yemen enters war indians injured abu dhabi missile attack iran thailand oil deal 2026
Yemen enters US Iran Israel War 2026 : अमेरिका, इस्रायल आणि इराण यांच्यातील युद्धाला (US-Israel Iran War) आता २१ दिवसांहून अधिक काळ लोटला आहे. शांततेच्या सर्व वाटाघाटी फिस्कटल्या असून आता हे युद्ध अधिक हिंसक वळण घेत आहे. सर्वात धक्कादायक बाब म्हणजे, आतापर्यंत या युद्धापासून दूर असलेला येमेन आता थेट मैदानात उतरला असून त्यांनी इस्रायल आणि मित्रराष्ट्रांना लक्ष्य करण्यास सुरुवात केली आहे. या युद्धाची झळ आता भारतीयांनाही बसू लागली असून अबु धाबीतील हल्ल्यात भारतीय नागरिक जखमी झाल्याने खळबळ उडाली आहे.
येमेनकडून अबु धाबीच्या दिशेने डागलेली बॅलिस्टिक क्षेपणास्त्रे हवेतच नष्ट करण्यात आली खरी, पण या क्षेपणास्त्रांचे अवशेष शहरात पडल्याने मोठी दुर्घटना घडली. खलिफा इकॉनॉमिक झोनमध्ये या अवशेषांमुळे भीषण आग लागली. या घटनेत ५ भारतीय नागरिक गंभीर जखमी झाले आहेत. ही बातमी समोर येताच भारतात चिंतेचे वातावरण आहे. येमेनच्या या हल्ल्याने सिद्ध केले आहे की, आता हे युद्ध केवळ इराणपुरते मर्यादित राहिलेले नाही, तर संपूर्ण आखाती देश यात ओढले जात आहेत.
जागतिक घडामोडी संबंधित बातम्या वाचण्यासाठी येथे क्लिक करा : India Bangladesh ties: ‘शेवटचा शब्द, आम्ही भारताच्या विरोधात…’ बांगलादेशच्या उच्चायुक्तांनी ‘असे’ म्हणून नवी दिल्लीत जिंकली मने
एकिकडे युद्ध सुरू असताना इराणने एक मोठी मुत्सद्दी खेळी खेळली आहे. थायलंडचे पंतप्रधान अनुतिन चर्नविराकुल यांनी जाहीर केले की, इराणसोबत झालेल्या विशेष करारानुसार थाई तेलवाहू जहाजांना होर्मुझच्या सामुद्रधुनीतून सुरक्षित प्रवासाची मुभा मिळाली आहे. काही दिवसांपूर्वीच थायलंडच्या जहाजावर अज्ञात हल्ला झाला होता, ज्यामध्ये ३ कर्मचारी बेपत्ता झाले होते. आता इराणने थायलंडला दिलेली ही सवलत ट्रम्प प्रशासनासाठी चिंतेची बाब ठरत आहे, कारण यामुळे अमेरिकेच्या आर्थिक निर्बंधांना खिंडार पडण्याची शक्यता आहे.
BREAKING: Yemeni Houthis have officially entered the war alongside Iran against the US and Israel. Bab al-Mandab Strait is at risk, like the Strait of Hormuz, which could bring catastrophic consequences for the global economy. pic.twitter.com/OF3Km46LHu — Current Report (@Currentreport1) March 28, 2026
credit – social media and Twitter
लेबनॉनच्या सीमेवरही परिस्थिती हाताबाहेर गेली आहे. इस्रायलने लिटानी नदीपर्यंत ‘बफर झोन’ तयार करण्याची घोषणा केल्यानंतर हिजबुल्लाहने आक्रमक पवित्रा घेतला आहे. हिजबुल्लाहने दावा केला आहे की, त्यांनी इस्रायलचे दोन ‘मर्कवा’ रणगाडे उद्ध्वस्त केले आहेत. रॉकेट, तोफगोळे आणि आत्मघाती ड्रोनच्या साहाय्याने हिजबुल्लाहने इस्रायली सैन्याला लिटानी नदी ओलांडण्यापासून रोखले आहे. पंतप्रधान नेतान्याहू यांनी उत्तर इस्रायलच्या रक्षणासाठी हे पाऊल उचलल्याचे म्हटले असले तरी, हिजबुल्लाहचा प्रतिकार इस्रायलसाठी डोकेदुखी ठरत आहे.
जागतिक घडामोडी संबंधित बातम्या वाचण्यासाठी येथे क्लिक करा : War End: ‘सैन्य पाठवण्याची गरज भासणार नाही…’ 10 दिवसांचा डेडलाइन ड्रामा; रुबियोने सांगितला ट्रम्पचा खरा प्लॅन
ट्रम्प प्रशासन आणि इराण यांच्यात पाकिस्तानमार्फत चर्चा सुरू होणार होती, पण इराणने अमेरिकेच्या कडक अटी फेटाळून लावल्या आहेत. येमेनची युद्धात एन्ट्री आणि भारतीयांना झालेली दुखापत यामुळे आता हे युद्ध जागतिक स्तरावर संताप निर्माण करत आहे. जर येमेन आणि हिजबुल्लाहने आपले हल्ले वाढवले, तर अमेरिका थेट जमिनीवर सैन्य उतरवण्याची शक्यता नाकारता येत नाही.
Ans: येमेनने डागलेल्या क्षेपणास्त्रांच्या ढिगाऱ्यामुळे अबु धाबीमध्ये ५ भारतीय नागरिक जखमी झाले आहेत.
Ans: इराणने थायलंडच्या तेलवाहू जहाजांना होर्मुझच्या सामुद्रधुनीतून कोणत्याही अडथळ्याविना जाण्याची परवानगी दिली आहे.
Ans: हिजबुल्लाहने इस्रायलचे शक्तिशाली 'मर्कवा' (Merkava) रणगाडे आणि लिटानी नदीच्या दिशेने सरकणाऱ्या सैनिकांना लक्ष्य केले आहे.
.png "Videos"){kind=small}
