशाचेच आमिष दाखवले नाही, तर माहिती देणाऱ्या व्यक्तीच्या जीवाला असणारा धोका ओळखून तिला दुसऱ्या देशात सुरक्षित स्थलांतरित करण्याचे आणि नवीन ओळख देण्याचे आश्वासनही दिले आहे.

जागतिक घडामोडी संबंधित बातम्या वाचण्यासाठी येथे क्लिक करा : War Alert: पुढील सात दिवसांवर जगाचे भवितव्य अवलंबून; अमेरिकेने 2500 मरीन सैनिक आणि युद्धनौका केल्या इराणकडे रवाना

यादीतील ‘हेवीवेट’ नेते कोण?

या यादीत केवळ मोज्तबा खामेनी यांचेच नाव नाही, तर इराणच्या सत्तेतील अनेक महत्त्वाचे स्तंभ यात समाविष्ट आहेत. यामध्ये इराणचे गुप्तचर मंत्री इस्माइल खातीब आणि गृहमंत्री ब्रिगेडियर जनरल एस्कंदर मोमेनी यांचा समावेश आहे. हे सर्व नेते इराणच्या ‘इस्लामिक रिव्होल्यूशनरी गार्ड कॉर्प्स’ (IRGC) शी संबंधित आहेत. अमेरिकेच्या मते, हे नेते जागतिक स्तरावर दहशतवादी कारवायांचे नियोजन करतात आणि अमेरिकेसह त्यांच्या मित्र राष्ट्रांच्या सुरक्षेला आव्हान देतात. सोशल मीडिया प्लॅटफॉर्म “X” वर या नेत्यांचे अधिकृत पोस्टर्स प्रसिद्ध करण्यात आले असून त्यांना “जागतिक धोक्याचे केंद्र” असे संबोधण्यात आले आहे.

See more

BREAKING 🚨 🇺🇸 The United States is offering up to $10,000,000 for information on Iranian leaders. 🇮🇷 The reward includes tips about Iran’s Supreme Leader Mojtaba Khamenei and other senior officials. pic.twitter.com/xAIEw9a6uF — Hinduism_and_Science (@Hinduism_sci) March 13, 2026

credit – social media and Twitter

माहिती देण्यासाठी हाय-टेक आणि सुरक्षित मार्ग

माहिती देणाऱ्याची सुरक्षा लक्षात घेऊन अमेरिकेच्या संरक्षण विभागाने अत्यंत गुप्त यंत्रणा कार्यान्वित केली आहे. माहिती देणारी व्यक्ती ‘रिवॉर्ड्स फॉर जस्टिस’च्या एन्क्रिप्टेड मेसेजिंग प्लॅटफॉर्मचा वापर करू शकते किंवा गुपचूप ‘टॉर’ (Tor) नेटवर्कद्वारे संपर्क साधू शकते. तुमची ओळख पूर्णपणे गोपनीय राहील, अशी लेखी ग्वाही अमेरिकन प्रशासनाने दिली आहे. या मोहिमेचा मुख्य उद्देश IRGC चे जागतिक जाळे उखडून टाकणे हा आहे.

See more

Got information on these Iranian terrorist leaders? Send us a tip. It could make you eligible for a reward and relocation. pic.twitter.com/y7avkqdGWw — Rewards for Justice (@RFJ_USA) March 13, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : Visa Extension : युद्धादरम्यान भारतात अडकलेल्या परदेशी नागरिकांना दिलासा; 30 दिवसांची व्हिसाची मुदतवाढ मंजूर

इराणची संतप्त प्रतिक्रिया आणि संभाव्य परिणाम

अमेरिकेच्या या ‘बक्षीस धोरणा’वर इराणने आक्रमक पवित्रा घेतला आहे. इराणच्या अधिकृत प्रवक्त्याने हा निर्णय म्हणजे त्यांच्या सार्वभौमत्वावरचा हल्ला आणि आंतरराष्ट्रीय नियमांचे उल्लंघन असल्याचे म्हटले आहे. मोज्तबा खामेनी हे इराणचे भविष्यातील सर्वोच्च नेते मानले जातात, अशा वेळी त्यांच्यावरच बक्षीस लावणे ही इराणसाठी मोठी अपमानजनक गोष्ट मानली जात आहे. यामुळे येत्या काही दिवसांत दोन्ही देशांमधील लष्करी तणाव आणखी वाढण्याची शक्यता आहे.