इराणचे शेवटचे काही क्षण शिल्लक! ट्रम्पच्या आदेशानंतर B-2 अणुबॉम्बर या देशाचा नकाशाच बदलणार

Trump Intimidate Ali Khamenei: अमेरिकेचे राष्ट्राध्यक्ष डोनाल्ड ट्रम्प यांनी इराणचे सर्वोच्च नेते अली खामेनेई यांना नवीन अणुकरारासंदर्भात धमकी देणारे पत्र पाठवले आहे. यामध्ये ट्रम्प यांनी इराणवर हल्ल्याचा इशारा दिला आहे.

वॉशिंग्टन/तेहरान : अमेरिका आणि इराणमधील तणाव शिगेला पोहोचला असून, अमेरिकेचे राष्ट्राध्यक्ष डोनाल्ड ट्रम्प यांनी इराणच्या सर्वोच्च नेते अली खामेनी यांना अंतिम इशारा दिला आहे. इराणने अमेरिकेच्या अटी मान्य कराव्यात अन्यथा गंभीर परिणामांना सामोरे जावे लागेल, असा ठाम इशारा ट्रम्प यांनी दिला आहे. विशेष म्हणजे, ट्रम्प यांच्या आदेशानंतर अमेरिकेच्या बी-2 अणुबॉम्बर्स तैनात करण्यात आले असून, इराणवर संभाव्य हल्ल्याची तयारी सुरू झाली आहे.

ट्रम्प यांचा इराणला अल्टिमेटम, शेवटची 5 आठवडे मुदत!

या महिन्याच्या सुरुवातीला, ७ मार्च रोजी डोनाल्ड ट्रम्प यांनी अली खामेनी यांना एक पत्र पाठवले होते, ज्यामध्ये अमेरिकेने इराणसमोर दोन स्पष्ट पर्याय ठेवले होते –

1. अमेरिकेशी नवीन अणुकरार करावा
2. अमेरिकेच्या संभाव्य युद्धाची वाट पहावी

हे अल्टिमेटम संपण्यास आता फक्त पाच आठवडे शिल्लक आहेत, आणि इराणने अद्याप अमेरिकेच्या अटी मान्य करण्याची कोणतीही तयारी दर्शवलेली नाही.

इराणने अमेरिकेशी थेट चर्चा करण्यास नकार दिला असून, ओमानच्या माध्यमातून काही संदेश पाठवला आहे. मात्र, त्या संदेशात काय आहे हे अद्याप स्पष्ट झालेले नाही. दुसरीकडे, इराणचे परराष्ट्र मंत्री अब्बास अराघची यांनी स्पष्ट शब्दांत सांगितले की, “जोपर्यंत अमेरिका दबाव टाकत राहील, तोपर्यंत कोणतीही चर्चा केली जाणार नाही.”

जागतिक घडामोडी संबंधित बातम्या वाचण्यासाठी येथे क्लिक करा : कोण आहे ‘हा’ मुलगा? ज्याने 3 आठवडे आधीच केली होती म्यानमारच्या भूकंपाची भविष्यवाणी

बी-2 बॉम्बर्स तैनात – अमेरिकेची युद्धसज्जता!

डोनाल्ड ट्रम्प यांनी दिलेल्या आदेशानंतर अमेरिकेच्या बी-2 बॉम्बर्सची हालचाल वेगाने सुरू झाली आहे. हे विमान जगातील सर्वात आधुनिक आणि शक्तिशाली मानले जाते, जे अणुबॉम्ब टाकण्यास सक्षम आहे. बी-2 बॉम्बर्स सध्या अमेरिकेच्या मिसुरी येथील व्हाईटमन एअर फोर्स बेसवरून ब्रिटनच्या डिएगो गार्सिया या ठिकाणी हलवले जात आहेत. हे ठिकाण इराणपासून फक्त २३०० किलोमीटर अंतरावर आहे, जे युद्धाच्या दृष्टिकोनातून अत्यंत महत्त्वाचे मानले जाते.

इस्त्रायललाही कारवाईसाठी परवानगी?

युद्धाच्या पार्श्वभूमीवर, ट्रम्प यांनी इस्त्रायललाही इराणवरील हल्ल्यासाठी संमती दिल्याचे वृत्त आहे. अमेरिकेचे मध्य पूर्वमधील प्रमुख सहयोगी असलेल्या इस्त्रायलने याआधी अनेकदा इराणच्या अणुउद्योगावर हल्ला करण्याची इच्छा व्यक्त केली होती. इराण आणि इस्त्रायलमधील संघर्ष हा गेल्या अनेक वर्षांपासून सुरू आहे, आणि अमेरिकेच्या समर्थनामुळे इस्त्रायल इराणवर हल्ला करू शकते, अशी शक्यता व्यक्त केली जात आहे.

इराणसाठी निर्णायक वेळ, भविष्यातील नकाशा बदलेल?

डोनाल्ड ट्रम्प यांनी दिलेला इशारा लक्षात घेतला, तर इराणसमोर फार कमी पर्याय शिल्लक आहेत. जर इराणने अणुकराराबाबत नरमाईची भूमिका घेतली नाही, तर अमेरिका आणि इस्त्रायलच्या संयुक्त हल्ल्याला सामोरे जावे लागू शकते. विश्लेषकांच्या मते, जर अमेरिका आणि इस्त्रायलने एकत्रितपणे इराणवर हल्ला केला, तर इराणच्या संपूर्ण संरचनेवर मोठा परिणाम होईल. तज्ज्ञांचे म्हणणे आहे की, हा हल्ला इतका विध्वंसक असू शकतो की, इराणच्या नकाशावर मोठा बदल घडू शकतो.

जागतिक घडामोडी संबंधित बातम्या वाचण्यासाठी येथे क्लिक करा : म्यानमारमध्ये 200 वर्षांतील सर्वात तीव्र भूकंप; 694 मृत्यूंची पुष्टी, हजारो जखमी, मृतांचा आकडा वाढण्याची भीती

 पुढील काही आठवडे निर्णायक!

अमेरिका आणि इराणमधील संघर्षाने आता युद्धसदृश परिस्थिती निर्माण केली आहे. अमेरिकेच्या अणुबॉम्बर तैनात होण्यामुळे इराणवर तणाव अधिक वाढला आहे. ट्रम्प यांच्या आदेशाची वाट पाहत असलेल्या अमेरिकेने बी-2 बॉम्बर्स आणि इस्त्रायलच्या मदतीने युद्धाच्या सर्व तयारी सुरू केल्या आहेत. त्यामुळे इराणकडे आता फारसा वेळ उरलेला नाही, आणि येत्या काही आठवड्यांत जगाच्या राजकारणात मोठे बदल होण्याची शक्यता आहे.