‘या’ देशाने खरेदी केले रशियाचे लढाऊ विमान सुखोई; कोण आहे तो ‘पॉवरफुल’ देश?

रशियाने 10 फेब्रुवारी 2025ला या विक्रीची घोषणा केली. या विक्रीला आंतरराष्ट्रीय बाजारात सुखोई Su-57 च्या विस्तारासाठी महत्त्वाचा टप्पा मानले जात आहे. रोसोबोरोनएक्सपोर्टचे प्रमुख अलेक्झांडर मिखेव यांनी दिलेल्या माहितीनुसार, या वर्षीच्या अखेरीस लढाऊ विमानाची पहिली डिलिव्हरी करण्यात येईल. यामुळे या व्यवहाराने रशियाच्या संरक्षण क्षेत्रासाठी मोठ्या रणनीतिक आणि धोरणात्मक महत्त्व प्राप्त झाले आहे.

जागतिक घडामोडी संबंधित बातम्या- BPCLचा ब्राझिलियन कच्च्या तेलासाठी धोरणात्मक करार; भविष्यात कालावधीत वाढ होण्याची शक्यता

Su-57 ची क्षमता

2024 च्या नोव्हेंबर महिन्यात Su-57E च्या पहिल्या निर्यात करारावर स्वाक्षऱ्या झाल्याची माहिती समोर आली होती. याशिवाय, त्याच महिन्यात चीनमधील झुहाई एअरशोमध्ये या विमानाने जागतिक बाजारात पदार्पण केले आणि आपली अत्याधुनिक स्टील्थ क्षमता, बहुपयोगी कार्यक्षमता, व उन्नत एविओनिक्स दाखवून दिले.

अल्जीरिया खरेदी करणार Su-57?

रोसोबोरोनेक्सपोर्टने या विमानाचा पहिला ग्राहकाचे नाव सध्या गोपनीय ठेवले आहे. कारण अनेकदा रशियाकडून लष्करी उपकरणे खरेदी करणाऱ्या देशांवर राजकीय, राजनैतिक आणि आर्थिक दबाव आणला जातो.  मात्र, संरक्षण क्षेत्रातील तज्ज्ञांच्या मते अल्जेरिया हा सर्वात संभाव्य ग्राहक मानला जात आहे. कारण अल्जेरियाचे रशियाशी दीर्घकाळचे लष्करी संबंध आहेत. तसेच अल्जेरियाने यापूर्वी रशियाकडून Su-30, MiG-29 आणि S-400 यांसारख्या आधुनिक लढाऊ उपकरणांची मोठ्या प्रमाणावर खरेदी केली आहे.

यामुळे Su-57 चा पहिला निर्यात सौदा अल्जेरियासोबत झाल्याची शक्यता अधिक आहे. अल्जेरियाने 2019-2020 च्या काळात Su-57 ची खरेदी करण्याची इच्छा व्यक्त केली होती. काही अहवालांनुसार, 14 युनिट्ससाठी करारावर स्वाक्षऱ्या करण्यात आल्या असल्याचं म्हटलं जातं, परंतु रशिया किंवा अल्जीरियाने याला अधिकृत दुजोरा दिलेला नाही. अल्जीरियाचं सैन्य उत्तर आफ्रिकेमध्ये आपली रणनीतिक ताकद वाढवण्यासाठी सतत प्रयत्न करतं, त्यामुळे त्यांच्यासाठी Su-57 हा योग्य पर्याय ठरतो.

जागतिक घडामोडी संबंधित बातम्या- डोनाल्ड ट्रम्प यांच्या निर्णयांचा धडाका सुरूच! आता नवीन नाण्यांचं उत्पादन केलं बंद, काय आहे कारण?

संबंधित बातम्या