US Space Force: अवकाशात लष्करी तळ! अमेरिकेचा 1.6 लाख कोटींचा जुगार; चंद्रावर अणुऊर्जेने चालणार लष्करी यंत्रणा उभारणार

US Moon Military Base: राष्ट्राध्यक्ष ट्रम्प यांच्या नेतृत्वाखाली, नासा चंद्रावर एक कायमस्वरूपी लष्करी तळ उभारत आहे. या २० अब्ज डॉलर्सच्या मोहिमेचा उद्देश अंतराळात अमेरिकेचे वर्चस्व प्रस्थापित करणे हा आहे.

• चंद्रावर लष्करी तळ
• चीनला चोख प्रत्युत्तर
• मस्क आणि बेझोसची साथ

US Moon Military Base Trump 2026 : मानवी इतिहास आता एका अशा वळणावर आला आहे जिथे युद्धाची मैदाने केवळ जमिनीवर किंवा समुद्रात उरलेली नाहीत. राष्ट्राध्यक्ष डोनाल्ड ट्रम्प (Donald Trump) यांच्या एका ऐतिहासिक निर्णयाने आता अंतराळात ‘महायुद्धा’ची ठिणगी पडण्याची शक्यता निर्माण झाली आहे. नासाने (NASA) जाहीर केले आहे की, ते चंद्राच्या पृष्ठभागावर एक कायमस्वरूपी लष्करी तळ उभारणार आहेत. हा केवळ वैज्ञानिक प्रयोग नसून, चीनच्या वाढत्या अंतराळ महत्त्वाकांक्षांना रोखण्यासाठी अमेरिकेने उचललेले सर्वात मोठे पाऊल मानले जात आहे.

थेट चंद्राच्या पृष्ठभागावर ‘लष्करी’ ताकद!

नासाने आपल्या जुन्या योजनांमध्ये मोठा बदल केला आहे. यापूर्वी चंद्राच्या भोवती फक्त एक स्पेस स्टेशन (Gateway) उभारण्याचा विचार होता. मात्र, ट्रम्प प्रशासनाने आता थेट चंद्राच्या जमिनीवरच तळ ठोकण्याचे आदेश दिले आहेत. या प्रकल्पासाठी अंदाजे २० अब्ज डॉलर्स (सुमारे १.६ लाख कोटी रुपये) खर्च केले जाणार आहेत. यासाठी अत्याधुनिक रोबोटिक लँडर्स, ड्रोन्स आणि मानवरहित वाहनांची मोठी फौज चंद्रावर उतरवली जाईल. हा तळ केवळ संशोधनासाठी नसेल, तर अमेरिकेच्या ‘स्पेस फोर्स’साठी एक महत्त्वाचे सामरिक केंद्र म्हणून काम करेल.

जागतिक घडामोडी संबंधित बातम्या वाचण्यासाठी येथे क्लिक करा : World War 3 : युद्धविराम म्हणजे आत्महत्या! Saudi Arabia आणि UAE आता थेट मैदानात; अमेरिकेला दिलं विनाशाचं निमंत्रण

चीनसोबतचे ‘स्पेस वॉर’ आणि अपोलो युगाची आठवण

अमेरिकेचा हा आक्रमक पवित्रा चीनच्या आव्हानामुळे आला आहे. चीनने २०३० पर्यंत चंद्रावर आपले अंतराळवीर उतरवण्याची तयारी अंतिम टप्प्यात असल्याचे जाहीर केले होते. चीनला अंतराळात ‘सुपरपॉवर’ बनू न देण्यासाठी अमेरिकेने आता कंबर कसली आहे. नासाचे प्रमुख जेरेड आयझॅकमन यांनी म्हटले आहे की, अमेरिका पुन्हा एकदा त्याच ‘अपोलो’ युगाच्या जोमाने काम करेल, ज्याने १९६९ मध्ये जगाला चकित केले होते. ट्रम्प यांचा कार्यकाळ संपेपर्यंत चंद्रावर अमेरिकन ध्वज आणि लष्करी अस्तित्व कायमस्वरूपी सुनिश्चित करणे, हे या मोहिमेचे मुख्य ध्येय आहे.

See more

NASA announced ambitious long-range plans Tuesday to spend $20 billion over the next seven years to build a moon base near the lunar south pole featuring habitats, pressurized rovers and nuclear power systems. https://t.co/HxK70PY0Oo — CBS News (@CBSNews) March 24, 2026

credit – social media and Twitter

एलॉन मस्क आणि अणुऊर्जेचा वापर

या मोहिमेत जगातील सर्वात श्रीमंत व्यक्ती एलॉन मस्क यांची कंपनी ‘स्पेसएक्स’ आणि जेफ बेझोस यांची ‘ब्लू ओरिजिन’ अत्यंत महत्त्वाची भूमिका बजावत आहेत. चंद्रावर उतरण्यासाठी लागणारे विशेष ‘लुनार लँडर’ ही दोन दिग्गज व्यक्तिमत्त्वे विकसित करत आहेत. विशेष म्हणजे, चंद्रावर वीज पुरवठा करण्यासाठी तिथे छोटे अणुऊर्जा प्रकल्प (Nuclear Reactors) उभारले जातील. याशिवाय, नासा चंद्राचा वापर करून भविष्यात मंगळावर अणुऊर्जेवर चालणारी जहाजे पाठवण्याच्या तयारीत आहे.

जागतिक घडामोडी संबंधित बातम्या वाचण्यासाठी येथे क्लिक करा : World War 3: इराणच्या भीतीने अमेरिकन सैनिकांनी सोडले तळ; हॉटेल्समध्ये लपले, ‘प्रिसिजन स्ट्राईक’ ने USचा 10 अब्ज डॉलर्सचा चुराडा

स्पेस फोर्स आणि भविष्यातील सुरक्षा

ट्रम्प यांनी आपल्या पहिल्या कार्यकाळात ‘स्पेस फोर्स’ची स्थापना केली होती, ज्याची त्यावेळी अनेकांनी खिल्ली उडवली होती. मात्र, आता हा निर्णय किती दूरदृष्टीचा होता, हे स्पष्ट होत आहे. चंद्रावरील हा लष्करी तळ भविष्यातील युद्धांची नवी आघाडी असेल. उपग्रहांचे संरक्षण करणे आणि अंतराळातून शत्रूवर नजर ठेवणे, हे या तळाचे मुख्य काम असेल. तज्ञांच्या मते, २०२८ पर्यंत मानवाला पुन्हा चंद्रावर उतरवणे कठीण असले तरी, ज्या वेगाने मस्क आणि नासा काम करत आहेत, ते पाहता अमेरिका हे अशक्य काम शक्य करून दाखवेल, अशी चिन्हे आहेत.