World News : रोममध्ये गाझासाठी आक्रोश! ३०० मुलांची नावे लिहिलेले दफनवस्त्र घेऊन पुजाऱ्यांचे आंदोलन

World News : इटलीची राजधानी रोममध्ये ‘Priests Against Genocide’च्या निदर्शनात गाझा, व्याप्त वेस्ट बँक आणि लेबनॉनमधील संघर्षात मृत्यूमुखी पडलेल्या सुमारे ३०० मुलांची नावे असलेले दफनवस्त्र नेण्यात आले. युद्धातील नागरिकांच्या मृत्यूकडे लक्ष वेधत सहभागी धर्मगुरूंनी शांततेची मागणी केली.

• रोममध्ये ३०० मुलांच्या नावांनी निषेध
• दफनवस्त्र बनले आंदोलनाचे प्रमुख प्रतीक
• युद्ध आणि शस्त्रपुरवठ्याविरोधात आवाज

World News :७ ऑक्टोबर २०२३ पासून आज २३ सप्टेंबर म्हणजेच २ वर्ष ११ महिने झाले इस्रायलने गाझापट्टीवर हल्ला करून . या हल्ल्यामध्ये जगातील सर्वात मोठा नरसंहार झाला असे जागतिक पातळीवर बऱ्याच देशांचे म्हणणे आहे . तर काही ठराविक देश इस्रायलच्या बाजूने आहेत . या घातकी हल्ल्यात खूप मोठ्या प्रमाणात महिला आणि लहान मुलांचा बळी गेला आहे . ज्यांचा या सगळ्या प्रकरणाशी काडीमात्र संबंध नाही .

फक्त आणि फक्त ते पॅलेस्टानी आहेत म्हणून त्यांचा जीव गेला आहे . या हल्ल्यामुळे जवळजवळ अर्ध्यापेक्षा जास्तच गाझा पूर्णपणे उध्वस्त झाला आहे . त्याचबरोबर त्याला पूर्णपणे बंधिस्त करून बाहेरच्या जगातून मिळणारी मदत देखील अडवण्यात आली आहे . भुकेमुळे सुद्धा लोकं यात मरण पावली आहेत .

Trump vs Media : गदारोळ सुरु ; ट्रम्प यांच्यावर प्रसार माध्यमांनी घातली बंदी

या सगळ्याला जेवढा हमास जबाबदार आहे तेवढाच इस्रायल जबाबदार आहे . कारण कोणालाही किंवा कोणत्याही देशाच्या सरकारला निष्पाप नागरिकांचा , महिलांचा , लहानमुलांचा तसेच निशस्त्र असलेल्या आणि प्रतिकार करू न शकणाऱ्या माणसाचा जीव घेण्याचा अधिकार नाही .

या सगळ्या हिंसाचारामुळे नेतन्याहू यांच्यावर आंतरराष्ट्रीय क्रिमिनल कोर्ट ने अटक वॊरंट जाहीर केले आहे . अश्यातच इटलीच्या राजधानी रोम मधून ख्रिस्ती धर्मगुरूंनी लहानमुलांसोबत झालेल्या हिंसाचाराविरोधात मोर्चा काढून आपली सहानभूती आणि पाठिंबा दर्शवणं कौतुकास्पद आहे . असे बोलले जात आहे .

रोममध्ये ३०० मुलांच्या नावांनी निषेध

इटलीची राजधानी रोममध्ये ‘Priests Against Genocide’ या गटाने आयोजित केलेल्या निदर्शनात सुमारे ३०० मुलांची नावे लिहिलेले पांढरे दफनवस्त्र नेण्यात आले. या प्रतीकातून गाझा, व्याप्त वेस्ट बँक आणि लेबनॉनमधील संघर्षात मृत्यूमुखी पडलेल्या मुलांकडे जगाचे लक्ष वेधण्याचा प्रयत्न करण्यात आला.

Iran–US War : ट्रम्प-इराण चर्चेला पुन्हा वेग; न्यूयॉर्कमध्ये शटल डिप्लोमसी सुरू

दफनवस्त्र बनले आंदोलनाचे प्रमुख प्रतीक

निदर्शनात सहभागी धर्मगुरू, नन्स आणि इतर कार्यकर्त्यांनी हे मोठे पांढरे वस्त्र हातात घेतले होते. त्यावर मुलांची नावे लिहिण्यात आली होती. आयोजकांच्या मते, युद्धातील मृत्यू केवळ आकडे नसून प्रत्येक मृत व्यक्तीची एक ओळख आणि कुटुंब आहे, हा संदेश देण्यासाठी हा उपक्रम करण्यात आला.

युद्ध आणि शस्त्रपुरवठ्याविरोधात आवाज

या आंदोलनातून गाझासह मध्यपूर्वेतील युद्ध, नागरिकांचा मृत्यू आणि शस्त्रांच्या वापराविरोधात निषेध व्यक्त करण्यात आला. सहभागी धर्मगुरूंनी शांतता आणि नागरिकांच्या संरक्षणाची मागणी केली. युद्धविरामाच्या काळातही हिंसाचार सुरू राहिल्याचा दावा करत त्यांनी आंतरराष्ट्रीय समुदायाने या परिस्थितीकडे गांभीर्याने पाहावे, असे आवाहन केले.