मंगळवार, 10 नोव्हेंबर 2026
पंख असलेल्या मुंग्यांची सध्या तस्करी केली जात आहे. विशेष म्हणजे आंतरराष्ट्रीय बाजारात त्यांना मोठी मागणी देखील आहे. आता हे असं का तर याचं उत्तर म्हणजे ट्रेंड. सध्या जगभरात मुंग्यांना पकड़ून त्यांचं वारुळ घरात ठेवण्याचा ट्रेंड सुरु झालाय.अनेक ठिकाणी मुंग्यांचं वारुळ घरात शोभेसाठी ठेवलं जात आहे. आणि या सगळ्याची तस्करी होतेय ते केनियामध्ये.
केनियामध्ये सध्या पावसाळा सुरु आहे. त्यामुळं पंखवाल्या मुंग्यांच्या वाढीसाठी हे वातावरण पोषक आहे.याचाच फायदा घेत अनेक जण केनियात मुंग्यांचा काळाबाजार करत असल्याचं समोर आलं आहे. आता पंख असलेल्याच मुंग्या का तर त्याला देखील कारण तसंच आहे. पंखावाल्या मुंग्यांच वारुळ सर्वाधिक जास्त असतं. य़ामध्ये राणी मुंग्या असतात. या मुंग्यांमध्ये संपूर्ण नवी वसाहत निर्माण करण्याची क्षमता असते. आणि हेच कारण ठरतं त्यांचा काळा बाजार करण्यासाठी. या मुंग्यांना सर्वाधिक मागणी आहे.
या मुग्यांची तस्करी होते कशी तर अगदी योग्य वेळ साधत राणी मुग्यांना पकडलं जातं. आणि यांची बाजारात विक्री होते. याच कारण म्हणजे खूप लोकं असे आहेत ज्यांना कुत्र्या मांजराप्रमाणे मुंग्या पाळायला आवडतं. ही मंडळी घरात काचेच्या पेटीत मुंग्यांचं वारुळ पाळतात. आणि त्यांना यात आनंद मिळतो. हा ट्रेंड जगभरातील अनेक देशात सुरु आहे. अजून भारतात तरी असा काही विचित्र ट्रेंड आलेला नाही. एका छोट्या मुंग्यांसाठी एका ट्रेंडसाठी हजारो लाखो रुपये खर्च करणारी मंडळी आहेत.
